Prinsip Kaul-jaul
Nitihka Kurikulum Jaku Iban KBSM, pengawa ngajar jalai
jaku mesti dikaul-jaul enggau pengawa ngajar pengelandik jaku ke bukai iya nya
pengelandik mending, bejaku, macha enggau nulis tang ba Kurikulum Jaku Iban
KSSM penemu jalai jaku diberi awak ke kediri taja pia iya agi bisi kaul enggau
pengelandik bejaku ke bukai. Nitihka dokumen kurikulum KSSM pengajar patut
nyediaka ruang enggau peluang alai nembiak betarakka jalai jaku mungkur semua
pengelandik jaku ambika chunto; mending enggau bejaku, macha enggau nulis,
(diambi ari DSKP KSSM Bahasa Iban Tingkatan 1 lambar 29). Langkahrapat
kaul-jaul tu minta pengajar Jaku Iban enda nyerara aspek jalai jaku ari
pengelandik jaku tang bejalaika pengawa ngajar jalai jaku sama-sama enggau siti
tauka lebih pengelandik jaku ba siti awak ngajar ti sama.
Prinsip tu enda ngasuh ngemeranka pengawa ngajarka
jalai jaku ke nganggap jalai jaku nya aspek ke diserara ari ngajar elemen jaku
ke bukai. Iya ti patut nya jalai jaku ngembuan elemen ti semampai bisi maya
bejaku; genap kali kitai bejaku tauka nulis, kitai tetap ngena jalai jaku
baikka kitai nemu kitai ngena jalai jaku tauka enda. Nya kebuah, aspek jalai
jaku endang patut bendar dikaul-jaul enggau pengawa ngajar pengelandik
jaku.
Nama kebuah ngena prinsip kaul-jaul?
Prinsip kaul-jaul tu enti dipejalaika enggau manah tau
ngasuh pengawa ngajar Jaku Iban kelebih agi ngajar aspek jalai jaku nya idup
sereta ngerinduka ati. Kebuah pia, maya ngajar, pengajar Jaku Iban ulih
bejalaika mayuh bansa aktiviti ngajar jaku. Kelimpah ari pengajar ngajar jalai
jaku, iya mega ulih ngaga aktiviti ti bisi kaul enggau siti tauka lebih
pengelandik bejaku ba siti awak pelajar ti sama. Aktiviti ti mayuh bansa baka
tu ulih nyeliah nembiak ari ke enda rindu belajar laban ke semina belajarka
siti aspek aja iya penemu jalai jaku. Aktiviti ti mayuh bansa tu mega mantu
pengajar Jaku Iban ngena kereban pengelandik jaku nyadika set induksi tauka
nyadika stimulus pelajar. Tu ngujungka pengawa ngajar jalai jaku nya bisi reti
sereta semitan agi ba nembiak.
Baka ni chara ngena prinsip kaul-jaul?
Baka ke udah disebut, prinsip kaul-jaul tu begunaka
penemu jalai jaku diajar sama enggau siti tauka lebih pengelandik jaku maya
siti-siti awak ngajar. Reti nya mayuh leman kaul-jaul sekalika elemen jalai
jaku nya dikaul-jaul enggau siti, dua, tiga tauka empat pengelandik jaku.
Di baruh tu dirintaika mayuh leman kaul-jaul ke ulih dipegulaika.
1
|
Dikaul
enggau siti pengelandik jaku.
|
|
(a)
|
jalai
jaku + mending
|
|
(b)
|
jalai
jaku + bejaku
|
|
(c)
|
jalai
jaku + macha
|
|
(d)
|
jalai
jaku + nulis
|
|
2
|
Dikaul
enggau dua pengelandik jaku.
|
|
(a)
|
jalai
jaku + mending + bejaku
|
|
(b)
|
jalai
jaku + mending + bejaku
|
|
(c)
|
jalai
jaku + mending + macha
|
|
(d)
|
jalai
jaku + bejaku + macha
|
|
(e)
|
jalai
jaku + bejaku + nulis
|
|
(f)
|
jalai
jaku + macha + nulis
|
|
3
|
Dikaul enggau tiga pengelandik
jaku (enda ngira rurun pengelandik).
