Sekali tu aku
deka mai kitai ngenang pengawa nembiak ke kelalah belajar. Nama reti kelalah? Nyangka
bisi sekeda raban pemacha ke enda kala ninga leka jaku kelalah. Kelalah tu jaku
orang tunga menua Sebuyau. Reti leka jaku kelalah nya enggai gawa tauka ba
konteks ti deka dikenang ditu nya enggai belajar. Ba ai bukai jaku
kelalah sama reti enggau ngelusu, buruk, lembau tauka malas.
Belajar nya siti
ari pekara ti enda tau enda digaga nembiak sekula. Pengidup ti nadai belajar disempamaka
baka roh ke nadai semengat. Tang taja pia, penanggul kelalah belajar selalu ngeruga
mayuh nembiak sekula ba mayuh ringkat. Taja pan nadai datai nyadika sukung penemu tu tang tanya mih raban pengajar tentu sida setuju enggau penemu ke madah endang bisi nembiak ke kelalah belajar baik nya di rumah tauka di sekula. Uji peratika dalih kitai ke seruran kelalah
belajar.
1. Tusah deka meretika tanya tauka isi pelajar
Penanggul tu seruran nyadika dalih kelalah belajar. Dikena mutarka penanggul tu, dia kitai ulih belajar dalam raban enggau bala tawing kitai.
2. Endur belajar
Enti semak tempat kitai belajar nya lantang tentu kitai ulih fokus ngagai pengawa belajar enggau mudah. Nya alai, nembiak sekula patut ngiga tempat belajar ti kondusif sereta kurang dikachau.
3. Pengingin bemain ‘game’
Nembiak sekula ke selalu bemain komputer deka chara automatik iya ngachau pengerindu iya deka belajar. Tu nyadi ketegal udah gian lalu tusah deka ngetu bemain sampai puas tauka misyen game nya tembu. Dikena mutarka penanggul tu, bala nembiak patut ngaga siti taga jam pengawa ninting hari lalu bisi disiplin ti tinggi dikena nitihka taga jam nya.
4. Mood
'Mood' kitai balat agi nguingka kitai maya ngaga sesebengkah aktiviti, tu mega nyengkaum belajar. Nembiak sekula patut seruran dalam mood ti manah lebuh mutarka sebarang penanggul enggau lebih semitan.
5.Pengurang ba perengkaguna
Pengurang ba perengkaguna dikena nyukung pengawa belajar nya ngasuh nembiak nadai pengerindu deka belajar lalu ngujungka sida ngembuan ulah ti kelalah.
6. Selangkuh tubuh ti kurang pengerai
Lebuh kitai sakit, dia kitai enda ulih belajar enggau manah. Maya nya mih baru kitai nemu utai ke nyadi sereta beterima kasih enti tubuh kitai gerai. Nya alai kitai dipinta seruran nyaga pengerai kitai.
1. Tusah deka meretika tanya tauka isi pelajar
Penanggul tu seruran nyadika dalih kelalah belajar. Dikena mutarka penanggul tu, dia kitai ulih belajar dalam raban enggau bala tawing kitai.
2. Endur belajar
Enti semak tempat kitai belajar nya lantang tentu kitai ulih fokus ngagai pengawa belajar enggau mudah. Nya alai, nembiak sekula patut ngiga tempat belajar ti kondusif sereta kurang dikachau.
3. Pengingin bemain ‘game’
Nembiak sekula ke selalu bemain komputer deka chara automatik iya ngachau pengerindu iya deka belajar. Tu nyadi ketegal udah gian lalu tusah deka ngetu bemain sampai puas tauka misyen game nya tembu. Dikena mutarka penanggul tu, bala nembiak patut ngaga siti taga jam pengawa ninting hari lalu bisi disiplin ti tinggi dikena nitihka taga jam nya.
4. Mood
'Mood' kitai balat agi nguingka kitai maya ngaga sesebengkah aktiviti, tu mega nyengkaum belajar. Nembiak sekula patut seruran dalam mood ti manah lebuh mutarka sebarang penanggul enggau lebih semitan.
5.Pengurang ba perengkaguna
Pengurang ba perengkaguna dikena nyukung pengawa belajar nya ngasuh nembiak nadai pengerindu deka belajar lalu ngujungka sida ngembuan ulah ti kelalah.
6. Selangkuh tubuh ti kurang pengerai
Lebuh kitai sakit, dia kitai enda ulih belajar enggau manah. Maya nya mih baru kitai nemu utai ke nyadi sereta beterima kasih enti tubuh kitai gerai. Nya alai kitai dipinta seruran nyaga pengerai kitai.
Nya mih dalih
orang ke kelalah belajar. Enti kitai nembiak sekula sekalika nya nembiak ba
sekula primari, sekondari tauka univerisiti uji seliahka diri ari ngembuan ulah
ti kelalah. Anang sekali-kali kitai ke nembiak dipeda orang baka bayak
ditangkal iku tang jadi mih nembiak ke masin belajar.
Tiada ulasan:
Catat Ulasan