Penusah ke munuh nyawa dua iku lelaki ke
ngaga lubang laban deka ngiga emas ti dipelabaka ditanam ba baruh bukit
ngerimbai Mengkalab nyadi siti kenang ke ulih nyadika batang ajar lalu anang
sesekali pechaya ngagai manang. Berindik ari penusah nya bala kaban belayan
mansa ke udah mati nya berengkah ngiga siku lelaki ke didawa nyadi manang. Manang
nya madahka reti mimipi siku ari mansa ke nyebut bisi mayuh emas ditanam ba
baruh bukit nya.
Udah nya tiga iku agi kaban mansa ke
selamat udah pulai ngagai sida sebilik pengudah jaku sida direkod polis awakka
mantu pansik. Berebak enggau nya, Kepala Polis Daerah Lawas, DSP Fauzilan Abdul
Aziz udah ngasuh lubang ke ditumbak lima iku lelaki nya dilamun baru dikena
nyeliahka pekara ke enda disadang
.
"Berebak enggau nya, raban Polis
agi terus mansik lalu kami minta sebarang cherita bekaul enggau penusah nya diketu, kelebih agi
ngagai orang ke rindu nguna laman sosial nyadung berita ti selebebu ngapa,"
ku iya lebuh bejaku enggau pengarang Utusan Sarawak. Raban media ke nguji deka
bulih penerang enggau komen ari orang ke sebilik engga mansa enda ulih laban
sida agi tusah ati ke pemarai siku tuai bilik ke ngembuan juluk ke besai deka
ngubah nasib ruang bilik diri.
Nangkan ke nya, injinir JKR Pelilih
Lawas, Norman Jan madahka agi mayuh gas berachun dalam lubang nya kelimpah ti
nadai jalai angin ke manah. Iya mega setuju ngambika lubang penalam 50 kaki
enggau beberapa puluh kaki ke bukai ke digaga melintang diasuh ditutup dikena
nyaga pengelikun.
Bekaul enggau jerita manang ari menua
Indonesia ke benung digiga nya, naka ke diatu pendiau manang nya agi bedau
dikelala lalu dipelabaka udah ngelarika diri. Lima iku lelaki nya dipadahka
berengkah numbak lubang nya kena bulan Disember taun siti ke udah lalu suah
betanya ngagai manang ke endang dikarapka sida. –Dibali ari US
Tiada ulasan:
Catat Ulasan