Sapa Derek Freeman dalam pengidup raban bansa Iban

John Derek Freeman (15 August 1916 – 6 July 2001) tu siku anthropologist bebansa New Zealand. Iya tebilang enggau pengawa ke mejahka kereja Margaret Mead sentang komuniti Samoa.  Tang pekara ti deka dikenangka aku ditu nya sentang kaul Freeman enggau raban bansa Iban. Ngagai raban aktivis Iban dipelabaka aku kala ninga sereta macha artikel ti ditulis Derek Freeman tu kelebih agi sentang pengidup raban bansa Iban.

Pansik Doctoral ba Borneo

Dalam taun 1946 iya bisi nerima wang bantu belajar iya nya a Rehabilitation Bursary of the New Zealand government. Enggau duit scholarship nya, iya lalu nampung pelajar iya ba tikas  post-graduate studies begulai enggau Raymond Firth ba London School of Economics and Political Science. Dalam taun 1947 iya bisi meri licha ba Universiti Oxford sentang tukuh sosial bansa Samoa. Tu ngujungka iya bisi kaul Meyer Fortes ke lalu bisi balat bendar nguingka runding iya dalam pengawa nembuka pansik doctoral iya.  Dalam bulan November 1948, iya bebini ngambi Monica Maitland. Enda lama udah jadi seduai lalu mupuk ke Sarawak. Ba Sarawak Freeman nembuka pansik doctoral iya sentang orang Iban dalam timpuh 30 bulan.  Ba Borneo, Freeman gawa segulai rapit enggau bini ke mega siku artist ke mayuh ngelukis ethnographic sentang raban bansa Iban. 

Tesis iya sentang pengawa bumai raban bansa Iban dikira pengawa ti pengabis manah kala dipansik  ( "a superb piece of research" and "one of the best and most complete accounts of swidden agriculture that has yet been made").  Pengawa nya ngenuluka chara ngena quantitative data mansik pengawa ekonomi ti bisi kaul enggau berimba.  Iya mega orang ke madahka sistem kaban belayan tauka kinship system raban bansa Iban nya sistem ti manah sereta nadai ngemeratka patrilineal tauka matrilineal tang nyulut belalauka individu. Freeman madahka sistem nya "utrolineal", iya nya sistem ti bepelasarka pemilih diri empu. Sistem nya mih ke balat meri empas ngagai kuing runding sereta pengawa Freeman udah nya.

Freeman ngaga pansik sentang raban bansa Iban ba Borneo dalam timpuh dua setengah taun. Pansik doctoral iya dalam taun 1953 betatika kaul pengawa bumai raban bansa Iban enggau pengidup diri sebilik. Freeman mulaika diri ke England dalam taun 1951 lalu diterima belajar ba Kolej King di Universiti Cambridge ke alai iya nemuka tesis doctoral sentang orang Iban dalam taun 1953.

Lebuh ke mulaika diri ke Borneo dalam taun 1961 dia iya bisi sakit untak ketegal kelalu balat enda selubang penemu enggau siku ethnologist enggau explorer, Tom Harrison. Penelaba nya ngujung iya ngubah chara iya meda sereta betatika pekara ti bekaul enggau anthropologi, lalu ngubah chara iya meda ulah mensia kelebih agi ari sukut universal psychological enggau biological foundations. Kenyau ari nya Freeman balat agi ngemeran rapat langkah ti baru lebuh bejalaika pengawa anthropologi ti bisi digabungjalin iya ngena teori evolutionary enggau psychoanalysis. Iya mega nulis sereta ngeluarka bup iya belalauka konsep aggression enggau choice.

Penyanding Bibliographic

Title

Iban agriculture: a report on the shifting cultivation of hill rice by the Iban of Sarawak Issue 18 of Colonial research studies Volume 1 of Human relations area files: Iban

Author

Derek Freeman

Publisher

H.M. Stationery Off., 1955

en.wikipedia.org/Derek_Freeman