|
|
(a)
|
jalai
jaku + mending + bejaku + macha
|
|
(b)
|
jalai
jaku + mending + bejaku + nulis
|
|
(c)
|
jalai
jaku + bejaku + macha + nulis
|
|
4
|
Dikaul enggau empat
pengelandik jaku (enda ngira rurun pengelandik).
|
|
(a)
|
jalai jaku + mending + bejaku
+ macha + nulis
|
|
Sigi mudah agi mih enti pengajar ngaul-jaul jalai jaku
enggau siti tauka dua pengelandik jaku ba siti awak ngajar tang taja pia
nyangka tusah agi ngaul-jaul tiga tauka empat pengelandik jaku. Nama-nama tukuh
kaul-jaul ti dikena nya balat bepanggai ba pemintar pengajar ngungkupka awak
enggau penau iya bejalaika aktiviti ngajar nya.
Nangkan tu nya dibantaika chunto objektif pelajar ke
alai jalai jaku Jaku Iban dikaul-jaul enggau siti pengelandik bejaku.
Ambika banding, pengajar deka ngajar jaku penempat ari, ke, di,
enggau kena. Pugu objektif iya
nya
1
|
nembiak
ulih mida reti entara leka jaku ari
enggau ke, sereta di enggau kena.
|
2
|
nembiak
ulih ngena leka jaku penempat nya enggau betul dalam konteks ayat.
|
Pengajar ulih ngaul pengawa ngajar leka jaku penempat
tu enggau pengawa ngajar pengelandik macha.
Lebuh nyediaka pelajar, pengajar tau milih dua iti
teks bacha dikena nyadika stimulus ngajar leka jaku penempat nya. Siti teks
bacha ngundan leka jaku penempat ari
enggau ke lalu siti agi nya ngundan
leka jaku penempat di enggau kena
nitihka konteks ayat.
Pengajar ulih ngepunka ajar iya enggau minta nembiak
macha sengian teks ti diberi. Tu lalu ditangkan enggau pengajar nanya sekeda
tanya dikena nentuka nembiak udah meretika teks nya tauka enda. Tu pengawa
pengelandik macha.
Udah nya pengajar mindah ngagai aktiviti jalai jaku;
ngena ayat ti bisi ngundan leka jaku penempat ti bisi dalam teks bacha nya tadi
nyadika chunto iya lalu nerangka bida reti entara kedua-dua leka jaku nya. Udah
nya pengajar lalu meri chunto bukai sereta ngulihka chunto bukai mega ari bala
nembiak.
Pengawa tu lalu ditangkan enggau siti pengawa latih
dikena negapka pemereti nembiak lalu mega dikena ngelatih nembiak ngena leka
jaku penempat ti relevan sereta betul nitihka konteks ayat. Ba pengujung
pelajar, pengajar nyaup nembiak ngaga simpul penemu senentang bida entara leka
jaku ari enggau ke nya.
Baka nya ku chara ngenataika leka jaku penempat, iya
nya ngena kedua-dua teks bacha sereta dientudi enggau aktiviti jalai jaku
bepelasarka chunto ti bisi ayan ba teks bacha nya.
Ajar tu ulih ditutup enggau pengawa latih betulis ti
pandak dikena pengajar nya nentuka pengulih bala nembiak iya senentang reti
sereta guna leka jaku penempat nya.
Langkahrapat kaul-jaul ulih mungkur lebih ari siti
pengelandik jaku baka tu:
Pengajar ngelanggur deka ngajar jaku sebut enggau jaku
tulis, lalu deka ngaul-jaul aspek jalai jaku tu enggau aktiviti mending, bejaku
enggau nulis. Pelajar tu begunaka dua awak ngajar ti betangkan-tangkan.
Pelajar tu berengkah enggau pengawa pengajar ngasuh
bala nembiak iya mendingka siti drama ti udah direkod (aktiviti mending).
Tembu mendingka drama nembiak diberi peluang ngeluluka
drama nya ngena skrip ti udah disadungka pengajar ngagai sida (aktiviti
bejaku).
