Ngajar Sistem Jaku Jaku Iban Prinsip enggau Teknik Tusun Ketiga

Prinsip Setimbang Dalam Jalai Jaku Jaku Iban

Kelimpah ari isi pekara jalai jaku Jaku Iban baka ke disebut dalam Kurikulum Pelajar Jaku Iban KSSM, pengajar Jaku Iban patut nemu prinsip pelasar maya ngaga langgur objektif ngajar jalai jaku. Prinsip tu enda tau enda meri perati ti setimbang ngagai penemu senentang jalai jaku lalu ditangkan mega enggau pengelandik ngena mayuh leman jaku, rambai jaku enggau ayat dalam konteks ti betul.

Pengawa ti ngasika prinsip setimbang nya beguna amat dikena nentuka pengawa ngajar jalai jaku nya semitan. Pengajar Jaku Iban enda tau enda nyeliahka diri ari sekeda pengajar Jaku Iban ke entara nemu diri tauka enda sida nya kelalu  ngemeratka  penemu jalai jaku ngujungka sida ninggalka pengelandik ngena jaku nya. Pengawa sekeda pengajar ke baka tu tau mai empas ti enda manah ngagai pengawa belajarka jalai jaku Jaku Iban. Ambika teladan, enti pengajar nya semuti meri perati berat ngagai aktiviti ngajar nembiak iya nemu bansa tauka raban jaku, nya tau ngujungka sida semina teulihka penemu senentang nama mayuh raban jaku dalam Jaku Iban. Penemu ti baka tu taja pan beguna enda nyamin pengulih nembiak ngena mayuh leman jaku enggau betul dalam konteks ayat.

Nya alai, langgur pelajar ungkup ngajar sesebengkah subtopik jalai jaku Jaku Iban mesti ngembuan dua leman objektif iya objektif penemu enggau objektif pengelandik.

Ambika banding dalam langgur pengawa ngajar penambah nge ... enggau be ..., kedua-dua leman objektif mesti bisi disebut. Objektif ti betukuh penemu baka ke dirintai di baruh tu:

1.	Ngambika nembiak nemu guna penambah nge ...
2.	Ngambika nembiak nemu guna penambah be...
3.	Ngambika nembiak nemu bida nge ... enggau be ... ari sukut guna jaku.

Objektif penemu ke udah disebut di atas enda tauka enda disempulang enggau objektif ti betukuhka pengelandik jaku baka ke disebut di baruh tu:

1.	Ngambika nembiak ulih milih enggau betul, entara leka jaku bepenambah nge ... enggau leka jaku be ... dikena ngisi lapang dalam konteks ayat ti diberi.
2.	Ngambika nembiak ulih nentuka ni bagi siti leka jaku bepenambah nge ... tauka be... dikena enggau betul dalam konteks ayat nya.
3.	Ngambika nembiak ulih ngemetulka leka jaku bepenambah nge ... tauka be ... ti salah dalam konteks ayat ti diberi nya.
4.	Ngambika nembiak ulih ngena enggau betul leka jaku bepenambah nge ... tauka be ... dalam ayat ti ditempa diri empu.

         

Enti kitai merambu deka ngajar jaku ganti nama, kitai mesti nentuka objektif ngajar kitai nya mungkur dua bansa iya nya penemu enggau pengelandik jaku baka ke dirintai di baruh tu.

1.	Ngambika nembiak nemu mayuh raban leka jaku ganti nama baka jaku ganti nama rama enggau tetap, jaku ganti nama orang keterubah, kedua enggau ketiga.
2.	Ngambika nembiak ulih mida entara jaku ganti nama rama enggau jaku ganti nama tetap.
3.	Ngambika nembiak ulih mida entara jaku ganti nama orang keterubah, kedua enggau ketiga.
4.	Ngambika nembiak ulih milih entara sekeda jaku ganti nama ti sama raban, siti jaku ganti nama ti engkeman ba konteks ayat ti diberi.
5.	Ngambika nembiak ulih nyidi lalu ngemetulka penyalah dalam guna jaku ganti nama dalam konteks ayat ti diberi.
6.	Ngambika nembiak ulih ngayanka pemida reti entara dua tauka lebih jaku ganti nama (baka ba chunto ti nangkan tu) enggau guna genap iti jaku ganti nama dalam konteks ayat ti engkeman.
	(a)	kitai, kami
	(b)	kita, nuan, sida
	(c)	aku
	(d)	iya
	(e)	niang

Objektif 1 ngagai 3 nya objektif ti ngemeratka penemu senentang jaku ganti nama lalu tiga ke bukai nya ngemeratka pengelandik ngena jaku ganti nama enggau betul dalam konteks ti engkeman.

Disimpulka enggau jaku pandak, dia kitai ulih madahka pengajar Jaku Iban enda tau enda nemu enggau silik isi pekara jalai jaku nitihka Kurikulum Mata Pelajar Jaku Iban KSSM lalu iya mega mesti ngelanggur ngajar jalai jaku ke meri perati ti setimbang entara ngulihka penemu enggau ngulihka pengelandik. 

BUP SANDING PENEMU

Abdullah Hassan 1984, Linguistik Am untuk Guru Bahasa Malaysia, Penerbit Fajar Bakti Sdn.Bhd. , Petaling Jaya.

