Agi mayuh
orang ke enda tentu ulih mida entara majalah, tabloid tauka
buletin sekalika nya ari sukut fisik, konten tauka isi ti bisi dalam nya. Sekali
tu aku deka bekunsi sekeda penemu senentang bida entara ketiga-tiga media chelak
tu:
Majalah
Pemesai rama sebuah majalah
nya A4, Letter, B5 tauka F4 lalu keretas ti dikena alus agi sereta tebal. Majalah
balat agi ngena keretas art paper tauka art carton. Isi pekara ti dipasuk nya
suah agi artikel ti nyerita pasal topik popular ba penemu mensia mayuh.
Tabloid
Sebengkah agi kereban bacha nya dikumbai tabloid. Pemesai tabloid tu iya
nya besaiz A3.Keretas ti dikena nyelak tabloid tu kasar agi sereta nipis. Keretas
ti dikena nya bansa ke dikumbai keretas koran. Tabloid tu balat agi ngangkat
artikel senentang berita gosip, astrologi, berita kriminal sereta lumba enggau
main
Buletin
Kereban bacha kepenudi nya dikumbai buletin. Pemesai saiz buletin tu suah
agi besaiz F4, A5 tauka A4. Keretas ti dikena nyelak buletin nya alus agi lalu
iya ngena keretas ke dikumbai art paper. Buletin balat agi mantaika artikel ke ngembuan
topik penyadi utai ke popular.
Nya ku baka bida tiga bansa kereban bacha ke bisi dijual sereta dibacha
bala kitai pemacha. Enggau tu aku ngarapka kitai bela ngelala bagi kereban ti
dikumbai majalah, tabloid tauka buletin.
Tiada ulasan:
Catat Ulasan