Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.
"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Khamis, 6 September 2012

‘Manang’ ngakal orang RM70,000 ditangkap polis


SIBU: Siku ‘manang’ beumur 70 udah ditangkap polis di Pasai Siong udah bekau iya kena tuduh nipu mata duit penyampau RM70,000 enggi siku orang tuai di pasar Kanowit.

Ku cherita lelaki tuai bisi betemu enggau siku manang ke madah diri nemu ngaga duit mayuh agi.

Tuai tu gagit bendar ati udah meda manang nya mandangka penemu iya sebedau iya setuju betemu enggau manang nya baru ba sebuah rumah di Kanowit kena 30 Ogos tu tadi.

Baka ke endang udah disemaya, lelaki tuai tu sedia mai duit penyampau RM70,000 ngagai sebuah rumah ke ditunjuk manang ngagai iya ke alai iya ngadu pengawa bemanang dia.

Lelaki nya diasuh nyimpan semua duit iya ke dalam kereban udah nya dibalut enggau kain. Udah tembu pengawa nya lelaki nya diasuh mai kereban nya pulai ke rumah. Taja pia, iya enda tau muka kereban nya sebedau datai di rumah.

Lebuh iya muka bungkus nya di rumah, iya semina nemu bup tulis aja dalam kereban nya. Nemu diri udah kena akal, iya begaut ngaga ripot polis enda lama udah nya.

Berindik ari nya, polis lalu nangkap saspek di Pasai Siong kena 2 September tu tadi. Saspek diriman empat hari berengkah ari 3 September tu tadi. -UB
Posted by at
Labels:

Tiada ulasan:

Catat Ulasan

Langgan: Catat Ulasan (Atom)