Datuk Seri Najib Tun Razak bisi ngenataika mayuh
pemeri ke manah ngagai raban komuniti Sikh. Pemeri nya dikira pemyampau mata
duit RM4 juta dikena angkatka kualiti pengidup
nyengkaum bantu ari sukut pengarap, pelajar enggau sosial, beserimbai enggau
pengerami Hari Vaisakhi.
Kelimpah ari nya iya ke balat narit ati nya lebuh Menteri Besai nya empu madah peremisi nadai direkod ngagai semua orang bansa Sikh ke gawa perintah dikena meri peluang ke sida bejalaika tanggung pengawa sida lebuh hari pengarap tu ti diintu kena 14 April ninting taun.
Dikena ngangkatka pengawa rumah-rumah alai bejalaika pengarap, Menteri Besai mega madahka pemeri RM1.5 juta ngagai Majlis Gurdwara Malaysia taun tu baka ke udah diberi dalam 2011.
Nengah duit bantu nya Najib ngarapka gurdwara di serata Malaysia ulih diadu enggau manah lalu meri pengelantang ngagai pengarap Sikh ngambika sida ulih bejalaika aktiviti pengarap sida.
"Tambah mega, aku bisi dipadahka duit turu tu mega diguna dikena mantu gurdwara ti bisi penusah ketegal bah, angus enggau penusah bukai," ku iya lebuh ti bejaku ba pengerami RumahTebuka 1Malaysia Vaisakhi 2012 ba Dataran Merdeka malam Hari Satu tu tadi. Kelimpah ari nya, 18 gurdwara ti kurang belanja lalu begunaka bantu diberi duit agih RM900,000 tauka RM50,000 tiap-tiap iti.
Gurdwara tu nyengkaum Gurdwara Saheb di Bayan Baru, Malim Nawar, Port Dickson, Tanah Rata, Kota Bharu, Petaling Tin, Kajang, Kuala Pilah, Changkat Tin, Kuala Kubu Baru, Pokok Assam, Bentong, Alor Setar, Tanjung Tualang, enggau Kampung Pandan, sereta Gurdwara Saheb di Sabah enggau Sarawak, iya nya di Sandakan, Lahad Datu enggau Sibu.
Perintah mega, ku Najib, deka nyadung RM300,000 tauka RM100,000 tiap iti dikena ngaga tiga gurdwara di Shah Alam, Subang Jaya enggau Georgetown.
Agih RM300,00 mega deka diberi ke Gurdwara Palan Pematih Polis di Kuala Lumpur dikena ngaga Pusat Sumber Sikh Kebangsaan kelimpah ari RM200,000 bagi kereja ngangkatka tikas krematorium di Jalan Loke Yew ngambika pengawa mendamka orang Sikh ke udah nadai nya ulih dipejalaika enggau lantang agi.
Dikena ngangkatka agi akses enggau kualiti ngajar jaku Punjabi, Najib madahka perintah deka meri duit tambah RM500,000 taun tu dikena ngeluarka bup teks ngagai nembiak ti diberi nadai bebayar.
Menteri Besai madahka agih RM500,000 nya duit tambah ke diberi Opis Menteri Pelajar ke Khalsa Diwan Malaysia ti berengkah nerima bantu nya taun nyin kemari.
Kali keterubah mega, keretas peresa Punjabi dalam peperiksaan Sijil Pelajaran Malaysia (SPM) taun nyin kemari ngerekodka pas 100 peratus,lalu 51 peratus nembiak ke ngambi mata pelajar nya bulih A. Dalam peresa Penilaian Menengah Rendah (PMR) pengulih sida ke pas nya sepeninggi 92 peratus lalu ari nya 38 peratus bulih gred A.
Ba pemansang nembiak, RM800,000 deka diagih ke Gerempung Sikh Naujawan Sabha Malaysia dikena mantu sida bejalaika aktiviti di serata menua.
"Semua agih enggau kereban nya nandaka komitmen perintah Barisan Nasional dikena nyaga semua bansa di menua tu nyengkaum bansa Sikh," ku Najib.
Menteri Besai madah iya mge a dikena ngenataika terima kasih perintah enggau menua ngagai bansa Sikh di menua tu ti udah sama-sama ngetanka pengelikun sereta ngemansangka menua kenyau ari Perang Dunya Kedua.
