3.1 Teknik Nguji Pemereti Macha Sengian
Teknik ti ulih dikena nguji pemereti macha sengian nya
baka ke dibaruh tu:
(a)
|
Teknik
Tanya Tebuka
|
(b)
|
Teknik
Tanya Objektif
|
(c)
|
Teknik
Tanya Pilih betul – salah
|
(d)
|
Teknik
Tanya kloz
|
3.1.4
Teknik Tanya Chara Kloz
Teknik kloz nya
sebengkah kereban dikena nguji pemereti macha teks ti berengkah dikena di
Amerika maya taun lima puluh. Teknik tu mega dikumbai prosedur kloz, ditengkebang
Wilson Taylor dalam taun 1953. Taylor bulih penemu nengkebang teknik tu ari
asil pansik psikologi ti digaga raban psikologi Gestalt lebuh sida mansik
konsep ‘closure’ dalam proses meratika chara mensia meda utai, meratika utai
chara rama tauka meda ngena mata kasar dulu sebedau ulih meda sereta meretika
sesebengkah enggau lenak agi. Dalam proses nya, kitai ulih ngena konsep tauka
langkar rama ti udah diperetika kitai enggau dalam agi.
Wilson Taylor (1953)
ngena teori psikologi Gestalt lalu ngemasukka iya ngagai proses macha iya nya
ngusungka sekeda tempat dalam teks bacha. Ari nya pemacha deka diasuh ngisika
endur lapang nya ngena leka jaku nitihka reti dalam teks nya. lebuh ngisi
lapang nya pemacha enda ulih enda ngena cue
linguistik ari sukut sintaksis enggau semantik nitihka reti leka jaku dalam
konteks enggau struktur ayat enggau teks ti dibacha nya. Ketegal nya Moyle
(1972) kala madahka teknik kloz tu munyi tu:
|
A
technique based on the human tendency to complete an incomplete pattern or sequence.
Thus, if a word is omitted from a sentence, the reader attempts to supply the
word to complete the meaning.
|
Teknik ngena chara
nguji kloz tu nyadika kereban nguji pengawa meretika teks udah kala dikena
nembiak ba sekula primari enggau sekondari. Taja pia, teknik tu begunaka sekeda
prosedur ari sukut ngaga instrumen peresa, chara peresa nya dipejalaika enggau
chara iya diperesa. Semua pekara tu ukai utai ti mari dikereja lalu iya ulih
dipejalaika pengajar jaku Iban. Ba peresa kloz nembiak dipinta ngisi endur
lapang ba tibak teks bacha ti endang sengaja digaga puang ulih pengajar tauka
pemeresa. Ba proses keterubah, nembiak dipinta meratika tibak teks nya chara
ngelansa. Udah nya baru sida ulih nguji ngisi endur lapang nya ngena leka jaku
ti engkeman ari sukut reti teks bacha nya. bepelasarka pemereti sida senentang
teks nya baru sida nguji ngisi lapang nya ngena leka jaku ti engkeman nitihka
reti teks.
(a)
Chara Milih Tibak teks Kena Nguji Kloz
Baka mega teknik
bukai, teks ti diplih dikena nguji pengawa meretika teks mesti engkeman enggau
tikas nembiak ti deka diuji nya. nitihka Oller (1979) peresa kloz ti standard
ngena tibak teks ti enda kurang ari 250 leka jaku. Kebuah pia, ngambika ulih
nempa 50 iti item kloz (tempat-tempat ti puang) enti pengajar nguna ratio tetap
1:5; reti nya bagi tiap-tiap iti leka jaku kelima dalam tibak teks bacha mesti
dikusungka.
Tibak ti enda kurang
ari 250 leka jaku (50 leka jaku dikeluarka tauka dikusungka) tauka enda kurang
ari 350 leka jaku (70 leka jaku deka dikeluarka tauka dikusungka). Penyampau tu
engkeman dikena nguji nembiak sekula sekondari. Tu dipeda ari sukut pengulih
nembiak macha lalu enggau timpuh jam dikena sida nembuka tanya. Ungkup sekula
primari pemanjai tibak teks nya entara 100 – 160 leka jaku, 15 (minimum) tauka
30 (maksimum) item kloz. Patut dikingatka mega tibak teks ti dipilih semina ari
teks prosa aja. Leka main bedau kala dikena naka kediatu.
