Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.

"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Jumaat, 3 Julai 2015

Penanggul Obesiti Ba Malaysia


Penanggul obesiti di menua kemaya hari tu majak nyadi lebih lebih 16.8 juta rayat menua tu ditemu ngidap penyakit nya ti bepun ari gaya idup enggau pemakai ti enda setimbang. Obesiti nya jaku injau ari jaku English. Dalam jaku Iban kitai ngumbai orang obesiti nya gemuk, bisi mega ngumbai nya geduk lalu jaku ke alus agi nya nyangka ganggam. Tang orang ke gemu bisi sekeda nya enda ganggam baka manuk karan. Ganggam ukai semina dipeda ari pemesai aja tang dipeda tegap sereta kering.
Pengarah Eksekutif Institut Nasional Diabetes Malaysia (Nadi), Datuk Profesor Mustaffa Embong, madahka enti dikira kasar rayat menua tu ke napi penanggul gemu sereta peratus indu ke kena penyakit nya  tinggi agi enti dibanding enggau sida ke lelaki. Indu ke beranak nya entara ti bepotensi gemu lalu penambah penyampau beranak mega ngasuh berat tubuh majak betambah.
Faktor sida ke indu berat agi tubuh ketegal ke kurang ngemeranka aktiviti ti bepengerai kelimpah ari faktor pemakai baka mayuh makai pemakai ti ngundan kalori, diguring tauka kari. Tu mega ngasuh peratus raban indu tu ke ngidap penyakit nya tinggi agi ari sida ke lelaki. Pekara nya patut bendar diperatika enggau serius laban iya ngujungka mayuh penanggul bukai ngagai rayat. Pansik madahka 15 peratus ari nembiak ke beumur 12 ngagai 19 taun napi penanggul berat tubuh ti belebih.
Pengidap obesiti di Malaysia kelalu mayuh lalu penyampau tu setanding enggau menua ti udah maju baka Amerika Syarikat lalu iya bepun ari makai pemakai ke mudah dipanduk ti tau ngenataika mayuh macham efek  sereta risiko.
Orang ke gemu mega mudah kena penyakit bukai baka kanser, diabetes, tulang ke jampat muruk, diserang penyakit tungkul atau sereta sekeda penyakit bukai. Penyampau pengidap kemi manis (diabetes) di Malaysia nyau deka datai ngagai 3 juta orang, jauh tinggi agi ari jangka Gerempung Pengerai Sedunia (WHO) ba taun 2025 ila, iya nya kira-kira 800,000 iku orang.
Penyampau pengidap diabetes di Asia nyengkaum Malaysia majak ngirauka sereta udah nyadi epidemik ba menua ke baru deka mansang. Ari penyampau nya, indu bansa India ke mayuh ngidap diabetes lalu  ditangkanka enggau lelaki India, indu Melayu, lelaki Melayu, indu China enggau lelaki China. Statistik tu nadai mega madah senentang bumiputera bukai baka bansa Dayak, Kadazan enggau ke bukai.

Tiada ulasan:

Catat Ulasan