Seraban komuniti Iban ba Johor Baharu udah mujur nempa sejarah lebuh sida udah muka pasar tamu tauka pasar tradisional Iban ti keterubah di luar menua Sarawak. Pasar tamu ti dibuka ninting pagi minggu ba Jalan Bayan 31, Taman Megah Ria di Pasir Gudang bejualka mayuh macham bansa sayur enggau barang bukai.
Sekeda sayur kampung ti bisi dijual ba pasar tamu ke berengkah ari jam 6.30 pagi nya nyengkaum paku ikan, kemiding, tubu, kantuk rampu, rampu betu, ensabi, daun sabung, upa nyiur enggau kulat sawit. Kelimpah ari nya bisi mega dijual kasam ikan, ruas, kuih sarang semut, kuih chuan, Belachan Bintulu sereta ikan terubuk masin enggau matar.
Nya alai enti sema kitai kitu, kitai berasai ke ba sebuah pasar mit di Sarawak. Pasar tamu diatur ba endur engkah kerita di belakang lot kedai ba genturung rumah orang dia.
LAKU
Barang ke dijual ditu laku amat. Nitihka pansik lebih ari 8,000 orang kelebih agi ke bebansa Iban ari negeri Johor bisi datai bebelika utai dia.
Sekeda sayur kampung ti bisi dijual ba pasar tamu ke berengkah ari jam 6.30 pagi nya nyengkaum paku ikan, kemiding, tubu, kantuk rampu, rampu betu, ensabi, daun sabung, upa nyiur enggau kulat sawit. Kelimpah ari nya bisi mega dijual kasam ikan, ruas, kuih sarang semut, kuih chuan, Belachan Bintulu sereta ikan terubuk masin enggau matar.
Nya alai enti sema kitai kitu, kitai berasai ke ba sebuah pasar mit di Sarawak. Pasar tamu diatur ba endur engkah kerita di belakang lot kedai ba genturung rumah orang dia.
LAKU
Barang ke dijual ditu laku amat. Nitihka pansik lebih ari 8,000 orang kelebih agi ke bebansa Iban ari negeri Johor bisi datai bebelika utai dia.
Sida ke bisi kia nya datai ari Mersing, Batu Pahat, Pontian, Teluk Ramunia enggau Kluang.Bisi ke datai tumu jam 5.30 pagi laban nangika barang abis dijual. Ketegal ti kelalu laku bala 64 orang pedaja ke bisi bejual dia nyau ulih beguyang kaki tauka ngirup ba kedai kopi udah jam 9.00 pagi ketegal barang sida udah habis dijual.
"Sapa ke laun datai nyangka nadai peluang meli utai ke deka ati sida," ku Pengerusi Parti Progresif Rakyat (PPP) pampang Johor Jaya, Mathiew Usun. Ku iya, bala pedaja teulihka beberapa ratus Ringgit dalam timpuh beberapa jam aja asil ari bejualka sayur.
GEREMPUNG
Belalauka pengelaku barang ke dijual, dia raban bala pedaja dia lalu numbuhka gerempung ke dikumbai Persatuan Penjaja, Peniaga dan IKS Borneo (Persada Borneo) dikena nyaga pendiau enggau pengelantang sida ke bejual dia.
"Gerempung tu ditumbuhka dikena nyaga raban pedaja baka beratika bantu ke ulih dipinta ari perintah, jamin peluang bedagang, mantu ngulihka lisin enggau pekara bukai," ku pengerusi gerempung, John Chendang.
Iya mega madahka gerempung nya nguji ngulihka peluang-peluang bukai ke bisi ba Wilayah Pembangunan Iskandar.
Nitihka penerang ari iya, bisi lebih ari 30,000 orang Iban bisi diau ba genturung Pasir Gudang lalu beberapa ribu iku agi ke bukai diau meachir ba serata tempat nengeri Johor. Sida tu tentu bisi ati deka enggau masuk mayuh macham dagang nyengkaum bidang industri mit enggau jelan pemesai (IKS) di WPI.
"Ditu tanggung pengawa kami nya beratika peluang-peluang ke bisi ngambika komuniti Iban ke udah lama ngentapka pendiau diri ba menua tu kenyau ari lebih 20 taun ti udah teulihka asil ari WPI," ku iya.
Iya mega madahka mayuh ari sida tu udah ngaku diri sebagi ari orang Johor lalu bisi nya endang udah meli rumah ba negeri tu.
LISIN
Naka kediatu (maya artikel tu ditulis) semua bala pedaja tu lalu apin teulihka lisin dikena sida bedagang ba endur tu. Taja pia pengawa ke bepintaka lisin ari Majlis Bandaraya Johor Baharu (MBJB) benung dipejalaika.
Lebih ari 80 orang pedaja ari bansa Iban sereta lima Melayu, tiga China enggau dua India udah bisi minta lisin nengah gerempung tu.
"Kami udah nganjung borang minta lisin ngagai MBJB lalu ngarapka pemendar ulih enggau jampat," ku iya ke mega nyadi pengerusi PPP pampang Plentong II.
Pengari Majlis Perbandaran Johor Baharu Tengah, Abdul Rahim Abdul Latiff bisi bendar pengarap komuniti Iban ke bisi muka pasar tamu dia ulih diterima enggau manah raban komuniti dia empu.