(b)
Chara Nempa Item Kloz (Milih Endur Lapang ti Deka
dikusungka dalam Tibak Teks)
(i)
Ngena Ratio Tetap
Ratio tetap 1:5, 1:7
enggau 1:10 kala dikena lebuh ngaga item kloz. Taja pia, iya ti suah dikena iya
nya ratio 1:5 baka ke udah disebut. Reti nya tiap-tiap leka jaku kelima dalam
tibak teks nya deka nyadi item tanya. Ratio 1:5 suah agi dikena nguji pengelandik
meretika teks bacha peringkat sekula sekondari enggau peringkat orang tuai.
Taja pia, bisi mega ratio tu dikena ba peringkat primari atas, baka ba taun
empat, lima enggau enam. Ratio 1:10 enggau 1:7 suah agi dikena ba peringkat
primari baruh baka taun satu, dua enggau tiga.
(ii)
Ngena Ratio Tetap tang bisi Ubah Mimit
Taja pan bemalinka
sesebengkah ratio tetap (baik nya 1:5, 1;7 tauka 1;10) pengajar tauka pemeresa
ulih ngena chara iya empu lebuh milih leka jaku ti patut tauka enda patut
dikeluarka tauka dikusungka. Enti langkah rapat nya dikira tusah ba nembiak
(baka hari bulan, jam, nama tetap enggau leka jaku teknikal) reti nya leka jaku
baka tu enda ibuh dikachau. Chara ngaga item kloz baka tu suah agi digaga
dikena dalam bilik kelas. Taja pia, nitihka Taylor (1957) ngena ratio tetap
sereta enda ngubah iya manah agi sereta engkeman agi dikena nguji pengelandik
meretika teks ba peringkat orang tuai.
(c)
Ngenanka Topik Teks, Ayat keterubah enggau Ayat
Kepenudi
Udah nyadi pekara
selama, topik tibak teks, ayat keterubah enggau ayat kepenudi nya enda
dikachau. Kebuah pia, ngambika meri penerang mimit senentang langkar cherita ti
bekaul tibak teks nya. pengajar ulih ngepunka item kloz keterubah ba leka jaku
kelima (enti milih ratio 1:5) dalam ayat kedua lalu ditangkanka ayat ti bukai.
Pengawa nya diteruska semadi bisi endur puang ti enda patut ketegal nama tetap,
haribulan, jam, angka enggau leka jaku teknikal. Endur lapang mesti digaga sama
pemanjai iya nya kira-kira 5 sentimeter. Peratika chunto peresa kloz ti udah
digaga dikena nguji penglenadik meretika teks.
BAHASA IBAN
Peresa Pengelandik Macha
Pom Empat Jam
Ngaga: 25 minit
Ba tibak teks ti nangkan tu bisi sekeda leka jaku ti
udah dikeluarka. Keterubah iya, bacha dataika abis lalu peretika cherita nya.
Udah nya isi endur lapang. Siti endur lapang ungkup siti leka jaku aja. Leka
jaku ti bisi sengkang baka “begotong-royong” dikira seleka leka jaku.
Nama sekeda
guna arang? Mayuh agi arang dikena (1) __________ ngeluarka kuasa karan. Ba (2)__________
pengeluar kuasa karan, arang (3)__________ nyadika pun kuasa dikena (4)__________
injin turbine ti ngeluarka (5) __________ karan. Kelimpah ari nya, (6)__________
arang batu ti bukai nya (7)__________ dikena ngeluluhka besi, ngangatka (8)__________
ba menua chelap, melakinkan (9)__________ raya enggau ti bukai. (10)__________ aspek
kualiti, arang ti (11)__________ manah nya arang anthracite. Arang (12)__________
pemadu berega sereta pemadu (13)__________ dikena ngangatka rumah ba (14)
__________ chelap. Arang bituminous kurang (15)__________ manah tang iya murah
lalu pemadu mayuh dikeluarka mensia. Arang ti bansa tu pemadu mayuh dikena
ngeluarka kuasa karan enggau dikena ngeluluhka besi.
