Kes
tu nyadi di Miami, Amerika lebuh siku driba indu enggai ngetu lebuh diasuhka
polis ketegal iya laju laban ke enda bebaju. Driba indu tu madah ke polis iya
deka ngasuh pangan lelaki iya tekenyit iya alai iya enda bebaju ku polis ba opis
Sheriff Marion County iya nya ba utara Florida.
Nitihka
ripot polis madahka pekara tu nyadi maya Hari Enam lebuh Mandy Ramsay dipeda
kerita penginau polis laju ari tikas pengelaju ke dikemendarka perintah menua
nya. Polis lalu ngentudika kerita iya ngarapka iya ngetu ba tebing jalai laban
deka meri iya tiket sereta ngeletakka ukum ti patut.
Tang
Ramsey ukai semina enda ngetu, iya lalu ngelanggar gas kelimpah ari nukar kuing
pejalai iya. Mayuh kerita penginau polis ke bukai enggau bilun engkabang mega
sama-sama enggau ngagai indu nya. Bilun engkabang nya mujur nimpai trak nya ba
rumah ke alai Ramsey nya ngetu. Taja pan kerita nya diregister baruh nama orang
bukai – pangan lelaki iya ke benama James Woodard-Ramsey madah ke polis iya
neriba kerita nya baka nya sereta enggai ngetu laban malu kediri ke setengah
telanjai.
Indu
ke beumur 35 taun nya lalu diukum ketegal ngerarika diri sereta ngelalai diri
ari undang-undang. Ketegal nya iya nyangka dijel dua malam sebedau dikeluarka
kena Hari Satu lebuh dijamin enggau mata duit RM15,00. -AFP
Tiada ulasan:
Catat Ulasan