Nyadi sekali tu aku datai baru deka ngenataika berita senentang juluk ati aku taun 2011 ke deka nengekebang siti agi blog ti diungkupka aku ngagai jerita pandak dalam jaku Iban. Blog nya dikumbai aku enggau nama Antologi Jerpan Iban.
Dalam blog nya aku udah magi nitihka penemu aku empu iya nya semua Ensera tau dikategorika kitai ngagai dua bagi. Sebagi nya Ensera Tuai, lalu dikumbai Cherita Asal belalauka litericha rayat, lalu sebagi nya Ensera Kelulu, tang tau pulaika pelajar.
Nyadi Ensera enggau Cherita dalam blog tu endang utai kelulu kena niu pendiau enggau ulah orang ke dulu menya enggau kitai kemaya tu. Semua ensera enggau cherita ditu endang digaga nelusur ulah enggau pendiau kitai mensia tauka jelu nguan dunya tu. Nya alai juluk ati ke ngeluluka cherita tu, ukai semina awakka dibacha ngasuh ati geli ngambika ketawa, tang digaga nyadi lalau ngambika bisi dikena ngulihka penemu. Laban sekeda kelulu leka ensera enggau sindir leka cherita tau nyadika tenggau kena nyeremin pendiau enggau ulah mensia siku-siku, lalu ari nya kitai tau ngelengkaka ulah ke enda betuku, lalu megai pengawa ke menyana.
Aku arapka bala pemacha ke rindu macha kereban bacha dalam jaku Iban enda sanggu ngelawa laman blog aku nya. Aku arapka bala kitai ulih teperindang.
Selamat Macha.
Tiada ulasan:
Catat Ulasan