Leka jaku ti udah dikeluarka ari
tibak asal teks baka ti dirintaika di baruh tu. Tu saut ti nemban nitihka tibak
asal teks nya:
1.
|
mensia
|
9.
|
jalai
|
2.
|
palan
|
10.
|
Ari
|
3.
|
tu
|
11.
|
pemadu
|
4.
|
bejalaika
|
12.
|
ti
|
5.
|
kuasa
|
13.
|
mayuh
|
6.
|
guna
|
14.
|
menua
|
7.
|
baka
|
15.
|
agi
|
8.
|
rumah
|
|
|
(d)
Chara Meresa Kloz
Ba peresa kloz nembiak
dipinta ngisi endur lapang ti udah digaga puang ngena leka jaku ti dipikirka
pengabis engkeman nitihka konteks tibak teks ti dibacha. Sebedau sida nyaut
tanya nya, sida patut dilalau merati, macha sereta nguji meretika cherita dalam
tibak teks nya.
Awak ti diberi nya
seminit ungkup siti item kloz. Ambika banding, enti peresa nya ngundan 40 item
kloz, dia nembiak diberiawak sepengelama 40 minit dikena sida nembuka peresa
nya. Ba sekula primari baruh (baka taun satu enggau dua) awak ke lebih ulih
diberi ngagai sida iya nya 1 ½ minit ungkup siti item. Peresa kloz ti ngundan
15 item tau diberi awak ngaga 25 minit dikena sida nembuka tanya nya.
(e)
Chara Meri Mark Peresa Kloz
Chara ngagihka mark
tauka rubrik ba peresa kloz nya baka ke disebut di baruh tu:
Mark
|
Kriteria
|
3
|
ungkup
leka jaku ti nemban baka ke dalam
tibak teks asal
|
2
|
enti
leka jaku nya sama reti enggau iya
ke dilalai nya
|
1
|
enti
leka jaku nya meri reti ti logik
dalam ayat nya sereta mega dipeda ari sukut tibak teks penuh nya
|
0
|
enti
leka jaku nya nadai mai reti ti
logik dalam ayat nya sereta mega enti dipeda ari sukut tibak teks penuh nya
|
|
enti
sesebengkah item kloz nya enda disaut
(enda diisi) nembiak
|
(f)
Malika Skor Peresa Kloz
Skor mata (raw score) ti diulihka nembiak ba peresa
kloz ulih dibali ngagai skor persin (%). Ambika banding ba sebengkah peresa
penguji kloz ti ngundan 50 item kloz, skor mata maksimum ti tau diulihka
siku-siku nembiak iya nya 150 (50 item X 3 mark). Ambika banding penyampau skor
ti diulihka nembiak nya 60/150, iya ulih ditukar ngagai skor persin baka tu:
|
60 X 100 = 40 persin (40%)
150
|
Ba peringkat sekula
primari, skor persin (%) ti ulih dijapai siku-siku nembiak ba peresa kloz kala
dikena meratika tikas pengulih macha rama siku-siku nembiak. Ambika banding,
reference kriteria nisih ti kala digaga Davis enggau Vincent baka ke diayanka
ba baruh tu:
Skala
|
Penerang
|
|
Tikas Skor Nembiak
|
Tikas Macha Rama Nembiak
|
Reti
|
75 % ke atas
|
Tikas Ngati Kediri
|
Nembiak ulih
nyapai tikas bacha sereta pengelandik meretika kereban bacha ke jelan
pemanah. Tu ngayanka iya ulih macha sereta meretika kereban bacha kediri
nadai ibuh dibantu orang bukai.
|
50 % ke baruh
|
Tikas Diiring
|
Nembiak napi
sekeda penanggul lebuh macha sereta meretika kereban bacha lalu agi begunaka
saup tauka iring ari orang bukai.
|
25 % ke baruh
|
Tikas Asa
|
Nembiak napi
kelalu mayuh penanggul dalam pengawa macha sereta meretika kereban bacha, nya
kebuah iya ngasaika diri asa.
|
Ba skala di atas tu,
nembiak ti bulih persin skor 51 – 74 persin dikira ba mayuh tikas renggat ke
agi patut diiring.
Kriteria nisih ti
kala dikena James Rye (1982) nya referen skala ke lain mimit enti dibandingka
enggau skala ke kala dikena Davies enggau Vincent (1977). Nitihka skala James
Rye (1982) persin skor 60 ke atas dikira macha ba tikas ngati kediri, 40 059
persin nya macha ba tikas iring lalu baruh 40 persin (39 – 0) nya macha ba
tikas asa.
Tiada ulasan:
Catat Ulasan