Langgur Pelajar
Langgur pelajar nya pelin ti genap senentang
sesebengkah pelajar ti deka dikenataika pengajar. Bala pengajar suah ngumbai langgur
pelajar tu Rancangan Pelajar Harian (RPH). Iya ngundan objektif ti deka
dijapai, kereban ti diguna enggau aktiviti ti deka dipejalaika.
Langgur pelajar nya sebagi ari utai ke dikena nyediaka
diri ngajar. Nya alai iya beguna amat ba pengajar ke benung belatih ngajar
sereta beguna mega ngagai pengajar ke baru tamat latih sereta mangku pengawa
nyadi pengajar di sekula. Iya ulih disemaka baka itinerari (taga pejalai) ti
nentuka tempat ke deka dituju, kemaya enggau chara penemu nya deka dipejalaika.
Bemalinka siti langgur pelajar, pengajar pelatih tauka
pengajar deka berasai bisi pengarap ti lebih agi maya betapi enggau bala
nembiak iya. Iya udah nemu objektif ti deka dijapai, iya udah nyediaka kereban
bantu ngajar ti diguna lalu iya mega nemu rurun aktiviti ti deka dipejalai.
Reti nya iya udah chukup besedia lebuh tama ke kelas.
Siti langgur pelajar mesti ngundan maya leman pekara.
Isi iya ulih dibagi ngagai beberapa seksyen.
Seksyen keterubah ngundan pekara senentang tagit iya
nya nembiak ti deka nerima ajar. Penerang tu nyengkaum peringkat sekula, tikas
pengulih (ba mata pelajar nya empu) enggau penyampau sereta pekara ti mungkur
awak iya nya hari (kemaya), jam (pagi tauka ngalih hari, jam berapa) sereta
penyampau minit ti diungkupka ngagai mata pelajar nya.
Penerang senentang nembiak enggau awak mesti seruran
dikira maya ngaga langgur pelajar. Tikas pengulih nembiak sekalika sida nya
jelan pemandai, lebih ari jelan tauka baruh ari jelan deka meri empas ngagai
bansa sereta pemayuh isi ti deka dikenataika pengajar. Baka nya mega penyampau
minit ti diungkupka sekalika nya 30, 40
tauka 80 minit (dua awak pelajar) deka nentuka bansa aktiviti enggau pemayuh
kereja ke deka dipejalaika bala nembiak enggau pengajar. Enda milih maya belajar
sekalika nya maya tumu pagi, tengah hari tauka ngalih hari bisi meri empas
ngagai pemutus pengajar senentang chara ngenataika pelajar.
Seksyen kedua langgur pelajar mungkur objektif ti
dipelaba deka dijapai dalam pelajar nya. Ba siti langgur pelajar ke alai jalai
jaku dikaul-jaul enggau pengelandik jaku dia langgur pelajar mesti ngembuan ukai semina objektif ti bisi
kaul enggau elemen jalai jaku nya tang mega objektif ti bisi kaul enggau
pengelandik jaku nya.
Ba hal objektif ti nyemetak ke bisi kaul enggau jalai
jaku dia pengajar mesti nyebut enggau nyemetak sereta terang senentang penemu
tauka penau ke mesti dijapai nembiak. Nya kebuah, pengajar mesti nyeliah ari
ngena jaku pengawa ke enda terang tauka kerabur ari sukut rampa reti, ambika
chunto baka nemu, mereti, belemati, ngaga enggau ti
bukai. Ari ke ngena jaku baka ke dirintai ba chunto nya tadi, pengajar patut
ngena jaku pengawa ti nyemetak agi ari sukut reti baka midaka, mansik, ngemetulka, nyeraraka, ngeraupka penemu,
meri simpul penemu, meri pemutus penemu enggau ti bukai.
Uji bandingka chara objektif di baruh tu ditulis.
1.
|
Ngambika nembiak nemu ayat tagang.
|
2.
|
Ngambika nembiak ngelala tusun ayat tagang selama ti
bepun enggau jaku tagang (baka
anang, enda ibuh) lalu ditangkan enggau rambai jaku pengawa.
|
3.
|
Ngambika
nembiak ulih nyerara ayat tagang
ari ayat perintah nyadi dua subbansa ayat perintah.
|
4.
|
Ngambika
nembiak ulih nukar ayat penerang
ngagai ayat tagang ngena jaku tagang ti engkeman.
|
Objektif keterubah nya enda tentu terang tang objektif
kedua, ketiga enggau keempat nya terang agi laban genap objektif tu bisi nyebut
enggau nyemetak penemu/penau ti mesti dijapai nembiak.