Bepelasarka ayat-ayat ti diambi ari skrip drama,
pengajar lalu nunjukka chara jaku sebut nya enti iya ditukar ngagai jaku tulis.
Tu diperati ari sukut jaku ganti nama, jaku pengawa, tanda bacha, urup
besai/mit enggau ti bukai.
Maya tu mega, pengajar ngiring ngembing nembiak
senentang chara nukar jaku sebut ngagai
jaku tulis. Udah nya nembiak diberi latih nukar ayat-ayat ari jaku sebut ngagai
jaku tulis. Latih tu dipejalai ngena chara bejaku. Udah nya baru ditangkan
enggau nulis. Nembiak dipinta nukar sekeda jaku pandak ngagai jaku tulis.
Ba pengujung pelajar, baru pengajar nisih nembiak
ngena chara bejaku tauka betanya-saut asil ari kereja sida sebedau tu. Pengajar
mega lalu nulung ngemetulka sebarang penyalah ti bisi.
Timbang Pedagogi
Pengajar Jaku Iban mesti seruran ngingatka diri sentang
tuju prinsip kaul-jaul ba pengawa ngajar enggau belajar kelebih agi ba aspek
jalai jaku ngambika ulih narit ati sereta semitan ba nembiak. Taja pia, pemujur
strategi tu dikena balat bepanggai ba pemereti penemu pengajar sentang konsep
kaul-jaul kelebih agi teknik-teknik ngajar ke dikena sida.
Bisi sekeda pekara ke patut ditimbang penemu ari sukut
pedagogi ke ulih nyadika malin pengajar Jaku Iban lebuh sida ngemeranka prinsip
kaul-jaul baka ke dipejuraika nangkan tu.
Pengawa ngajar jalai jaku ngena chara kaul-jaul enda
tau enda dipejalaika enggau perambu ti chukup sereta betul. Iya mesti diperambu
dalam siti skim pelajar ungkup siti-siti penggal tauka semester. Dalam skim
nya, genap aspek jalai jaku mesti dibagi ngagai topik lalu tiap-tiap topik nya
mega dibagi ngagai subtopik. Skim tu mesti ngayanka enggau terang
topik/subtopik ti patut diajar dalam tiap-tiap minggu. Agih topik/subtopik
diperambu baka nya ngambika pengajar ulih nentuka topik/subtopik ti patut
diajar minggu dudi lalu ngaga langgur ari sukut kereban ngajar.
Pengawa ngajar jalai jaku mesti sama-sama dikemerat
enggau ngajar pengelandik jaku lalu iya mesti diberi fokus enggau awak ti patut
lebuh merambu taga jam Jaku Iban. Dalam langgur pelajar seminggu (RPM) Jaku
Iban, dia pengajar mesti ngungkup enda kurang ari siti awak dikena ngajar jalai
jaku ngena chara kaul-jaul lalu maya tu mega jalai jaku nya nyadi pugu komponen
ari sukut maya ti diungkupka pengajar. Reti nya ari penyampau 40 minit awak
belajar enggau ngajar dia jalai jaku ti dikaul-jaul enggau pengelandik bejaku
enggau nulis, awak ti patut; ambika banding baka 15 – 20 minit patut dikena
aktiviti jalai jaku ke udah dilanggurka pengajar.
Enti pengajar semuti ngajar jalai jaku sechara enda
sengaja aja lalu meri awak ti mimit, ambika banding 5 minit ngagai pengawa
ngajar jalai jaku dalam siti timpuh ngajar dia pengawa ngajar jalai jaku tu
nadai mai penguntung ti besai ke ulih diarapka pengajar enggau nembiak.
Pengajar mesti nentuka objektif ti diungkup ngagai
ngajar jalai jaku dulu lalu udah nya baru nyediaka kereban ti engkeman dikena
nyapai objektif nya. Prosedur langgur tu mesti dititihka pengajar. Ambika
banding, enti pengajar deka ngajar jaku tekenyit ari sukut guna jaku tu dia iya
patut ngiga kereban ngajar baka teks tauka audio ti ulih dikena nyadika
stimulus pelajar nya. Sigi enda patut sereta salah amat enti pengajar milih
siti teks bacha udah nya baru merati sereta ngiga elemen jalai jaku ke bisi
dalam teks nya ti ulih diselitka iya maya ngajar.
