Jaku English nya jaku bansa bukai ti mayuh diinjau
ngagai jaku Iban. Jaku English tebalan
dikena lebuh bejalaika
atur perintah, bedagang,
dalam pelajar sekula, ngerembaika pengarap Kristian enggau
mayuh mega pengawa ti bukai maya menua Sarawak ti dipegai perintah koloni
menya. Kaul pengawa perintah ti balat ngelekai ke dalam daya idup bansa Iban
udah mujur nerenakka jaku English ti ngujungka jaku nya masai dikena dalam jaku
besehari-sehari maya tu. Proses nginjau jaku ari jaku English udah ditetap
bepelasarka chara-chara tu:
- Penemban urup enggau sebut
- Ningkilka konsonan sengian
- Ngetanka konsonan turu
- Ngetanka tukuh visual
- Meri penambah ngagai jaku injau
Ba tusun ke sekali tu aku semina mai kitai meratika atur nyepil jaku injau
ari jaku English ari sukut penemban urup enggau sebut.
Penemban urup enggau sebut
(i)
Leka jaku ti beujungka konsonan turu.
Ba leka jaku injau ti baka tu, sida disepil
bekelapungka urup ‘a’
ngambika mudah disebut.
|
Jaku English
|
Jaku Iban
|
||
|
Urup
|
Chunto
|
Urup
|
Chunto
|
|
-gm
|
paradigm
|
-gma
|
paradigma
|
|
-sm
|
nationalism
|
-sma
|
nasionalisma
|
Lebas:
Kelimpah ari chunto di atas, sebengkah agi leka
jaku ti dikelapung ngena urup ‘a’ nya baka tu.
Jaku English
Jaku Iban
Urup Chunto Urup Chunto
-phere atmosphere -sfera atmosfera
(iii).
Leka jaku ti bepunka konsonan turu
Sekeda leka jaku English ti diinjau enda kena
serangkung atur ba atur nyepil konsonan turu ti mengkang nyerupa, tang ditulis nitihka penemban sebut dalam jaku Iban.
Ba jaku ti bansa tu, konsonan turu ba pun jaku diserara lalu diselepak enggau
urup e pepet.
Jaku English
Jaku Iban
Urup
Chunto Urup
Chunto
cl-
class, club
kel- kelas, kelab
dr- driver der- deriba
gl- glass gel- gelas
pl- plan, plate pel- pelin, pelit
st- stamp, store set- setem, setor
manah artikel tu unggal.. mayuh penemu baru bisi dikunsi nuan dalam blog tu.. ulih nyadi ka chunto ngagai bala kami nulis ngena sepil ti betul kemaya hari tu..
BalasPadam