-->
Jaku Pemuka
Penerang tu nguji deka bekunsika penemu senentang guna tikas dalam pelajar Bahasa di sekula sekondari. Tikas tu dikena nerangka taka sesebengkah pengawa. Iya tauka mega dikena madahka peninggi ai pasang, ambika banding tikas pasang. Dalam pelajar Bahasa Iban, tikas dikena nerangka reti pengulih tauka tingkat pengulih nembiak nguasa sesebengkah penemu.
Guna Tikas Dalam Pelajar
Dalam ilmu pendidikan, penemu nembiak suah bendar dibagi ngagai tiga bengkah atau domain, iya nya kognitif, afektif enggau psikomotor. Iya ti deka dikerandauka ditu nya pasal bidang kognitif. Bidang kognitif ti suah dikena ba pengawa belajar nya keterubah iya ditusun raban Komiti Peresa Maktab enggau Universiti di Amerika lalu diedit Benjamin Samuel Bloom (Sharifah,1983). Berindik ari nya iya lalu dikena ba semua sekula sereta dikumbai kitai Taksonomi Bloom.
Taksonomi Bloom nya ngundan enam ringkat bidang kognitif. Kebuah ke enda ngena jaku tikas ditu laban enggaika saru enggau tikas ti deka diterangka lagi. Ringkat bidang kognitif nitihka Bloom nya nyengkaum
- knowledge (penemu)
- Comprehension (pemereti diri senentang sesebengkah pekara)
- Application (guna/chara siti penemu dikena)
- Analisis (Meresa/nyidi)
- Synthesis (Nyerenih/milih)
- Evaluation (Nimbang sesebengkah pekara)
Belalauka enam ringkat nya tadi, sida komiti ari Pusat Perkembangan Kurikulum(PPK) ti ngaga review Turai Pelajar besetuju magi enam ringkat nya tadi ngagai tikas tauka aras ngemudahka bala pengajar ngajar sesebengkah pekara. Tikas bisi bekaul rapat enggau asil pelajar nembiak.
Tiap-tiap dua iti ringkat kognitif nya tadi dibagi ngagai tiga tikas iya tikas 1, 2 enggau 3. Tikas 1 nya tikas ti pemadu mudah. Isi kurikulum tu enda tentu mayuh. Pengawa, tauka tanya dalam Tikas tu ulih digaga semua nembiak nyengkaum sida ti pemadu lubah belajar. Tikas 1 nya ringkat ti keterubah enggau kedua dalam taksonomi Bloom, iya nya knowledge enggau comprehension.
Tikas kedua nya nyengkaum application enggau analisis . Tikas 2 tu numbas iya pengemar. Nembiak ke umbas iya pemintar patut nadai penanggul nguasa semua pengelandik ba tikas tu.
Tikas 3 nya tikas ti pemadu tinggi. Iya nyengkaum Synthesis enggau Evaluation. Tu pekara ti bekaul pengawa ti nyerenih tauka milih siti-siti pengawa nitihka raban sereta enggau pengawa ti ngaga timbang penemu.
Tikas ditentuka ngena chara meratika ulah nembiak(behaviour), nitihka konteks maya sereta nyukat peninggi enggau pengelandik nguasa sesebengkah penemu (prestasi pelajar). Lebuh ti meri latih tauka tanya, pengajar patut ngepunka tanya sida enggau jaku pengawa. Dirintaika ditu ba limpir, leka jaku ti tau dikena kitai lebuh ngepunka jaku tanya tauka lebuh ti meri pengawa latih ngagai nembiak.
Pengajar mega ulih meransang nembiak ke pandai ngena latih ti sistematik baka ngajar sida chara nanya ti betul. Knowledge is produced in response to questions. And new knowledge results from the asking of new questions; quite often new questions about old questions (PPK:89).
Tiga pekara ti suah bendar ditanya iya pekara ti bekaul enggau penemu(pengetahuan), pengelandik(kemahiran) enggau nilai (adab). Ambika banding, dalam bidang penemu utai ti patut ditanya nya bekaul enggau facts, theory, terminology enggau struktur jalai jaku. Ba bidang pengelandik, pekara ti tanya nya nyengkaum pengelandik bejaku ba mua mayuh, nulis mayuh macham bansa karang, ngena jalai jaku ti betul, nelusur leka main enggau ti bukai.
Pekara ti diuji mega patut ngundan ketiga-tiga tikas penggemar iya nya ngena prinsip 5:3:2. Ambika chunto, enti sema bisi sepuluh iti tanya, lima iti ti keterubah nya tanya ti mudah, lalu tiga iti tanya ti jelan penggemar sereta iya ti kepenudi nya dua iti tanya ti pengabis mar. Nitihka prinsip tu, nembiak ke lubah semina ulih nyaut tikas 1 lalu nembiak ke jelan ulih nyaut tikas 2. Tikas 3 semina ulih disaut nembiak ke pandai.
Knowledge/penemu
(Nguji pengingat)
-->
Rintaika …
Gaga lis …
Sebut/Padahka …
Tipakka …
Terangka reti …
-->
Comprehension
(Nguji pemereti)Beri simpul penemu nuan …
Kenataika baru …
Gaga ripot …
Peratika baru …
Sebut ngena jaku diri empu …
- Beri chunto…
-->
Application
(Ngena penerang ti udah dipelajar)
-->
Gaga/Tengkebang …
Tusun … nitih atur/kelas
Gaga ripot pasal …
Tentuka …
Gumpul …
Padahka chara mutarka penanggul …
Lukis …
Ngepunka randau
Meri kebuah…
Nerangka tukuh watak
-->
Analysis
(Nyerenih, milih, muntis)
Nama bida …
Pilih … nitih kategori
Kira penyampau …
Gaga siti eksperimen …
- Banding sereta bida …
Bagi …
Nembuka cherita
Nusun ayat
Mida ayat
-->
Synthesis
(Ngena penemu & pengelandik dikena ngasilka pekara baru)
-->
Beri simpul penemu nuan pasal …
Atur siti …
Gaga siti perambu …
Tengkebang …
Tulis …
Nama tuduh penemu/cadangan nuan…
- Gaga siti formula …
-->
Evaluation (Nguji Pengulih)
-->
Beri timbang penemu nuan …
Selitka …
Pilih …
Beri pemutus runding nuan …
Chara mantaika penemu ti nyukung …
Bakani chara meri puji pasal pemanah …
Kira penyampau …
Terima kasih ke pemanah nuan ngaga blog tu. Keterubah aku meda blog tu aku berasai tekait laban meda isi ke ditulis ditu beguna bendar ba aku kelebih agi kena aku malin nembiak ke benung belajar ba sekula form 5. Naka ke udah tu aku nadai kala tebacha ke blog ke engkeman baka tu kena kitai ke benung ngambuh runding nembiak ba sekula ba pemandai lebih agi jaku Iban. Pelaba aku nuan meh ke terubah iya nulis artikel ke chukup engkeman dikena kami raban pengajar Iban. Terima kasih.
BalasPadamNiat deka bekunsi penemu enggau bala kaban pengajar. Terima kasih unggal ketegal komen nuan nya.
BalasPadam