Meri tabi puji sereta besai terima kasih ngagai perintah besai, tuai raban bansa Iban, pemesai bansai Iban, orang ke rindu sereta siru ke jaku Iban (pejuang bahasa Iban) enggau bala pengajar ke ngajar jaku Iban laban udah enggau naka ulih ngangkatka jaku Iban ngagai tikas ti tinggi setipak sereta sesingkang enggau jaku bansa bukai baka jaku Cina enggau Tambi.
Jaku Iban endang udah lama diajar ba sekula ari tikas primari nyentukka pom tiga ba tikas sekondari kenyau ari taun 1853. Dalam taun 2006 jaku Iban berengkah diajar ba pom empat lalu dalam taun 2008 lebih ari 1700 iku calon udah ngambi peresa keretas Bahasa Iban ba tikas Sijil Pelajaran Malaysia (SPM).
Dalam taun 2010, jaku Iban sekali da agi diangkat ngagai tikas ke tinggi agi. Jaku Iban deka berengkah diajar ba peringkat universiti. Universiti ke udah dipilih endur jaku Iban tu diajar ngagai mahasiswa nya Universiti Pendidikan Sultan Idris (UPSI).
Sapit Kepala Menteri, Datuk Patinggi Tan Sri Alfred Jabu dipinta datai ngagai UPSI bulan ogos 2010 lalu bejadika program kus Bahasa Iban.
Subjek tu deka diajar ngagai mahasiswa ke ngambi kus Teaching of English as Second Language (TESL) nyadi sebagi ari keretas elektif sida. UPSI udah dipilih alai jaku tu diajar ba tikas univerisiti lalu ukai Universiti Malaysia Sarawak (UNIMAS) laban UPSI endang udah bisi fakulti bahasa sereta iya mega nyadi universiti ke diungkupka ngelatih bala pelajar nyadi pengajar.
Nya alai bala nembiak Iban ke endang udah ngambi pelajar Bahasa Iban ba tikas SPM patut ngambi peluang tu masuk universiti lalu pia mega ngagai sida ke agi belajar ba tikas SPM diatu lalu udah ngerijistaka diri ngambi Bahasa Iban ba tikas SPM.
Tiada ulasan:
Catat Ulasan