"Nadai penanggul ari sukut komuniti ditu empu. Kami ngasaika pengawa tu tau nyungkaka ekonomi ba genturung tu," ku iya.
Taja pia, ku iya bala pedaja nya patut nyaga sensitiviti komuniti ke bepengarap Islam sereta enda bejualka utai ke enda halal.
PALAN ALAI BETEMU
Mathiew madahka enda semua orang ke datai ke pasar bebelika sayur tang nyadika pasar nya alai sida betemu enggau pangan diri.
"Pasar tu nyadika endur bala Iban betemu enggau pangan diri.Sida tu datai ari pelilih menua Mersing, Kluang, Pontian enggau ke bukai," ku iya.
Pengawa ti baka tu ulih ngerapitka kaul entara raban bansa Iban ke bisi diau ba nengeri Johor. Nitihka John, gerempung tu endang bisi langgur deka mega bisi pasar malam ninting Hari Tiga ba endur nya jemah ila.
"Ditu kami deka bejualka pemakai ti udah dipanduk baka engkayu, lauk enggau kuih sereta utai bukai ke ulih dijual ba pasar malam," ku iya.
-- BERNAMA
"Sapa ke laun datai nyangka nadai peluang meli utai ke deka ati sida," ku Pengerusi Parti Progresif Rakyat (PPP) pampang Johor Jaya, Mathiew Usun. Ku iya, bala pedaja teulihka beberapa ratus Ringgit dalam timpuh beberapa jam aja asil ari bejualka sayur.
GEREMPUNG
Belalauka pengelaku barang ke dijual, dia raban bala pedaja dia lalu numbuhka gerempung ke dikumbai Persatuan Penjaja, Peniaga dan IKS Borneo (Persada Borneo) dikena nyaga pendiau enggau pengelantang sida ke bejual dia.
"Gerempung tu ditumbuhka dikena nyaga raban pedaja baka beratika bantu ke ulih dipinta ari perintah, jamin peluang bedagang, mantu ngulihka lisin enggau pekara bukai," ku pengerusi gerempung, John Chendang.
Iya mega madahka gerempung nya nguji ngulihka peluang-peluang bukai ke bisi ba Wilayah Pembangunan Iskandar.
Nitihka penerang ari iya, bisi lebih ari 30,000 orang Iban bisi diau ba genturung Pasir Gudang lalu beberapa ribu iku agi ke bukai diau meachir ba serata tempat nengeri Johor. Sida tu tentu bisi ati deka enggau masuk mayuh macham dagang nyengkaum bidang industri mit enggau jelan pemesai (IKS) di WPI.
"Ditu tanggung pengawa kami nya beratika peluang-peluang ke bisi ngambika komuniti Iban ke udah lama ngentapka pendiau diri ba menua tu kenyau ari lebih 20 taun ti udah teulihka asil ari WPI," ku iya.
Iya mega madahka mayuh ari sida tu udah ngaku diri sebagi ari orang Johor lalu bisi nya endang udah meli rumah ba negeri tu.
LISIN
Naka kediatu (maya artikel tu ditulis) semua bala pedaja tu lalu apin teulihka lisin dikena sida bedagang ba endur tu. Taja pia pengawa ke bepintaka lisin ari Majlis Bandaraya Johor Baharu (MBJB) benung dipejalaika.
Lebih ari 80 orang pedaja ari bansa Iban sereta lima Melayu, tiga China enggau dua India udah bisi minta lisin nengah gerempung tu.
"Kami udah nganjung borang minta lisin ngagai MBJB lalu ngarapka pemendar ulih enggau jampat," ku iya ke mega nyadi pengerusi PPP pampang Plentong II.
Pengari Majlis Perbandaran Johor Baharu Tengah, Abdul Rahim Abdul Latiff bisi bendar pengarap komuniti Iban ke bisi muka pasar tamu dia ulih diterima enggau manah raban komuniti dia empu.
"Nadai penanggul ari sukut komuniti ditu empu. Kami ngasaika pengawa tu tau nyungkaka ekonomi ba genturung tu," ku iya.
Taja pia, ku iya bala pedaja nya patut nyaga sensitiviti komuniti ke bepengarap Islam sereta enda bejualka utai ke enda halal.
PALAN ALAI BETEMU
Mathiew madahka enda semua orang ke datai ke pasar bebelika sayur tang nyadika pasar nya alai sida betemu enggau pangan diri.
"Pasar tu nyadika endur bala Iban betemu enggau pangan diri.Sida tu datai ari pelilih menua Mersing, Kluang, Pontian enggau ke bukai," ku iya.
Pengawa ti baka tu ulih ngerapitka kaul entara raban bansa Iban ke bisi diau ba nengeri Johor. Nitihka John, gerempung tu endang bisi langgur deka mega bisi pasar malam ninting Hari Tiga ba endur nya jemah ila.
"Ditu kami deka bejualka pemakai ti udah dipanduk baka engkayu, lauk enggau kuih sereta utai bukai ke ulih dijual ba pasar malam," ku iya.
-- BERNAMA
Tiada ulasan:
Catat Ulasan