Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.

"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Jumaat, 16 Mac 2012

Sarawak Bloggers Ngintu Ulang Taun Ke-2


Sarawak Bloggers ngintu ulang taun ke dalam bulan March tu bekau ke udah berengkah beoperasi dalam timpuh dua taun.

Community coordinators iya dalam jaku pandak ba laman rasmi Facebook madahka “We turn TWO this March, and it’s all because of all of YOU!“. Nya mandangka pemesai sukung ari bala mayuh ke ngangkatka Sarawak Bloggers nyadi komuniti online ti tebilang sereta established di Sarawak naka kediatu.

Ngelansa ari sukut sejarah; Sarawak Bloggers berengkah numbuhka raban tetutup nyentuk ke iya dibuka ngagai mensia mayuh kena March 2010. Hari bulan nya lalu nyadika hari pengada Sarawak Bloggers sechara rasmi. 

Kenyau ari nya komuniti tu majak nambah ari sukut penyampau bala kaban sereta iya mega bisi ngaga kaul sereta link enggau gerempung bukai baka Sarawak Tourism Board, Myst Cafe, Angkatan Zaman Mansang Sarawak, Borneo Colours, SDI Sarawak, AMP Radio Network sereta mayuh agi gerempung bukai.

Komuniti tu udah mujur bendar ngambuh sejarah dalam taun 2010 lebuh iya ngatur Tweet-Up ukai politik ti keterubah sereta iya ti pengabis besai bepelasarka penemu OctTwtFest di Kuala Lumpur.

Selamat Hari Ulang Taun Ke 2 ngagai Sarawak Bloggers!!!

Tiada ulasan:

Catat Ulasan