Enti bisi orang
nanya, berapa iti leka jaku genap iku ari kitai dalam timpuh sehari – reti nya
dalam awak 24 jam. Tentu mayuh ari kitai enda tesautka tanya tu. Bisi nya kilih
kandih nguji ngira ... tang bedau tentu tulihkan saut.
Nitihka siti pansik
ti dipejalaika seraban pemansik ti pengabis bagas di dunya iya nya seraban
nembiak sekula pelajar tinggi ari Universiti Ohio, Amerika madahka orang selama
tauka mensia mayuh nyebut 30,000 leka jaku ninting hari.
Pekara tu enda ngira
maya iya disebut, lalu iya mega nyengkaum randau sengapa, bejaika orang, maya
bekereja ba opis tauka di kilang tauka ba kebun. Semua tu dikirang memagang.
Nya dipeda ari sukut
rayat selama. Enti orang politik tauka Menteri Besai kitai bejaku, tentu nya
mayuh agi. Kebuah pia, laban kini-kini iya bejalai tentu iya dipinta bejaku.
Penyampau leka jaku
nya mungkur 3 ½ jam sehari. Reti nya lebih tiga jam sehari diagihka kitai
semina kena bejaku aja. Tu mega reti nya genap sejam kitai ngena 9,000 leka
jaku. Mayuh tu! Nya baru sejam. Kati enti sehari, seminggu, sebulan enggau
setaun? Kira berapa nya. Pandai-pandai mih kitai ngiraka diri empu.
Tiada ulasan:
Catat Ulasan