Ba seksyen ketiga, pengajar nerangka sanding enggau
kereban bantu ngajar ke deka dikena iya ngenataika isi pelajar ti udah ditentuka.
Kereban ulih diambi ari bup teks tauka ari luar bup teks; iya ulih mega ngena
kereban ti endang udah bisi tauka kereban ti disediaka pengajar nya empu.
Kereban ti dipilih nya enda tau enda engkeman enggau objektif pelajar. Ba
pelajar jalai jaku, kereban ke deka dikena nya mesti ngembuan chunto ti chukup
sereta engkeman lalu jaku ke dikena nya setipak enggau pengulih nembiak.
Ba hal kereban bantu ngajar, pengajar Jaku Iban mesti
mansik dulu bansa kereban bantu ngajar ti bisi ba sekula iya nya ba bilik kelas
enggau iya ke ba pusat resos. Pengajar enda ulih enda nginjau kereban bantu
ngajar kelebih agi iya ke engkeman enggau pelajar. Kelimpah ari nginjau kereban
ke endang udah bisi, pengajar mega patut nyedia sekeda kereban nya iya empu,
ambika banding baka graf-graf dikena mantaika batang ajar.
Kelimpah ari kereban ti bisi di sekula, pengajar mega
patut nentuka fasiliti elektronik baka radio, kereban pengerekod, televisyen
enggau ti bukai. pengajar mesti nentuka kereban elektronik nya ulih dipasang ngena
sistem elektrik di sekula. Sekeda kereban elektronik baka projektor LCD
begunaka skrin enggau bilik alai meda.
Seksyen keempat langgur pelajar nya langkah-langkah
ngenataika pelajar. Pengajar mesti ngenataika pelajar nitihka rurun tauka
aktiviti ngambika nembiak bulih penemu enggau penau ti udah dirintaika ba
objektif pelajar.
Ba seksyen tu pengajar Jaku Iban mesti ngerundingka
aspek ti bisi kaul enggau chara ngenataika pelajar nya.
1.
|
Baka ni chara iya
nusun isi pelajar: sekalika iya bepun enggau chunto lalu ditangkan enggau
pengawa ngiring nembiak ngaga generalisasyen (rapat induktif); tauka bepun
enggau ngaga generalisasyen, udah nya meri chunto dikena nerangka
generalisasyen ti udah digaga nya (rapat deduktif)?
|
2.
|
Baka ni iya patut
ngena kereban bantu ngajar dikena iya ngemudahka chara iya ngenataika isi
pelajar enggau ngangkatka pemereti nembiak?
|
3.
|
Baka ni iya mai
nembiak sama-sama belajar enggau regas sechara individu, beraban tauka semua
dalam kelas?
|
4.
|
Baka
ni iya narit ati nembiak, meransang runding, nyungkit kreativiti lalu nguji
pemereti sida ngena mayuh leman tanya?
|
Laban awak diungkupka nya besekat dia pengajar patut
ngerundingka chara iya patut ngagihka awak dikena iya ngenataika pelajar iya
nitih rurun ti udah dilanggur. Enti awak udah diagih ungkup siti-siti singkang
pelajar tu ulih mantu pengajar ari muai jam ba sekeda pekara ngujungka pelajar
nya enda ulih tembu.
Pengajar ulih ngerintaika peringkat maya iya ngena
siti-siti kereban bantu ngajar. Pengajar mega ulih ngerintaika kereja tambah ti
deka diberi ngagai nembiak.
Kepenudi sekali, pengajar ulih nyediak ruang ungkup
jaku selit dikena iya nulis pengelemi ajar lalu ditangkan enggau tuduh penemu
dikena mutarka pengelemi nya. Evaluasyen ulih digaga pengajar nya empu, tawing ke
sama enggau ngajar tauka orang bukai ke lumau ba pekara tu.
BUP SANDING PENEMU
Abdullah Hassan 1984, Linguistik Am untuk Guru
Bahasa Malaysia, Penerbit Fajar Bakti Sdn.Bhd. , Petaling Jaya.
_________________ (ed) 1987, Kesalahan Bahasa dalam
Bahasa Melayu, Dewan Bahasa dan Pustaka (DBP) Kuala Lumpur.
_________________ 1974, The Morphology of Malay,
Dewan Bahasa dan Pustaka (DBP) Kuala Lumpur.
Anthony, E.M. (ed). 1976, Reading:
Insights and Approaches, Singapore University Press, Singapore.
Ashley, R.S., 1984, Successful Techniques for Teaching
Elementary Language Arts, Parker Publishing, New York.
Asmah Haji Omar dan Rama Subbiah
(1968), An Introduction to Malay Grammar,
Dewan Bahasa dan Pustaka (DBP) Kuala Lumpur.
