Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.
"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Selasa, 21 Januari 2014

Orang Kaya Pemancha Dana a.k.a Bayang Kain

Orang Kaya Pemancha Dana ke beensumbar Bayang Kain nya siku tuai Iban ke beberita. Iya udah matak serang ari taun 1800 ngagai 1845, lalu mayuh orang ke udah alah serang laban iya sereta setanah nitihka serang iya. Nya kebuah mayuh serang ke diuluka iya ulih menang, baikka nya serang ba darat tauka senebing tauka sebelah tebing taik menua Sarawak, terus ngelui Sambas enggau Pontianak dalam menua Kalimantan Barat ti diperintah Belanda menya.



Bisi sekali dalam taun 1837, Orang Kaya Pemancha Dana Bayang ngumpul pungka lelaki Iban enggau Laut ari Saribas enggau Batang Lupar, matak kayau ngalahka Pontianak. Dulu ari nya, Bayang matak bala ari menua dua bengkah nya tadi lalu ditambah orang Sadong ngalahka China Sengkawang, Indonesia.

Bayang tu apai Aji, kedua bali nama iya Saji. Aji tu bulih meriam ti dikumbai Bujang Timpang Berang belumur 1515 ari Sherip Masahor ke megai menua Mukah kelia.

Pemancha Nanang, mega anak Dana ngelaban Rajah Charles Brooke ari taun 1857 ngagai 1861 ba Bukit Sadok. Nitihka pengingat Mereta uchu Aji anak Dana, meriam Bujang Timpang Berang tu ke bendar enda kala dikena Rentap.

Orang Kaya Pemancha Dana a.k.a Bayang Kain lesi nyenggai hari laban penyakit bungai dalam taun 1845 ba menua iya empu di Padeh, Saribas, Betong.

Penyanding penemu:


Bup Sereba Reti Jaku Iban, Tun Jugah Foudation, 2011


Posted by at
Labels:

1 ulasan:

  1. Unknown12 Oktober 2015 pada 1:16 PG

    Manah mai penemu nuan tok, ngarap ke nuan eda leju ngiga penemu baka tok ngambik ke bisi di peda rebak baru jemah.

    BalasPadam

Langgan: Catat Ulasan (Atom)