Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.
"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Rabu, 12 Januari 2011

LANGGUR LEKA MAIN TI DIPECHAH NGAGAI TIGA KATEGORI BEPELASARKA TUJU BAKA KE DI BARUH


Nyadi ditu dirintaika leka main ti dipechah ngagai tiga kategori bepelasarka tuju sesebengkah pengawa nya. Kebuah leka main tu dirintaika baka tu ngambika nyamai dipelajarka bala nembiak ba sekondari atas, institut pematih pengajar tauka bala nembiak ke belajar ba tikas universiti tauka sapa-sapa sida ke rindu mansik leka main tu enggau lenak agi. Nyadi rintai kelas tu diambi belalauka iya ke udah kala dikenataika Dr. Chemaline Osup ba aum enggau raban panel sereta jurulatih mata pelajar Bahasa Iban ti diatur Bahagian Pembangunan Kurikulum. Nitihka kelas tu leka main Iban ulih dibagi ngagai tiga bengkah iya nya pemerindang, sosio-budaya enggau invokasyen.


Pemerindang nya leka main ti bekaul enggau pengawa ke digaga bala Iban lebuh maya lemai ari tauka lebuh bisi dikena merindangka pangan diri. Dalam kelas Sosio-budaya, leka main ke bisi dirintai ditu nya dikena lebuh bisi pengerami gawai, melah pinang sereta pengerami ke bukai. Invokasyen nya bekaul enggau pengarap Iban seret ngelebihka pengawa ke bisi kaul enggau Petara baik iya maya gawai ti bekaul enggau umai, lebuh ngubat orang ke sakit tauka lebuh bisi pemati.


Bil

Pemerindang

Sosio-budaya

Invokasyen

1

Pantun

Muka kuta

Biau / sampi

2

Ganu

Ngenan kuta

Pengap

3

Dungai

Ai ansah

Renung sakit

4

Sanggai

Tanya indu

Sugi sakit

5

Sugi

Geliga

Pelian

6

Ensera

Timang tapang

Sabak

7

Ramban

Naku pala

Timang jalung

8

Renung semain

Kujuk panggang

Timang kenyalang

9

Memandai

Renung sabung

Pengap

10

Pelandai ara


Denjang indu /lelaki

11

Entelah



12

Pelandai karung



13

Wa



Posted by at
Labels:

7 ulasan:

  1. Unknown29 Julai 2014 pada 10:27 PG

    Ba invokasen nadai nyebut timang taja pan pengap pansut dua kali. Timang tau dipecahke ngagai mayuh leman baka timang benih, timang batu, timang panggang, timang engkune, timang panggau, timang mangkong tiang, timang gawai amat. Tu baka ke disebut dalam tesis dr James Masing.

    BalasPadam
    Balasan
    1. uchutedung3 September 2015 pada 5:31 PG

      Enti iya bisi kaul enggau pengarap lalu bisi ngangau petara ba penemu aku iya mega masuk ba kategori invokasyen.

      Padam
  2. Unknown29 Julai 2014 pada 10:29 PG

    Nama pucau nadai disebut diak?

    BalasPadam
    Balasan
    1. uchutedung3 September 2015 pada 5:33 PG

      Iya ke dikenang ba atas semina pelasar aja. Raban pemacha tau nyidi ari kereban sanding bukai. Terima kasih

      Padam
  3. Unknown31 Januari 2015 pada 1:48 PTG

    renong kayau ba ni kini?

    BalasPadam
  4. Unknown31 Januari 2015 pada 1:49 PTG

    renong ngayap ba sosio-budaya kini?

    BalasPadam

Langgan: Catat Ulasan (Atom)