Bisi orang deka amat nanya kebuah aku suah bendar
deka nulis artikel senentang kerita Proton. Ba ya. Ukai pia, nyadi saut aku
laban kerita Proton tu kerita Malaysia lalu kitai pan peranak menua Malaysia
kitai patut temegah ati bekenangka kerita tu; nadai ngira nya jaku pejah tauka
jaku puji. Enti iya jaku pejah seruri iya tau pulai ke pemanah. Enti iya jaku
puji iya tau pulai ke pemanah mega laban pekara ke manah endang patut dikenang.
Sebedau tu, udah suah bendar kitai ninga orang bejaku
madahka rega sekeda model kerita ti dikeluarka Proton Holdings Bhd (Proton) ba
menua luar baruh agi enti dibanding enggau rega ba menua tu empu.
Mayuh raban penulis blog enggau bala pengguna madahka kerita Proton ba menua baka Australia enggau Arab Saudi dijual jauh murah agi ari ke dijual ba menua Malaysia.
Ambika banding rega Proton Preve di Malaysia bepun ari RM58,921 model 1.6 Executive Manual, tang di Australia, model ti sama dijual enggau rega RM46,964 tauka 15,990 dolar Australia (Sinar Harian). Tang enti dipeda ba dalam laman sesawang Proton Australia, rega asal Proton Preve di Australia ditetapka RM55,775 (18,990 dolar Australia) lalu rega RM46,964 nya semina rega promosyen dikena ngelakuka Proton din.
Tang bisi sekeda mega nanya baka ke enda arap enti Proton amat ulih meri rega promosyen ke baruh baka nya di Australia. Nama kebuah Proton enda ngaga pekara ti sama di Malaysia ke endang menua pengeluar kerita nya empu dih?
Rega Proton murah ketegal deka besemekih enggau kerita bukai
Nitihka siku orang ke landik ba industri automotif madahka kompeni pengeluar kerita nyengkaum Proton balat agi ngemeratka penguntung ke alai kerita ti dijual di dalam Malaysia tauka dieksport ke menua luar mesti meri penguntung.
Kenu ku iya lebuh kerita Proton tama maket Australia kali keterubah, sida enda ulih enda mesti besemekih enggau kerita bukai laban dagang automotif din udu agi kompetitif bebanding enggau maket di Malaysia.
Baka nya mega enggau rega kerita Proton din, enda mih murah bendar semina murah mimit ari rega di Malaysia. Kebuah pia enti dijual mar di Australia, Proton dipelabaka nanggung risiko kurang pemeli. Orang bedagang sigi ngiga untung.
Ba renggat keterubah utai ti patut digaga nya Proton mesti ulih namaka diri ke dalam maket automotif di Australia sereta ulih ngasuh raban pengguna din ngelala chap Proton. Tu mih ke ngasuh kompeni nya meri rega promosyen nyengkaum rega jual ke dipeda jauh baruh agi ari ke di Malaysia empu.
Enda nemu sekalika Proton untung tau rugi
Taja pan kerita Proton dijual enggau rega murah ba menua luar, nadai mega orang ulih nentuka sekalika pengeluar kerita nasional nya teulihka untung tauka napi pengerugi.
Kitai rayat selama tentu enda nemu sekalika sida nya untung tauka rugi laban kitai pan enda nemu berapa penyampau kos ngaga sebuah kerita. Enti kos iya kurang ari rega ke dijual (taja pan murah), reti nya Proton ulih meratika model ti engkeman ngemasukka diri ngagai maket ti udah ditagaka sida.
Ambika chunto enti sema deka masuk maket kerita ditagaka urung RM40,000 ba sesebengkah menua, Proton patut nemu sekalika rega nya kompetitif tauka enda lalu meratika gaya raban ba menua nya baikka sida ngelala chap nya tauka enda.
Sebedau tu, Proton udah ditemu bisi eksport kerita ke digaga iya ngagai lebih 50 buah menua ba serata dunya tang ba sekeda menua nya, Proton semina ulih nyual mimit aja. Enti mimit aja dijual baka ni ulih meri servis sepengudah dijual baka servis ngintu kerita? Tu mimit pan nadai nyaup ngelakuka Proton ba menua nya.
