Bedau lama ti udah aku bisi ngenataika buah kenang senentang PBS. Dalam artikel
nya aku meri penemu ngasuh semua ke bisi kaul enggau sistem tu meri peluang
enggau awak ngagai sistem tu ngambika mujur dipejalaika taja pan iya nerima
mayuh sakal enggau serebana ari raban pengajar.
Tang enda mukai-mukai enda datai seminggu udah aku mantaika pekara tu ba
blog aku dia perintah nengah Menteri Pelajar lalu ngeluarka jaku madahka sistem
tisih tu deka diperatika sereta dipansik baru. Penemu enggau pemutus nya dipeda
agi kalik-kalik sereta enda entap mandangka pengering perintah kemaya hari tu
ti nyau jauh udah lemi bendar. Enggau jaku nya mega bala pemesai ba opis
pelajar ngasaika balat bendar pemedis laban ninting kali deka nerangka pekara
senentang pekara tu dia bisi aja pekara baru tauka pekara ti ditangguh terang
ngagai raban pengajar.
Kebuah pia
laban raban pengajar balat bendar serebanaka hal tu. Sebedau tu raban pengajar
madahka penusah diri ngemasukka informasyen ke dalam pangkalan data nya alai
Opis Pelajar ngelanjarka pejalai aspek tu ngagai 1 April, tang proses PBS tetap
dipajakka. Opis Menteri Pelajar deka betatika perkara tu lalu ngaturka aum udah
tu. Enti dirundingka patut sereta engkeman, dia sida deka nangguhka sekejap sistem tu nyentuk ke iya ulih
dikemanahka agi sereta ulih bejalai enggau nadai penanggul.
Kenyau ari PBS tu udah dipejalaika, dia opis menteri udah nerima mayuh macham tuduh penemu ari bala pengajar ke minta perintah meratika enggau silik chara tu.
PBS dipejalaika bepelasarka empat komponen iya nya Tisih Pusat tauka Pentaksiran Pusat (PP), Tisih Sekula tauka Pentaksiran Sekolah (PS), Pentaksiran Aktiviti Jasmani, Sukan dan Kokurikulum (PAJSK) sereta Tisih Psikometrik tauka Pentaksiran Psikometrik (PPsi).
Muhyiddin madahka pengawa ti betemu enggau raban pengajar ba SMK Presint 8 (1) ngambika iya empu nemu enggau silik agi penemu bala pengajar kelimpah ari penanggul ti ditapi sida ari sukut bejalaika PBS nya sereta empas ari sistem nya ngagai pengajar sereta sukung ari bala apai indai ngagai PBS.
Simpul penemu ari menteri nya madahka enti PBS deka dipejalaika dia kitai mesti nentuka semua utai ti deka diguna nya, baik nya ari sukut sistem infrastruktur, latih enggau pekara bukai amat udah diperetika lalu ulih dikena enggau nadai penimpang.
Nya mih kebuah menteri tu mutuska nangguh sementara aspek ngemasukka informasyen bekaul enggau pelajar laban sistem pelayan (server), kelimpah ari arus penyambung enggau perengka guna kereban ngerekodka prestasi sereta pengulih nembiak enda ulih dipejalaika enggau manah.
Kenyau ari PBS tu udah dipejalaika, dia opis menteri udah nerima mayuh macham tuduh penemu ari bala pengajar ke minta perintah meratika enggau silik chara tu.
PBS dipejalaika bepelasarka empat komponen iya nya Tisih Pusat tauka Pentaksiran Pusat (PP), Tisih Sekula tauka Pentaksiran Sekolah (PS), Pentaksiran Aktiviti Jasmani, Sukan dan Kokurikulum (PAJSK) sereta Tisih Psikometrik tauka Pentaksiran Psikometrik (PPsi).
Muhyiddin madahka pengawa ti betemu enggau raban pengajar ba SMK Presint 8 (1) ngambika iya empu nemu enggau silik agi penemu bala pengajar kelimpah ari penanggul ti ditapi sida ari sukut bejalaika PBS nya sereta empas ari sistem nya ngagai pengajar sereta sukung ari bala apai indai ngagai PBS.
Simpul penemu ari menteri nya madahka enti PBS deka dipejalaika dia kitai mesti nentuka semua utai ti deka diguna nya, baik nya ari sukut sistem infrastruktur, latih enggau pekara bukai amat udah diperetika lalu ulih dikena enggau nadai penimpang.
Nya mih kebuah menteri tu mutuska nangguh sementara aspek ngemasukka informasyen bekaul enggau pelajar laban sistem pelayan (server), kelimpah ari arus penyambung enggau perengka guna kereban ngerekodka prestasi sereta pengulih nembiak enda ulih dipejalaika enggau manah.
Tiada ulasan:
Catat Ulasan