"Istilah ti engkeman bepelasarka istilah jaku Punjabi iya nya 'Vishwaz' iya nya pengarap ati. Enti kitai ulih narak semengat 'Vishwaz' tu, pelaba aku mayuh agi ti ulih digaga ke komuniti Sikh," ku iya.
- BERNAMA
Kelimpah ari nya iya ke balat narit ati nya lebuh Menteri Besai nya empu madah peremisi nadai direkod ngagai semua orang bansa Sikh ke gawa perintah dikena meri peluang ke sida bejalaika tanggung pengawa sida lebuh hari pengarap tu ti diintu kena 14 April ninting taun.
Dikena ngangkatka pengawa rumah-rumah alai bejalaika pengarap, Menteri Besai mega madahka pemeri RM1.5 juta ngagai Majlis Gurdwara Malaysia taun tu baka ke udah diberi dalam 2011.
Nengah duit bantu nya Najib ngarapka gurdwara di serata Malaysia ulih diadu enggau manah lalu meri pengelantang ngagai pengarap Sikh ngambika sida ulih bejalaika aktiviti pengarap sida.
"Tambah mega, aku bisi dipadahka duit turu tu mega diguna dikena mantu gurdwara ti bisi penusah ketegal bah, angus enggau penusah bukai," ku iya lebuh ti bejaku ba pengerami RumahTebuka 1Malaysia Vaisakhi 2012 ba Dataran Merdeka malam Hari Satu tu tadi. Kelimpah ari nya, 18 gurdwara ti kurang belanja lalu begunaka bantu diberi duit agih RM900,000 tauka RM50,000 tiap-tiap iti.
Gurdwara tu nyengkaum Gurdwara Saheb di Bayan Baru, Malim Nawar, Port Dickson, Tanah Rata, Kota Bharu, Petaling Tin, Kajang, Kuala Pilah, Changkat Tin, Kuala Kubu Baru, Pokok Assam, Bentong, Alor Setar, Tanjung Tualang, enggau Kampung Pandan, sereta Gurdwara Saheb di Sabah enggau Sarawak, iya nya di Sandakan, Lahad Datu enggau Sibu.
Perintah mega, ku Najib, deka nyadung RM300,000 tauka RM100,000 tiap iti dikena ngaga tiga gurdwara di Shah Alam, Subang Jaya enggau Georgetown.
Agih RM300,00 mega deka diberi ke Gurdwara Palan Pematih Polis di Kuala Lumpur dikena ngaga Pusat Sumber Sikh Kebangsaan kelimpah ari RM200,000 bagi kereja ngangkatka tikas krematorium di Jalan Loke Yew ngambika pengawa mendamka orang Sikh ke udah nadai nya ulih dipejalaika enggau lantang agi.
Dikena ngangkatka agi akses enggau kualiti ngajar jaku Punjabi, Najib madahka perintah deka meri duit tambah RM500,000 taun tu dikena ngeluarka bup teks ngagai nembiak ti diberi nadai bebayar.
Menteri Besai madahka agih RM500,000 nya duit tambah ke diberi Opis Menteri Pelajar ke Khalsa Diwan Malaysia ti berengkah nerima bantu nya taun nyin kemari.
Kali keterubah mega, keretas peresa Punjabi dalam peperiksaan Sijil Pelajaran Malaysia (SPM) taun nyin kemari ngerekodka pas 100 peratus,lalu 51 peratus nembiak ke ngambi mata pelajar nya bulih A. Dalam peresa Penilaian Menengah Rendah (PMR) pengulih sida ke pas nya sepeninggi 92 peratus lalu ari nya 38 peratus bulih gred A.
Ba pemansang nembiak, RM800,000 deka diagih ke Gerempung Sikh Naujawan Sabha Malaysia dikena mantu sida bejalaika aktiviti di serata menua.
"Semua agih enggau kereban nya nandaka komitmen perintah Barisan Nasional dikena nyaga semua bansa di menua tu nyengkaum bansa Sikh," ku Najib.
Menteri Besai madah iya mge a dikena ngenataika terima kasih perintah enggau menua ngagai bansa Sikh di menua tu ti udah sama-sama ngetanka pengelikun sereta ngemansangka menua kenyau ari Perang Dunya Kedua.
"Istilah ti engkeman bepelasarka istilah jaku Punjabi iya nya 'Vishwaz' iya nya pengarap ati. Enti kitai ulih narak semengat 'Vishwaz' tu, pelaba aku mayuh agi ti ulih digaga ke komuniti Sikh," ku iya.
- BERNAMA
Tiada ulasan:
Catat Ulasan