Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.
"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Khamis, 26 Mac 2020

Pelandai Pesan Tuhan




Berekat Tuhan datai ke dunya,
Mai pengelepas ngagai semua kitai,
Besampi mih ngambika pengidup kitai lantang senang,
Besampi mih ngambika pengidup kitai gerai nyamai.

Allah Taala balat rinduka dunya,
Allah Taala balat sayauka dunya,
Allah Taala balat sayauka dunya, 
Iya meri Anak Tunggal Iya nyadika teladan,
Iya meri Anak Tunggal Iya nyadika chuan,
Awakka kitai mensia arap ke Iya,
Awakka kitai idup beseruan ke Iya,
Awakka kitai tau bulih pengidup ti meruan.
Awakka kitai tau bulih pengidup ti menyana.

Allah Taala meri kitai roh seput,
Dikena kitai idup ba dunya,
Semina Iya aja mih jalai, pemendar enggau pengidup.

Maya Adam tepawah labuh ke Lebak Dosa,
Mensia diserara ari Tuhan,
Jesus datai ngagai dunya,
Mai berita manah,
Mai berita penyelamat.
Nyadika andau kitai ke sorga,
Jematan kitai ke sorga.

Ingat, Allah Taala meri kitai sepuluh pesan,
Nengah Moses ba Bukit Sinai,
Kena ngatur mensia idup meruan,
Awakka enda nyembah Petara bukai.

Posted by at
Labels:

Tiada ulasan:

Catat Ulasan

Langgan: Catat Ulasan (Atom)