_________________ (ed) 1987, Kesalahan Bahasa dalam Bahasa Melayu, Dewan Bahasa dan Pustaka (DBP) Kuala Lumpur.

_________________ 1974, The Morphology of Malay, Dewan Bahasa dan Pustaka (DBP) Kuala Lumpur.

Anthony, E.M. (ed). 1976, Reading: Insights and Approaches, Singapore University Press, Singapore.

Ashley, R.S., 1984, Successful Techniques for Teaching Elementary Language Arts, Parker Publishing, New York.

Asmah Haji Omar dan Rama Subbiah (1968), An Introduction to Malay Grammar, Dewan Bahasa dan Pustaka (DBP) Kuala Lumpur.

_________________ (ed)1984, Kaedah Pengajaran Bahasa. Dewan Bahasa dan Pustaka (DBP) Kuala Lumpur.

Azman Wan Chik (1981), Prinsip dan Kaedah Mengajar Kesusasteraan Melayu, Utusan Publications, Kuala Lumpur.

_________________ 1982, Ujian Bahasa Malaysia, Dewan Bahasa dan Pustaka (DBP) Kuala Lumpur.

_________________ (ed)1986, Mengajar Bahasa Malaysia: Latihan Guru dan Bahan, Dewan Bahasa dan Pustaka (DBP) Kuala Lumpur.

Gurner, R. (1976), Language, Learning and Remedial Teaching, Edward Arnold, London.

Koh Boh Boon (1981), Pengajaran Bahasa Malaysia, Utusan Publications, Kuala Lumpur.

Koh Boh Boon (1990), Pengajaran Tatabahasa Bahasa Malaysia: Prinsip dan Teknik, Penerbit Fajar Bakti Sdn. Bhd., Kuala Lumpur.

_________________ 1981, Pengajaran Pemulihan dalam Bahasa Malaysia, Dewan Bahasa dan Pustaka (DBP) Kuala Lumpur.

_________________ 1984, Bahan Pengajaran Kendiri Terancang, Dewan Bahasa dan Pustaka (DBP) Kuala Lumpur.

_________________ (ed) 1989, Perspektif-perspektif dalam Pengajaran Bahasa Malaysia, Dewan Bahasa dan Pustaka (DBP) Kuala Lumpur.

_________________ 1978, The Teaching of Malay Affixes, Penerbit Fajar Bakti Sdn. Bhd., Kuala Lumpur.

Lado, R., (1976), Language Teaching: A Scientific Approach, Tata McGraw-Hill Publishing, Bombay.

Lim Kiat Boey (1975), An Introduction to Linguistics for the Language Teacher, Singapore University Press, Singapura.

Lufti Abas (1975), Tatabahasa Perbandingan: Predikat, Dewan Bahasa dan Pustaka (DBP), Kuala Lumpur.

_________________ 1976, Tatabahasa Perbandingan: Ayat, Dewan Bahasa dan Pustaka (DBP) Kuala Lumpur.

Mackey, W.F., (1978), Language Teaching Analysis, Longman, London.

Mashudi B.H. Kader ((1981), The Syntax of Malay Interrogatives,  Dewan Bahasa dan Pustaka (DBP), Kuala Lumpur.

Mohd. Taib Osman (ed), (1977), Pengajaran Bahasa dan Kesusasteraan Malaysia, Dewan Bahasa dan Pustaka (DBP), Kuala Lumpur.

Nik Safiah Karim (1978), Bahasa Malaysia Syntax, Dewan Bahasa dan Pustaka (DBP), Kuala Lumpur.

_________________ (ed), 1986, Bahasa Melayu Tinggi: Teori dan Penerapan, Dewan Bahasa dan Pustaka (DBP) Kuala Lumpur.

_________________ et al. (ed), 1982, Tatabahasa Dewan: Ayat. Dewan Bahasa dan Pustaka (DBP) Kuala Lumpur.

_________________ et al. (ed), 1989, Tatabahasa Dewan: Perkataan. Dewan Bahasa dan Pustaka (DBP) Kuala Lumpur.

Payne, E.M.F., (1970), Basic Syntactic Structures in Standard Malay, Dewan Bahasa dan Pustaka (DBP), Kuala Lumpur.

Raminah Hj. Sabran dan Rahim Syam (1985),  Kaedah Pengajaran Bahasa Malaysia,  Penerbit Fajar Bakti Sdn. Bhd., Petaling Jaya.

Richards, J.C. dan Rodgers, T.S. (1986), Approaches and Methods in Language Teaching, Cambridge University Press, Cambridge.

Rivers, W.M. (1981), Teaching Foreign-Language Skills, The University of Chicago Press, Chicago.

Sofiah Hamid dan Zaiton Ab. Rahman (ed), (1988), Ke Arah Keprofesionalan Guru Bahasa dan Sastera Melayu, Dewan Bahasa dan Pustaka (DBP), Kuala Lumpur.

Stern, H.H. (1983), Fundamental Concepts of Language Teaching, Oxford University Press, Oxford.

Wilkins, D. A., (1978), Linguistic in Language Teaching, ELBS and Edward Arnold, London.

_________________ 1981. Second Language Learning and Teaching, ELBS and Edward Arnold, London.