Lebuh
opis Menteri Pelajar Tinggi baru-baru tu minta kesemua 65 ribu orang pelajar ari
menua bukai ke belajar di Institusi Pelajar Tinggi Perintah (IPTA) enggau
Swasta (IPTS) di Malaysia ngambi mata pelajar Bahasa Melayu, raban aktivis jaku
Melayu nganggap nya rapat langkah ti ngangkatka baru penuduk jaku Melayu dalam
sistem pelajar tinggi di menua tu.
Ngaga atur
jaku Melayu nya nyadika pekara ti enda tau enda dipelajarka raban pelajar ari
menua bukai tau bendar ngasuh sida meretika budaya menua tu enggau manah agi
lalu ulih ngerembai sereta nambahka penyampau orang ke bejaku jaku Melayu di tikas
antarabansa.
Sejarah
udah mandangka jaku Melayu tu ulih nyadi jaku lingua franca. Maya jeman
tebilang Sultan Melayu Melaka, jaku Melayu dikena semua pedagang ari Arab,
China, India enggau Eropah. Maya nya, jaku Melayu dianggap jaku dikena nyerakupka
kaul enggau jaku ti dikena bekomunikasyen antarabansa.
Dikena
meransang penyerakup entara bansa di menua tu, dalam Ripot Razak 1956 bisi disebut, tuju pengujung polisi pelajar menua
iya nya ngambika ulih nyatuka nembiak ke enda sama bansa di baruh siti sistem
pelajar bansa nengah chara ngena jaku Melayu nyadika media dikena bejaku. Taja
pia, pemansang tu patut dipejalaika nitihka renggat sereta enda tau dipejal
enggau ngenyit. Bepelasarka Ripot Razak nya, terang bendar mandangka polisi pelajar ti
dipejalaika nya ulih nyerakupka bansa di menua tu.
Tiada ulasan:
Catat Ulasan