_________________ (ed)1984, Kaedah
Pengajaran Bahasa. Dewan Bahasa dan Pustaka (DBP) Kuala Lumpur.
Azman Wan Chik (1981), Prinsip dan Kaedah Mengajar Kesusasteraan
Melayu, Utusan Publications, Kuala Lumpur.
_________________ 1982, Ujian
Bahasa Malaysia, Dewan Bahasa dan Pustaka (DBP) Kuala Lumpur.
_________________ (ed)1986, Mengajar
Bahasa Malaysia: Latihan Guru dan Bahan, Dewan Bahasa dan Pustaka (DBP) Kuala
Lumpur.
Gurner, R. (1976), Language, Learning and Remedial Teaching, Edward
Arnold, London.
Koh Boh Boon (1981), Pengajaran Bahasa Malaysia, Utusan
Publications, Kuala Lumpur.
Koh Boh Boon (1990), Pengajaran Tatabahasa Bahasa Malaysia:
Prinsip dan Teknik, Penerbit Fajar Bakti Sdn. Bhd., Kuala Lumpur.
_________________ 1981, Pengajaran
Pemulihan dalam Bahasa Malaysia, Dewan Bahasa dan Pustaka (DBP) Kuala
Lumpur.
_________________ 1984, Bahan
Pengajaran Kendiri Terancang, Dewan Bahasa dan Pustaka (DBP) Kuala Lumpur.
_________________ (ed) 1989, Perspektif-perspektif
dalam Pengajaran Bahasa Malaysia, Dewan Bahasa dan Pustaka (DBP) Kuala
Lumpur.
_________________ 1978, The
Teaching of Malay Affixes, Penerbit Fajar Bakti Sdn. Bhd., Kuala Lumpur.
Lado, R., (1976), Language Teaching: A Scientific Approach, Tata
McGraw-Hill Publishing, Bombay.
Lim Kiat Boey (1975), An Introduction to Linguistics for the
Language Teacher, Singapore University Press, Singapura.
Lufti Abas (1975), Tatabahasa Perbandingan: Predikat, Dewan
Bahasa dan Pustaka (DBP), Kuala Lumpur.
_________________ 1976, Tatabahasa
Perbandingan: Ayat, Dewan Bahasa dan Pustaka (DBP) Kuala Lumpur.
Mackey, W.F., (1978), Language Teaching Analysis, Longman,
London.
Mashudi B.H. Kader ((1981), The Syntax of Malay Interrogatives, Dewan Bahasa dan Pustaka (DBP), Kuala Lumpur.
Mohd. Taib Osman (ed), (1977), Pengajaran Bahasa dan Kesusasteraan
Malaysia, Dewan Bahasa dan Pustaka (DBP), Kuala Lumpur.
Nik Safiah Karim (1978), Bahasa Malaysia Syntax, Dewan Bahasa dan
Pustaka (DBP), Kuala Lumpur.
_________________ (ed), 1986, Bahasa
Melayu Tinggi: Teori dan Penerapan, Dewan Bahasa dan Pustaka (DBP) Kuala
Lumpur.
_________________ et al. (ed), 1982, Tatabahasa Dewan:
Ayat. Dewan Bahasa dan Pustaka (DBP) Kuala Lumpur.
_________________ et al. (ed), 1989, Tatabahasa Dewan:
Perkataan. Dewan Bahasa dan Pustaka (DBP) Kuala Lumpur.
Payne, E.M.F., (1970), Basic Syntactic Structures in Standard
Malay, Dewan Bahasa dan Pustaka (DBP), Kuala Lumpur.
Raminah Hj. Sabran dan Rahim
Syam (1985), Kaedah Pengajaran Bahasa Malaysia, Penerbit Fajar Bakti Sdn. Bhd., Petaling Jaya.
Richards, J.C. dan Rodgers, T.S.
(1986), Approaches and Methods in
Language Teaching, Cambridge University Press, Cambridge.
Rivers, W.M. (1981), Teaching Foreign-Language Skills, The
University of Chicago Press, Chicago.
Sofiah Hamid dan Zaiton Ab.
Rahman (ed), (1988), Ke Arah
Keprofesionalan Guru Bahasa dan Sastera Melayu, Dewan Bahasa dan Pustaka
(DBP), Kuala Lumpur.
Stern, H.H. (1983), Fundamental Concepts of Language Teaching, Oxford
University Press, Oxford.
Wilkins, D. A., (1978), Linguistic in Language Teaching, ELBS
and Edward Arnold, London.
_________________ 1981. Second
Language Learning and Teaching, ELBS and Edward Arnold, London.
Tiada ulasan:
Catat Ulasan