Kurang perengka kena belajar ukai ketegal sekula ba menua pesisir nyengkaum sekula enda ulih mujur enggau manah ba akademik sereta teulihka status sekula ti pemadu manah.
Perengka kena belajar ti disediaka ba sekula semina nyadika penyanding penemu sereta dikena aja. Pemisi ti berat dikena nempa nembiak ti mujur nya pengeliat ati. Pengeliat ati enggau pemendar antara perintah, pengajar, nembiak enggau PIBG tauka mensia mayuh ulih nentuka pemujur sekula nya.
Kelimpah ari nya, maya pengajar nyikap diri enggau penemu sereta pengelandik baru, nembiak apai indai pan mega patut nyikap diri empu. Lalau ti manah ba diri sebilik beguna amat kena nentuka bala anak mujur ba akademik enggau kokurikulum, kelimpah ari ngembuan ulah sereta disiplin manah.
Ketiga nya sukung ari Gerempung Apai Indai enggau Pengajar (PIBG) ngagai sekula mega beguna amat kena ngeringka imej enggau prestasi sekula. Pengawa numbuhka PIBG be sesebengkah sekula ngayanka pemendar bala apai indai deka nulung sekula nempa nembiak ti mujur sereta mensia ti beguna. Kerejasama raban apai indai tu nambahka pengerindu bala anak kita sekula ngagai palan ti tinggi agi sereta mujur ba pengidup.
Nya alai, pemujur pengawa pelajar nembiak sekula endang begunaka pengeliat ati sereta saup ari perintah, pengajar, bala apai indai enggai nembiak sekula.
Tiada ulasan:
Catat Ulasan