Pengajar mesti nentuka kaul-jaul entara elemen jalai
jaku enggau pengelandik jaku nya lanchar dipejalaika. Siti bansa aktiviti mesti
ditangkan enggau aktiviti ke bukai enggau nadai penanggul. Ba hal tu, kereban
ungkup siti-siti pengelandik jaku ulih nyadika stimulus ke ulih narit ati ungkup
aktiviti jalai jaku. Ambika banding, siti leka main nya disada sereta isi leka
main nya dipejuraika nembiak enggau pengajar sida. Udah nya baru leka main nya
nyadi stimulus dikena ngajar konsep ayat
tunsang laban dalam leka main nya nyangka bisi baris genteran ti struktur ayat
nya tunsang bebanding enggau ayat selama. Udah nya penteba ayat tu ulih
dikaitka enggau chara nulis leka main ti mudah ke alai bala nembiak dipinta
ngalihka segenteran ayat nya ti ditulis dalam ayat selama ngagai ayat tunsang dikena
ngemanahka agi leka main nya.
Kepenudi sekali, pengajar mesti nemu enggau terang
nama utai ke dikedekaka iya sekalika iya deka ngajar siti elemen ti baru tauka
negapka siti penemu ti udah dipelajarka bala nembiak tauka ngemetulka penyalah
leka jaku tauka ayat. Kebuah pia, laban genap pekara tu tadi begunaka chara
ngajar enggau fokus ti bebida. Ba pun pelajar, pengajar begunaka mayuh chunto
ti engkeman lalu meri penerang ti chukup silik dikena nyaup nembiak meretika
konsep. Tang ba pengujung pelajar iya nya maya negapka sesebengkah penau dia
pengajar patut meri aktiviti ti negap tauka nguji pengulih sereta penemu
nembiak senentang sesebengkah aspek jalai jaku ti udah dipelajar sida. Ba
aktiviti seridi dia nembiak ke kurang penemu dalam jalai jaku diberi latih ti
chukup dikena nyaup sida mutarka penanggul pelajar sida.
Nya alai, balat rua mih awak enggau energi sereta enda
ngerinduka ati nembiak enti pengajar meri penerang ti panjai senentang siti
elemen jalai jaku ke udah dipelajar sereta diperetika sida. Pengajar ti
nganggap nembiak sida bedau tauka nadai penemu sigi bisi. Sida tu tak majak
ngajar taja nembiak endang udah bisi penemu jalai jaku. Tu mih siti kebuah
pengawa ngajar jalai jaku nya enda tentu ngerinduka ati bala nembiak.
BUP SANDING PENEMU
Abdullah Hassan 1984, Linguistik Am untuk Guru
Bahasa Malaysia, Penerbit Fajar Bakti Sdn.Bhd. , Petaling Jaya.
_________________ (ed) 1987, Kesalahan Bahasa dalam
Bahasa Melayu, Dewan Bahasa dan Pustaka (DBP) Kuala Lumpur.
_________________ 1974, The Morphology of Malay,
Dewan Bahasa dan Pustaka (DBP) Kuala Lumpur.
Anthony, E.M. (ed). 1976, Reading:
Insights and Approaches, Singapore University Press, Singapore.
Ashley, R.S., 1984, Successful Techniques for Teaching
Elementary Language Arts, Parker Publishing, New York.
Asmah Haji Omar dan Rama Subbiah
(1968), An Introduction to Malay Grammar,
Dewan Bahasa dan Pustaka (DBP) Kuala Lumpur.
_________________ (ed)1984, Kaedah
Pengajaran Bahasa. Dewan Bahasa dan Pustaka (DBP) Kuala Lumpur.
Azman Wan Chik (1981), Prinsip dan Kaedah Mengajar Kesusasteraan
Melayu, Utusan Publications, Kuala Lumpur.
_________________ 1982, Ujian
Bahasa Malaysia, Dewan Bahasa dan Pustaka (DBP) Kuala Lumpur.
