Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.

"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Ahad, 8 Mei 2016

Pelajar abad Ke-21



Pelajar abad ke-21 (PAK-21) nya siti elemen ti besai bendar reti dalam Perambu Pemansang Pelajar Malaysia (PPPM). Agi mayuh raban pengajar berasai takut sereta beba runding sentang PAK – 21 tu ketegal kurang meretika konsep iya.

PAK-21 meri perati ngagai pelajar ti bepusat ba nembiak sereta negmbuan elemen pengelandik bepikir tikas tinggi (KBAT). Nangkanka tu dirintaika sembilan chunto aktiviti dalam kelas ti ulih digunaka raban pengajar maya dalam bilik kelas.

Round Table

Nembiak duduk dalam raban. Pengajar mantaika siti topik tauka ramu jaku lalu ngasuh nembiak bejuraika pekara nya. Nembiak begintir meri sereta nulis siti-siti idea ngena pen enggau keretas ti sama. Asil jurai diperati sereta dibantai  ba mua mayuh. Aktiviti tu engkeman ungkup nembiak tikas dua sekula primari enggau sekondari.

Think-Pair-Share

Pengajar meri topik. Nembiak bepikir kediri empu dalam timpuh maya ti diberi. Tembu awak ti diberi nembiak bekunsi idea enggau pangan diri empu sebedau mantaika asil nya ngagai bala mayuh.

Hot Seat

Aktiviti nangkan pengawa sepengudah macha enggau mansik nengah chara individu tauka beraban. Siku nembiak duduk ba kerusi ti disediaka lalu  nyadi ‘Pakar’. Pakar nya deka nyaut semua tanya ti dikenataika nembiak bukai ngagai iya.

Nelusurka Leka Main / Belagu

Nembiak diberi awak besedia sereta ngirai diri dalam raban. Pengajar meri ramu jaku lalu nembiak nya ngubah nitihka kreativiti iya empu. Udah nya nembiak nelusurka leka main nya ba mua kelas.

Mantaika Asil diri empu

Nembiak diberi topik sereta ngaga asil ti deka dibantai. Udah nya asil nya dibantai ba mua mayuh nengah mayuh macham chara enggau kereban.

Role-Play

Nembiak diberi batang pengawa enggau watak ti nyemetak. Nembiak diberi awak ngirai sereta nyediaka diri. Udah nya nembiak ngenatai asil pengawa iya.

Gallery Walk

Aktiviti digaga sepengudah betungkapka sesebengkah pekara. Aktiviti tu iya mantaika asil pansik. Nembiak nampal asil kereja ba dinding ngambika ulih dipeda raban bukai. Nembiak nulis komen sentang asil kereja raban bukai ba sticker note lalu nampal iya ba atas asil kereja nya.

Three Stray, One Stay

Langkah rapat alternatif dikena mantaika kereja raban. Asil kereja ditampal ba dinding tauka papan notis. Siku raban diau dia meri penerang ngagai orang bukai. Raban bukai meda sereta betanya saut asil raban orang bukai.

Kar i-Think

Ngena kar bepikir nyadika kereban ngulihka idea nembiak. Kar i-Think dikena nyadi kereban nembiak ngaga pansik sereta mantaika idea sida nengah chara ti betukuhka grafik.

Penutup
Diarapka raban pengajar ulih nguji aktiviti sereta enda beba runding lebuh proses ngajar enggau belajar. PAK-21 tu siti ari langkah rapat pengawa ngajar enggau belajar ti udah diperambu dalam PPPM.

Tiada ulasan:

Catat Ulasan