Tu
berita ke ngalitka ati sereta tau bendar nyadika teladan kitai laban iya bisi
kaul enggau jalai pengarap. Berita tu diambi sereta dibali ari surat berita
AFP.
Pengarap
ngajar kitai manah enggau pangan diri enda ngira bansa enggau chura kulit.
Pekara tu nyadi di Washington. Sepasang pengantin ari Mississippi tekenyit ati
lebuh siku pastor madahka pengawa nikah ti udah diaturka seduai kena 20 haribulan
July enda ulih dipejalaika laban seduai bebansa kulit chelum pia ku ripot
televisyen ABC.
Pastor
Stan Weatherford ke mega orang putih madah ngagai rangkaian televisyen nya bisi
raban orang putih ke nyakal pengawa nikah Charles enggau Te’Andrea Wilson ke
orang bebansa kulit chelum dipejalaika ba gerija nya. Sida madahka sida sanggup
nimbak seduai iya enti pengawa nya dipejalaika ba gerija nya.
Weatherford
madahka kenyau ari gerija First Baptist nya dibuka dalam taun1883 ba Crystal
Springs, Mississippi nadai bisi pengawa
nikahka orang kulit chelum udah diatur dia. Sida bisi ngasuh Wilson nikah ba
gerija ke enda jauh ari nya iya nya gerija ke semua orang kulit chelum.
‘Anak
aku ke beumur semilan taun sama enggau kami ke gerija. Kati nuan madah ngagai
iya kitai enda ulih nikah ditu laban kitai orang kulit chelum,’ pia ku Charles
Wilson madah ke kaban ABC TV iya nya WAPT-TV.
Berita
jai nya mejal seduai mindahka pengawa nikah seduai ngagai gerija bukai. Orang
ba genturung pendiau dia ngenataika tekenyit ati sida meda pengawa pastor nya.
‘Nama
gaga enti nya Jesus? Dipelabaka tentu iya nadai berunding panjai lalu nikahka
seduai nya dia laban nya mih pengawa ke betul dikereja. Kitai dikumbai anak
Tuhan,’ pia ku Theresa Norwood, siku bala ari genturung pendiau dia.
Tiada ulasan:
Catat Ulasan