_________________ (ed)1986, Mengajar
Bahasa Malaysia: Latihan Guru dan Bahan, Dewan Bahasa dan Pustaka (DBP) Kuala
Lumpur.
Gurner, R. (1976), Language, Learning and Remedial Teaching, Edward
Arnold, London.
Koh Boh Boon (1981), Pengajaran Bahasa Malaysia, Utusan
Publications, Kuala Lumpur.
Koh Boh Boon (1990), Pengajaran Tatabahasa Bahasa Malaysia:
Prinsip dan Teknik, Penerbit Fajar Bakti Sdn. Bhd., Kuala Lumpur.
_________________ 1981, Pengajaran
Pemulihan dalam Bahasa Malaysia, Dewan Bahasa dan Pustaka (DBP) Kuala
Lumpur.
_________________ 1984, Bahan
Pengajaran Kendiri Terancang, Dewan Bahasa dan Pustaka (DBP) Kuala Lumpur.
_________________ (ed) 1989, Perspektif-perspektif
dalam Pengajaran Bahasa Malaysia, Dewan Bahasa dan Pustaka (DBP) Kuala
Lumpur.
_________________ 1978, The
Teaching of Malay Affixes, Penerbit Fajar Bakti Sdn. Bhd., Kuala Lumpur.
Lado, R., (1976), Language Teaching: A Scientific Approach, Tata
McGraw-Hill Publishing, Bombay.
Lim Kiat Boey (1975), An Introduction to Linguistics for the
Language Teacher, Singapore University Press, Singapura.
Lufti Abas (1975), Tatabahasa Perbandingan: Predikat, Dewan
Bahasa dan Pustaka (DBP), Kuala Lumpur.
_________________ 1976, Tatabahasa
Perbandingan: Ayat, Dewan Bahasa dan Pustaka (DBP) Kuala Lumpur.
Mackey, W.F., (1978), Language Teaching Analysis, Longman,
London.
Mashudi B.H. Kader ((1981), The Syntax of Malay Interrogatives, Dewan Bahasa dan Pustaka (DBP), Kuala Lumpur.
Mohd. Taib Osman (ed), (1977), Pengajaran Bahasa dan Kesusasteraan
Malaysia, Dewan Bahasa dan Pustaka (DBP), Kuala Lumpur.
Nik Safiah Karim (1978), Bahasa Malaysia Syntax, Dewan Bahasa dan
Pustaka (DBP), Kuala Lumpur.
_________________ (ed), 1986, Bahasa
Melayu Tinggi: Teori dan Penerapan, Dewan Bahasa dan Pustaka (DBP) Kuala
Lumpur.
_________________ et al. (ed), 1982, Tatabahasa Dewan:
Ayat. Dewan Bahasa dan Pustaka (DBP) Kuala Lumpur.
_________________ et al. (ed), 1989, Tatabahasa Dewan:
Perkataan. Dewan Bahasa dan Pustaka (DBP) Kuala Lumpur.
Payne, E.M.F., (1970), Basic Syntactic Structures in Standard
Malay, Dewan Bahasa dan Pustaka (DBP), Kuala Lumpur.
Raminah Hj. Sabran dan Rahim
Syam (1985), Kaedah Pengajaran Bahasa Malaysia, Penerbit Fajar Bakti Sdn. Bhd., Petaling Jaya.
Richards, J.C. dan Rodgers, T.S.
(1986), Approaches and Methods in
Language Teaching, Cambridge University Press, Cambridge.
Rivers, W.M. (1981), Teaching Foreign-Language Skills, The
University of Chicago Press, Chicago.
Sofiah Hamid dan Zaiton Ab.
Rahman (ed), (1988), Ke Arah
Keprofesionalan Guru Bahasa dan Sastera Melayu, Dewan Bahasa dan Pustaka
(DBP), Kuala Lumpur.
Stern, H.H. (1983), Fundamental Concepts of Language Teaching, Oxford
University Press, Oxford.
Wilkins, D. A., (1978), Linguistic in Language Teaching, ELBS
and Edward Arnold, London.
_________________ 1981. Second
Language Learning and Teaching, ELBS and Edward Arnold, London.
Tiada ulasan:
Catat Ulasan