Paku

Paku ikan

Utai tumbuh ti deka dikenang ditu sekali tu iya nya senentang paku. Paku nya bansa babas ti tumbuh kediri ba temuda tauka kampung. Iya enda bebungai lalu daun iya berabai betakang besai bejila baka bulu manuk sereta bechura gadung. Bisi bansa paku tau diempa lalu bisi mega bansa paku ti tumbuh dalam kampung, bekerang besai tinggi baka kayu. Di baruh tu dirintaika bansa paku.

Paku kelindang

Paku engkeruak iya nya paku ti lemi batang. Iya tumbuh nyelat padi paya.

Paku ikan nya bansa paku ti tumbuh ba emperan semak tebing sungai.

Paku keli nya besai sereta gadung agi ari paku ikan.

Paku kelindang nya paku ti tumbuh tinggi ba tanah kering kelebih agi ba tanah ti udah kusi.

Paku Kemiding

Paku kemiding nya bansa paku ti tumbuh ba tanah baruh di reban babas tauka umai. Iya berandau panjai sereta kering.

Paku kijang bebatang mirah angus baka bulu kijang. Iya tau tumbuh datai ke sepuluh kaki.

Paku kubuk

Paku kubuk tauka paku keru tumbuh ba tanah ami.

Paku raba tumbuh tinggi sebelah tebing ai.

Paku pait tumbuh sebelah tebing ai ba menua datai ai pasang tang ukai ba menua ili.

Paku rajang nya paku ti tumbuh empakap ba kayu bukai ti besai. Sekeda bansa paku tu tumbuh bekerang tinggi baka kayu dalam kampung ba tanah bukit.

Paku gajah nya paku ti bebatang kering besai, tumbuh ba kampung.

Paku teras nya paku ti bebatang chelum sereta baruh agi ari paku gajah.

Sempama jaku dalam ti bisi bekaul enggau paku nya baka paku ke dituju bah. Jaku dalam tu madahka reti bala indu dara ba siti genturung pendiau ke nyau lus dipansa bujang siku.