Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.

"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Sabtu, 6 Februari 2016

Unit 4 Raban Jaku Adjektif



4.1   Pun Jaku

Jaku adjektif nya leka jaku ti nerangka gaya, gamal utai ti konkrit tauka abstrak. Jaku adjektif  dibagi ngagai semilan bengkah, baka ti  diterang ke nangkan tu:

4.2   Bansa Jaku Adjektif

Bansa jaku adjektif   dibagi ngagai semilan bengkah baka ti di baruh tu:

(i)           Jaku adjektif gaya
(ii)          Jaku adjektif chura
(iii)         Jaku adjektif sukat
(iv)         Jaku adjektif tukuh
(v)          Jaku adjektif maya
(vi)         Jaku adjektif seraka
(vii)        Jaku adjektif chara
(viii)       Jaku adjektif emosi
(ix)         Jaku adjektif asai

4.2.1   Jaku Adjektif Gaya

Leka jaku adjektif ti nunjukka gaya.

Chunto:

manah   
jai
pintar
bagas
pandai
gerai
chundung
berani
nelap
mentas

4.2.2   Jaku Adjektif Chura

Leka jaku  adjektif ti nerangka chura.

Chunto:

gadung
burak
chelum
kelabu
mirah

kuning
biru
kalas
banda
pirang


4.2.3   Jaku Adjektif Sukat

Leka jaku adjektif ti nunjukka sukat.

Chunto:

berat
lempung
mit
panjai
dalam
mabu
mipis
baruh
sempit
tebal

4.2.4   Jaku Adjektif Tukuh

Leka jaku adjektif ti nunjukka gamal tauka rupa.

Chunto:

rempi
rutup
benchit
segala
landai
kempis
chengkik
belung
besegi
encherindak


4.2.5   Jaku Adjektif Maya

Leka jaku adjektif ti nunjukka maya.

Chunto:

tumu
baru
diatu
pagila
lusa
tulat
lupat
tulit
lupit
lanit
lanai
lupai
rekutai
tadi
legi/lagi
ila
kemari
ensana/ensanus
kelia
menya
suba
laun



4.2.6   Jaku Adjektif Seraka

Leka jaku adjektif ti nunjukka seraka entara dua pekara.

Chunto:

Jauh
damping
dampih
semak
janit
jarang

pisit
depa
jengkal
pemechah
meter
tempap

4.2.7   Jaku Adjektif Chara

Leka jaku adjektif ti nunjukka chara.

Chunto:

jimat
lubah
tegar
tulir
tengat
jampat
beguai
deras
sikar


4.2.8   Jaku Adjektif Emosi

Leka jaku adjektif ti nunjukka pengasai ati.

Chunto:

lelengau
begedi
malu
berai
nyima
merampau
gaga
lantang
senang
rindu

4.2.9   Jaku Adjektif Asai

Leka jaku adjektif ti nunjukka lima asai peneleba nya baka:

Bengkah Adjektif
Chunto Adjektif
Asai
nyamai, pedis, kelat, pait, manis, masam, pedas, pedar, pang, masin
Peda
buruk, sigat, bajik, sumbung, kamah
Dinga
inggar, sunyi, merenaing, bedegum, temekung, semetak
Bau
but, ampis, wangi, lang, rum, angit, sinang, lantuh, kenas, aring, lesin, rengut, tengung
Tegu
alus, kasar, lembut, lichin, tajam, lelepik, angat, chelap, begeru


4.3   Atur Ngaga Jaku Adjektif

Atur ngaga jaku adjektif dibagi ngagai empat bengkah baka di baruh tu:

    (i)  Jaku adjektif tunggal
    (ii) Jaku adjektif tumbuh
   (iii) Jaku adjektif betandu
   (iv) Jaku adjektif turu

4.3.1  Jaku Adjektif Tunggal

Jaku adjektif tunggal nya jaku adjektif ti nadai nerima penambah. 

1. Chura mirah dikerinduka indu dara nya.
2. Pengidup sida sebilik sedang  ia pemisi.
3. Malam tu bulan terang bendar.
4. Pemeri orang nya ngagai sida semenua agi apas amat.

4.3.2    Jaku Adjektif Tumbuh

Jaku adjektif  tumbuh nyadi ari urat jaku ti diberi penambah.
        
Penambah nge-

nge      +          tinggi                = ngeninggi
nge      +          besai                = ngemesai
se        +          lumpung          = selumpung
sepe    +          tikau                = sepenikau
Chunto:

5. Kayu engkabang nya enda ngeninggi tapang sekayu nyin.
6. Rumah kami enda ngemesai rumah sida Tugang.
7. Pemesai umai kami semina selumpung tenggau.
8. Penyauh pendai nya sepenikau ari rumah kami.


4.3.3    Jaku Adjektif Betandu
        
Jaku adjektif betandu tau nyadi ari tiga chara, ia nya jaku betandu penuh, jaku betandu puntang enggau jaku betandu rentak. Kelimpah ari jaku betandu puntang, semua raban jaku betandu bukai patut diberi tanda sekang (-).

4.3.3.1   Jaku adjektif betandu penuh

Chunto:

besai-besai
gadung-gadung
panjai-panjai
kudul-kudul
kating-kating
chamang-chamang
dengut-dengut
mengut-mengut
rengut-rengut
setik-setik

4.3.3.2..Jaku adjektif betandu puntang

Chunto:

bebesai
gegendai
lelingai
gegelai
lelingut

kekemut
kekulap
pepanjai
kekating
bebeli
  
4.3.4    Jaku Adjektif Turu

Jaku adjektif turu nyadi ari dua iti leka jaku ti meri reti menyana dikena nerangka gaya jaku nama.

Chunto:

mirah darah
gadung daun
kuning lensat
burak upa
mirah redam

besai panjai
bengal beruang
simpi pauh
nyilu kuku
panas kera

4.3.5 Jaku adjektif bekaling sebut

Chunto:

berebah-rimpai
beguai-kasai
begiling-kaping
belingkuk-liuk
pait-pitan
segala-ina
puchat-kelat
petang-keleti
burak-bebetau
chelum-gelintum
singka-siai

4.4       Jaku Adjektif Banding

Jaku adjektif tau diguna nerangka tiga tingkat banding, iya nya:

(i)           tingkat selama
(ii)           tingkat banding
(iii)          tingkat pengabis
  
4.4.1      Tingkat Selama

Chunto:

  9. Pengidup sida sebilik jelan  ia pemisi.
10. Malam tu bulan terang.
11. Tubuh iya ruri.

 4.4.2      Tingkat Banding

Chunto:

12. Rumah Nabau ngemesai rumah Beji.
13. Indu nya ngemajik Kumang.
14. Lauk panduk indu dara nya ngenyamai panduk indai.
15. Perau ke bechura biru nyin ngemanjai perau aku.
16. Pemandai kami tiga, kurang lebih sama.
17. Perau ke bechura kuning nyin panjai agi ari iya ke bechura biru.
  
4.4.3  Tingkat Pengabis

Chunto:

18. Nembiak nya pengabis pandai dalam kelas sida.
19. Batang Rejang nya sungai ti pemadu panjai di Sarawak.
20. Perau ke bechura gadung nyin pemadu besai di antara tiga buah perau ba pengkalan nya.
21. Bukit Kinabalu nya meh naka peninggi bukit di Asia Tenggara.
22. Lauk ti disumai indai nyamai amai.

Tiada ulasan:

Catat Ulasan