Hari Thaiponggal

Setipak enggau menua Malaysia ke diuan mayuh pupu raban bansa kenang pengarang sekali tu bisi kaul enggau siti pengerami ti diintu kena 15 hari bulan January 2011 tu. Pengerami nya dikumbai Hari Thaiponggal.

Hari Thaiponggal nya siti ari pengerami gawai udah badu ngetau nyau deka sebaka enggau gawai ke diintu orang Iban. Hari Thaiponggal diintu orang India ari pupu bansa Tamil ba negeri Tamil Nadu, Sri Lanka sereta di tempat-tempat ke mayuh diuan orang bansa Tamil. Ponggal diintu sereta engga pengerami Makara Sankranti ti diintu ba menua India. Pongal dalam jaku Tamil mai reti "belimpah-ruah." Minyak melumpa ari periuk genuk ti digaga ari tanah liat. Nya nandaka pengaya reta tengkira ngagai orang ke empu rumah. Thaiponggal, diintu maya ngetau, nitihka adat kelia tuju iya meri terima kasih ngagai Petara tauka Dewa Matahari sereta ngagai jelu ti diengkani ti udah mantu ngasilka pengaya reta tengkira.

Jaku pesan "Thai Pirandhal Vazhi Pirakkum" madahka reti "Pun Thai nya muka peluang baru" lalu iya suah dikenataika maya pengerami hari Thaiponggal. Pengerami tu suah diintu urung 13 Januari — 15 dalam kalender Gregorian lalu hari kepenudi dalam bulan Tamil iya nya kalinda ke dikumbai Tamil "Maargazhi" dataika hari ketiga kalinda Tamil.

Nitihka adat, Thaiponggal disembahka ngagai Petara Matahari ke dikumbai Surya. Orang Tamil beterima kasih ngagai Petara Matahari ketegal asil ketau ke manah lalu nyuaka pemeri asil nya ngagai 'Surya Mangalya'.

Pengerami tu nandaka pun bulan Thai dalam kalinda Tamil. Iya nandaka hari lebuh Matahari dikumbai mindah ke utara. Iya nandaka pun Uttarayana, ke ngari pemindah matahari ke utara. Hari nyadi makin panjai ba tanah Tamil. Hari Thai Pongal diintu kena hari Makara Sankranthi diintu ba serata menua India kena nandaka maya ngetau musin chelap. Iya mega ngarika solstice India lebuh matahari dikumbai masuk rumah ke-10 dalam Takwim India ambika banding Makara tauka Capricorn.

Pengelama pengerami tu udah diintu nyangka lebih 1,000 taun taja pia bisi sekeda orang ngasaika iya lebih dulu ari nya. Bukti iya Epigrafik ke meri tuduh penemu pengerami Puthiyeedu diintu maya timpuh Empayar Medieval Cholas. Ku sida Puthiyeedu mai reti ketau ke keterubah dalam taun nya.

Penyanding Penemu

• Saveri, Nicholapillai Maria (1996). Jaffna The Land of the Lute, 125, Thirumarai Kalamanram Publications. ISBN 09681597-0-2.