Tips muai bau kaki

Kaki bebau seruran ditapi orang ke ngena kasut ninting hari. Bau but kaki tau bendar ngasuh orang ke ngelinggi kitai berasai enda nyamai.

Muai bau kaki ke enda manah nya pugu pengawa bagi sida ke ngembuan penanggul tu.

Kaki bebau bepun ari bakteria ba kaki ketegal peluh. Enti nuan ngembuan penanggul tu, bisi sekeda chara dikena muai bau nya.

1) Rendam kaki nuan di dalam beledi ke bisi sabun besereta enggau ai nyilu kukut lalu unsut kaki anda sepengelama 30 minit. Udah nya, basu kaki nuan ngena ai chelap. Ai nyilu kukut ulih muka lubang peluh ba kaki lalu muai utai kamah. Tuju ai chelap nya dikena nutup pulai lubang peluh ti tebuka nya tadi.

2) Kena sarung kaki tauka stokin ti digaga ari utai ti nyamai ke kulit sereta ngembuan sistem angin ti manah ngambika kaki enda embab. Nya mih kebuah, stokin bansa nilon enda patut dikena enggau suah.

3) Kena mayuh bansa kasut nitihka maya ti patut. Enti nuan deka pansut makai angin maya ujung minggu, kena mih kasut ti tebuka tauka selipar. Sekurang – kurang iya, kaki nuan ulih 'enseput' sekejap.

4) Tentuka tapak kaki enggau jari kaki nuan enda dirampit penyakit kulat. Enti nuan bisi tepedaka kulit rangkai sereta bisi tompok mirah, kena mih produk kaki ti engkeman tauka betemu mih enggau doktor.

5) Nuan patut ngena kasut ti bebida beantaraka dua hari. Kasut begunaka 24 jam ngambika iya chukup rangkai.


Enti kasut nuan bebau :


1) Balut kasut nuan ngena suratkabar lalu simpan ba endur ti chelap sereta berangin. Keretas suratkabar ulia nyerap bau but ba kasut.

2) Ambi sekeda igi kupi lalu balut igi kupi nya ngena tisu, engkah pembalut kopi nya ke dalam kasut lalu lakka dia semalam.

3) Enti kasut nuan agi bebau taja pan udah dibasu, rangkaika dulu kasut nya. Udah nya, ambi soda bikarbonat lalu taburka ba kasut lalu lakka dia semalam. Penyampau soda bikarbonat bepanggai ba saiz kasut nuan. Hari siti, buai soda bikarbonat nya ngena vakum.

4) Dikena nyeliahka kasut ngambika enda mudah bebau, anang ngena kasut maya kaki nuan basah. Kebuah pia, laban iya ulih ngasuh bakteria beranak betelesak sereta ngerekai. Ngambika semitan agi, nuan patut ngena produk ti ulih muai bau kasut enggau jampat.

5) Enti kasut nuan basah ketegal ujan, beguai masukka surat kabar lama ke dalam kasut lalu simpan kasut dalam kain, kotak kasut tauka empelus.


Chara di atas mudah amat dipraktikka. Enti nuan udah nguji kesemua pekara di atas tang agi napi penanggul ti sama, uji betemu enggau pakar kulit lalu ninga jaku lalau ari sida.


Selamat Nguji!