Suah amai kitai ninga bala orang bukai ke datai ari menua tasik muji pengaya, pemanah tusun enggau leka jaku Iban, ke nyadi penguan meruan menua Sarawak mansang.
Selalu mega kitai ninga puji ari bansa bukai ke ngembuan degree ba bidang antropologi bekenang madah jaku Iban nyulut ngeluie ari segi peninggi. Bisi mega ke didinga kitai kaung-kaung madah pemanah seregah jaku Iban munyi entelah ke ngelalai ulu lungga bujang telajak Skrang, lalu bisi mega didinga terit rekung keranka penalam jaku karung kitai Iban lebuh ke betundi enggau pangan diri nempalai pemesai kerubung ambika pengelindung jaku lalai kena nyeliah mantah temuai ke datai maya merarau nadai disangkung sumai berapi asi ke mansau.
Selalu mega kitai ninga puji ari bansa bukai ke ngembuan degree ba bidang antropologi bekenang madah jaku Iban nyulut ngeluie ari segi peninggi. Bisi mega ke didinga kitai kaung-kaung madah pemanah seregah jaku Iban munyi entelah ke ngelalai ulu lungga bujang telajak Skrang, lalu bisi mega didinga terit rekung keranka penalam jaku karung kitai Iban lebuh ke betundi enggau pangan diri nempalai pemesai kerubung ambika pengelindung jaku lalai kena nyeliah mantah temuai ke datai maya merarau nadai disangkung sumai berapi asi ke mansau.
Siti aja mih utai ke ngasuh ati kitai tebelenga, laban nembiak rebak baru bansa Iban ke mayuh udah kena kelaung penemu lama, udah lama ngejang bejalai ninggalka ruang bilik penaik rumah panjai ke dedinggai tinggi gegiau ninting bukit baka peninggi langit mingkai ke besai ngerembai mungkur dunya mansang nyau enda tentu nemu bejaku Iban. Mayuh amai leka jaku ti dikena berandau besehari-sehari enggau pangan diri ke sama bansa besaruk bebalut bechampur enggau leka jaku bansa bukai.
Orang ke bisi pengerindu dalam jaku baka jaku Iban bisi bendar ngembuan pengirau ati meda pemansang ubah dunya ke tau ngemunaska jaku ti dipeturunka ari aki ini kitai kelia. Nya alai, enti bisi peluang enda ibuh mayuh, kena mih jaku Iban lebuh berandau enggau pangan diri. Enti bisi leka jaku Iban anang ngena jaku bansa bukai laban nya mih ke tanda jaku nya agi idup. Sekeda leka jaku Iban deka punas ketegal ke jarang dikena kemaya hari tu.
Kelimpah ari nya, kena mih jaku Iban enti bisi peluang nengkebang cherita,jerpan tauka sebarang artikel ti deka dikunsika kitai enggau bala pangan kitai kebukai. Ari nya jaku nya ukai semina idup lebuh dikena maya berandau tang mega lebuh maya nulis tauka dalam konteks ti formal.
Ngetan sereta nyaga jaku Iban sempama baka nyaga rampa menua ari dipejaika mensia, baka ngibun jelu siga ari punas diasu buru anak mensia.
Ingat mih ke rambai jaku tu dikelala bungai ari langgu lalu dikelala bansa ari jaku.
Amat endar munyi ku nuan nya uchutedung. Aku enggau baruh ati minta kasih ke nuan laban aku tekait ati enggau artikel tu lalu minta nuan ngemendarka aku ngupi iya dikena aku ngajar nembiak aku. Ngena jaku nya aku meri besai terima kasih sekali agi.
BalasPadamNadai salah nya unggal enti dikena kitai ngajar.
BalasPadam