Tang bisi bebida enggau sida ke megai Proton kemaya hari tu. Diatu sida semina masuk maket ke ba ati sida ulih tejualka kerita enggau rega ke dikira tinggi mimit ari rega ti udah diletak. Sida mega ulih nyediaka servis sepengudah kerita dijual baka servis kerita.
Mayuh raban penulis blog enggau bala pengguna madahka kerita Proton ba menua baka Australia enggau Arab Saudi dijual jauh murah agi ari ke dijual ba menua Malaysia.
Ambika banding rega Proton Preve di Malaysia bepun ari RM58,921 model 1.6 Executive Manual, tang di Australia, model ti sama dijual enggau rega RM46,964 tauka 15,990 dolar Australia (Sinar Harian). Tang enti dipeda ba dalam laman sesawang Proton Australia, rega asal Proton Preve di Australia ditetapka RM55,775 (18,990 dolar Australia) lalu rega RM46,964 nya semina rega promosyen dikena ngelakuka Proton din.
Tang bisi sekeda mega nanya baka ke enda arap enti Proton amat ulih meri rega promosyen ke baruh baka nya di Australia. Nama kebuah Proton enda ngaga pekara ti sama di Malaysia ke endang menua pengeluar kerita nya empu dih?
Rega Proton murah ketegal deka besemekih enggau kerita bukai
Nitihka siku orang ke landik ba industri automotif madahka kompeni pengeluar kerita nyengkaum Proton balat agi ngemeratka penguntung ke alai kerita ti dijual di dalam Malaysia tauka dieksport ke menua luar mesti meri penguntung.
Kenu ku iya lebuh kerita Proton tama maket Australia kali keterubah, sida enda ulih enda mesti besemekih enggau kerita bukai laban dagang automotif din udu agi kompetitif bebanding enggau maket di Malaysia.
Baka nya mega enggau rega kerita Proton din, enda mih murah bendar semina murah mimit ari rega di Malaysia. Kebuah pia enti dijual mar di Australia, Proton dipelabaka nanggung risiko kurang pemeli. Orang bedagang sigi ngiga untung.
Ba renggat keterubah utai ti patut digaga nya Proton mesti ulih namaka diri ke dalam maket automotif di Australia sereta ulih ngasuh raban pengguna din ngelala chap Proton. Tu mih ke ngasuh kompeni nya meri rega promosyen nyengkaum rega jual ke dipeda jauh baruh agi ari ke di Malaysia empu.
Enda nemu sekalika Proton untung tau rugi
Taja pan kerita Proton dijual enggau rega murah ba menua luar, nadai mega orang ulih nentuka sekalika pengeluar kerita nasional nya teulihka untung tauka napi pengerugi.
Kitai rayat selama tentu enda nemu sekalika sida nya untung tauka rugi laban kitai pan enda nemu berapa penyampau kos ngaga sebuah kerita. Enti kos iya kurang ari rega ke dijual (taja pan murah), reti nya Proton ulih meratika model ti engkeman ngemasukka diri ngagai maket ti udah ditagaka sida.
Ambika chunto enti sema deka masuk maket kerita ditagaka urung RM40,000 ba sesebengkah menua, Proton patut nemu sekalika rega nya kompetitif tauka enda lalu meratika gaya raban ba menua nya baikka sida ngelala chap nya tauka enda.
Sebedau tu, Proton udah ditemu bisi eksport kerita ke digaga iya ngagai lebih 50 buah menua ba serata dunya tang ba sekeda menua nya, Proton semina ulih nyual mimit aja. Enti mimit aja dijual baka ni ulih meri servis sepengudah dijual baka servis ngintu kerita? Tu mimit pan nadai nyaup ngelakuka Proton ba menua nya.
Tang bisi bebida enggau sida ke megai Proton kemaya hari tu. Diatu sida semina masuk maket ke ba ati sida ulih tejualka kerita enggau rega ke dikira tinggi mimit ari rega ti udah diletak. Sida mega ulih nyediaka servis sepengudah kerita dijual baka servis kerita.
Tiada ulasan:
Catat Ulasan