Kenang aku sekali tu dituju aku ngagai bala nembiak ke agi besekula kelebih agi sida ke bisi ngambi mata pelajar Bahasa Iban ba pom tiga enggau pom lima. Nitihka pansik, agi mayuh amat bala nembiak sekula bisi penanggul lebuh diasuh nulis karang. Nyadi sekeda ari pekara ti nanggul nembiak lalu suah amat dipeda maya ke macha karang sida dirintaika aku baka tu:
1. Pemuka karang enda tentu manah
2. Isi karang enda nitihka topik
3. Isi enda ulih dikerembaika enggau manah tauka dikerembai tang nadai bebatang
4. Paragraf enda setimbang, reti nya bisi panjai bisi mega pandak
5. Jaku ke dikena bebelit sereta pemacha enda mereti pekara ti ditulis
6. Pengelebat jaku enda mayuh semina jaku selama enggau jaku mudah aja
7. Fakta salah
8. Isi enggau chunto enda logik
9. Penyalah jalai jaku nyata amat
10. Laras jaku tauka jaku ti dikena enda engkeman nitihka topik
11. Format karang salah
Nya alai, sebedau nembiak diasuh nulis karang, sida patut dipadahka tuju nulis karang baikka iya kena belatih aja tauka peresa.
Dalam peresa, tuju nulis karang nya endang dikena ngujika pengulih nembiak nengkebang, ngumpul, milih enggau nusun atur idea tauka isi pekara ti bekaul enggau topik karang. Kelimpah ari nya, iya mega nguji pengelandik nembiak mantaika idea, isi penemu, fakta, peneleba enggau pengasai ati ngena jaku ti terang sereta semitan. Nya alai, ba tusun kedua kenang aku deka meri siti chunto karang ti tau nyadika lalau nembiak lebuh nulis karang. Karang nya tentu bendar ditulis aku dalam jaku Iban. Taja pan baka nya, penemu nulis karang ti dipelajar dalam jaku Iban tau mega dikena nulis karang dalam jaku Melayu tauka English.
Nya alai, dikena ngasilka sesebuah karang ti bekualiti, nembiak mega patut ngembuan idea ti chukup sereta engekeman lalu ulih dikenataika ngena jaku ti manah sereta lanchar. Dikena ngulihka tuju tu, nembiak patut mayuh macha kereban bacha baka majalah tauka surat kabar ti selalu nyara penemu senentang isu kemaya hari tu.
Nya mih kebuah, macha kereban bacha ti bekualiti mega beguna amat laban bisi penemu ti madah enti kitai deka ngasilka asil tauka output ti manah dia kitai patut bulih isi tauka input ti manah mega. Besenutuk enggau nya nembiak patut ngena maya lepa macha mayuh macham majalah enggau surat kabar ti bekualiti ari sukut isi, fakta ti nemban sereta enda tekuing runding kelimpah ari ti ulih niru teknik nulis ke manah.
Dalam peresa, tuju nulis karang nya endang dikena ngujika pengulih nembiak nengkebang, ngumpul, milih enggau nusun atur idea tauka isi pekara ti bekaul enggau topik karang. Kelimpah ari nya, iya mega nguji pengelandik nembiak mantaika idea, isi penemu, fakta, peneleba enggau pengasai ati ngena jaku ti terang sereta semitan. Nya alai, ba tusun kedua kenang aku deka meri siti chunto karang ti tau nyadika lalau nembiak lebuh nulis karang. Karang nya tentu bendar ditulis aku dalam jaku Iban. Taja pan baka nya, penemu nulis karang ti dipelajar dalam jaku Iban tau mega dikena nulis karang dalam jaku Melayu tauka English.
Nya alai, dikena ngasilka sesebuah karang ti bekualiti, nembiak mega patut ngembuan idea ti chukup sereta engekeman lalu ulih dikenataika ngena jaku ti manah sereta lanchar. Dikena ngulihka tuju tu, nembiak patut mayuh macha kereban bacha baka majalah tauka surat kabar ti selalu nyara penemu senentang isu kemaya hari tu.
Nya mih kebuah, macha kereban bacha ti bekualiti mega beguna amat laban bisi penemu ti madah enti kitai deka ngasilka asil tauka output ti manah dia kitai patut bulih isi tauka input ti manah mega. Besenutuk enggau nya nembiak patut ngena maya lepa macha mayuh macham majalah enggau surat kabar ti bekualiti ari sukut isi, fakta ti nemban sereta enda tekuing runding kelimpah ari ti ulih niru teknik nulis ke manah.
Tiada ulasan:
Catat Ulasan