Bala pengarang mih orang ti ngepunka adat jaku, ngerembaika jaku lalu mega orang ti ngepunka batang pengawa main enggau adat bansa. Sida tu mega seruran nyadi orang ti meri penemu ti bekaul enggau pengawa ba mensia mayuh.
Raban pengarang tu patut meri penemu ti bekaul enggau pengawa rayat nengah chara ti berani, lalu ngemeratka tanggung pengawa nulis pekara senentang pengelemi ti amat bisi nyadi ba mensia mayuh ngambika ulih ngangkatka penyerakup bansa enggau pendiau sida. Kelimpah ari nya mega iya lalu ulih dibacha sereta diperatika nengah bup ke bisi dichelak sereta dikeluarka ngagai orang mayuh.
Pengawa ngerembaika jaku udah majak mansang ba menua Malaysia lalu jaku Melayu ti nyadi jaku bansa tauka National Language udah dikena ba mayuh bengkah pengawa pengerembai ukai semina ari raban bansa Melayu aja tang mega dikena raban bansa ke bukai kelebih agi ba menua Sarawak.
Ari bup ti ditulis bala pengarang tauka penulis, sida ulih ngemansangka agi asai ati, semengat enggau penemu mensia mayuh ti ngarika bemacham pupu raban bansa. Tu mega ulih mantu ngasilka rayat ti sama bela bebasa ke pangan diri sereta meretika pendiau pengidup ba genap pupu raban bansa ti bisi ba menua Sarawak lalu ngembuan pengelikun baka ti disepi kitai ngelamatu.
(Dibali ari Utusan Borneo, Bahasa Iban December 11, 2010, Saturday)
Tiada ulasan:
Catat Ulasan