Peranak Malaysia dilanggurka betambah ngagai 41.5 juta
iku orang dalam taun 2040, enti dibanding enggau 28.6 juta iku dalam taun 2010.
Pia ku ripot ari Opis Statistik dalam ripot sida ke beramuka jaku Unjuran Penduduk Malaysia (ti diperatika
baru) 2010-2040.
Taja pia, nitihka opis tu, penambah penyampau peranak
menua nya niki enggau chara ti beseranyat bepelasarka ratio penambah ninting
taun iya nya nurun ari 1.8 persin dalam taun 2010 ngagai 0.8 persin dalam taun
2040. Pukul rata ratio penyampau peranak menua tu bisi kurang iya nya kira-kira 0.05 persin
ninting taun.
Nitihka Opis Statistik tu mega madahka Bumiputera
ngayanka penyampau ti pengabis tinggi, 4.8 persin iya nya ari 67.3 persin dalam
taun 2010 ngagai 72.1 persin dalam taun 2040. Ratio penempa dalam taun 2010 iya
nya 106 iku lelaki bagi genap 100 iku indu. Tu deka nambah ngagai 108 dalam
taun 2020 sereta enda berubah nyentuk ke taun 2040.
Opis Statistik madahka struktur umur peranak menua
ulih dikategorika ngagai tiga raban iya nya raban umur biak (0-14 taun), raban umur
bekereja (15-64 taun) enggau umur tuai (65 taun sereta lebih). Umur penengah dalam
taun 2010 nya 26.3 taun niki ngagai 38.3 taun (2040) iya nya betambah 12 taun
dalam timpuh 30 taun.
Malaysia dipelabaka napi peranak menua ti mayuh
tuai umur dalam taun 2020 lebuh penyampau sida ke berumur 65 taun sereta lebih,
datai ngagai 7.2 persin.
(Dibali ari http://www.hmetro.com.my/)
Tiada ulasan:
Catat Ulasan