Ngaku aja enti nuan kala ‘selfie’
tauka endang munyi ku jaku orang kemaya hari tu kaki ‘selfie’ laban enda ibuh
disebut pan, ari gambar aja udah ulih kitai nemu. Tang taja pia agi mayuh
nembiak kelebih agi sida ke lelaki ti malu ngaku diri rinduka ‘selfie’ taja pan
nya hobi sida iya. Kenang pengarang sekali tu ngalih perspektif meratika reti
leka jaku ‘selfie’ ari sukut bukai ti tau dikumbai kitai fenomena baru ti nyadi
ba dunya kemaya hari tu.
Nama reti ‘Selfie’? ‘Selfie’
nya mai reti pengawa ke beambika gambar
diri empu ngena telefon tauka webcam
lalu dimuat niki ngagai media sosial. Enda temu maya iya berengkah nyadi tang
pengawa tu balat bendar nyadi dalam taun 2013 ngujungka leka jaku tu balat
bendar dikena sereta diangkat nyadi leka jaku ti pengabis popular. Indah ba
iklan radio Iban pan bisi ngeluarka pekara senentang ‘selfie’.
Ngelama tu leka jaku tu
mayuh agi dikaitka enggau Instagram iya nya lebih 80% pengempu akaun laman
sosial tu ngena chara ‘selfie’ dikena madahka pendiau diri tauka mantaika
gambar iya ngagai bala tawing iya.
Belalauka fakta, perangai ‘selfie’ ke berengkah popular taun 2013 tu ke bendar udah lama aktif kenyau ari maya MySpace kira-kira semilan taun ke udah lalu tang maya nya chara tu kurang dikena tauka enda tentu drastik. Engka maya nya laman sosial enda mesai kemaya hari tu laban orang ke ngena Internet agi bedau mayuh ba serata dunya lalu bedau tentu bisi dikerembaika baka kemaya hari tu.
Belalauka fakta, perangai ‘selfie’ ke berengkah popular taun 2013 tu ke bendar udah lama aktif kenyau ari maya MySpace kira-kira semilan taun ke udah lalu tang maya nya chara tu kurang dikena tauka enda tentu drastik. Engka maya nya laman sosial enda mesai kemaya hari tu laban orang ke ngena Internet agi bedau mayuh ba serata dunya lalu bedau tentu bisi dikerembaika baka kemaya hari tu.
Taja pia, nitihka statistik
enggau pansik ti dipejalaika laman web antarabansa di Amerika Syarikat bedau
lama ke udah madahka nyau deka 95% anak nembiak udah ngembuan sekurang-kurang iya
dua akaun laman sosial baik nya Instagram, Facebook tauka Twitter.
Urung taun 2006, MySpace nya mih laman sosial ti pengabis besai di dunya dikena bala iban mandangka gambar. Tang dalam taun 2009, Facebook berengkah nganti chara bala iban kelebih agi bala nembiak redak sereta nembiak sekula ngengkahka gambar profil ti bekualiti agi.
Dalam taun 2010, kompeni perisian ti pengabis besai ba dunya iya nya Apple mantaika telefon ti sofistikated iya nya, iPhone 4 iya nya teknologi ti pengabis mansang. Maya nya bisi kamera ba mua ke ulih ngemudahka pengguna ngambi sereta ngatur gambar kediri empu.
Setaun udah nya, laman sosial Instagram mega berengkah mantaika konsep baru iya nya ngengkahka ‘hashtag’ sereta mayuh agi ‘filter’ dikena pengguna ngeditka gambar.
Nya mih pun berengkah leka jaku ‘selfie’ majak dikerembai sebedau iya meletup nyadi sebengkah fenomena baru sepemanjai taun 2013. Kati tua enda dih? Sapa-sapa ulih ngambi ‘selfie’ enda milih sida nya raban politik tauka selebriti.
Semua iya ngambi gambar diri empu lalu udah nya ngubah gambar nya nyadi manah agi. Presiden Amerika Syarikat pan ngambi ‘selfie’ lalu nyau deka kesemua selebriti ba dunya mega baka nya.
Enjin pengiga Google mandangka orang ke bekenaka selfie berengkah ujung taun 2012. Bepun ari bulan January 2013, penyempau leka jaku selfie aja nya 34,924,648 lalu #selfies nya 3,692,570 sereta ditangkan enggau #selfiesunday iya nya 2,025,077.
Dalam taun 2013, leka jaku ‘selfie’ nengah chara rasmi dipasuk ke dalam Kamus English Oxford lalu ditaburka ngagai mensia mayuh nyadi ‘word of the year’!
Kada enda, agi bisi fenomena baru ke bukai nyadi dalam taun tu? Nitihka perati, ‘selfie’ agi mengkang relevan tang taja pia tentu bisi leka jaku bukai ke nyangka tau nyadi fenomena ke taun 2014.
Pesan lansa ari pengarang; enti deka mandangka diri nengah konsep ‘selfie’ nya enda salah asal iya enda ngelabuhka imej enggau reputasyen diri empu ngena gaya ti enda betul. Nya alai ba penemu aku enti deka ‘be-selfie’ biar mih betul! Ukai nama, irauka orang ukai enda rindu tang ngasuh orang begedi meda kitai wai.
Urung taun 2006, MySpace nya mih laman sosial ti pengabis besai di dunya dikena bala iban mandangka gambar. Tang dalam taun 2009, Facebook berengkah nganti chara bala iban kelebih agi bala nembiak redak sereta nembiak sekula ngengkahka gambar profil ti bekualiti agi.
Dalam taun 2010, kompeni perisian ti pengabis besai ba dunya iya nya Apple mantaika telefon ti sofistikated iya nya, iPhone 4 iya nya teknologi ti pengabis mansang. Maya nya bisi kamera ba mua ke ulih ngemudahka pengguna ngambi sereta ngatur gambar kediri empu.
Setaun udah nya, laman sosial Instagram mega berengkah mantaika konsep baru iya nya ngengkahka ‘hashtag’ sereta mayuh agi ‘filter’ dikena pengguna ngeditka gambar.
Nya mih pun berengkah leka jaku ‘selfie’ majak dikerembai sebedau iya meletup nyadi sebengkah fenomena baru sepemanjai taun 2013. Kati tua enda dih? Sapa-sapa ulih ngambi ‘selfie’ enda milih sida nya raban politik tauka selebriti.
Semua iya ngambi gambar diri empu lalu udah nya ngubah gambar nya nyadi manah agi. Presiden Amerika Syarikat pan ngambi ‘selfie’ lalu nyau deka kesemua selebriti ba dunya mega baka nya.
Enjin pengiga Google mandangka orang ke bekenaka selfie berengkah ujung taun 2012. Bepun ari bulan January 2013, penyempau leka jaku selfie aja nya 34,924,648 lalu #selfies nya 3,692,570 sereta ditangkan enggau #selfiesunday iya nya 2,025,077.
Dalam taun 2013, leka jaku ‘selfie’ nengah chara rasmi dipasuk ke dalam Kamus English Oxford lalu ditaburka ngagai mensia mayuh nyadi ‘word of the year’!
Kada enda, agi bisi fenomena baru ke bukai nyadi dalam taun tu? Nitihka perati, ‘selfie’ agi mengkang relevan tang taja pia tentu bisi leka jaku bukai ke nyangka tau nyadi fenomena ke taun 2014.
Pesan lansa ari pengarang; enti deka mandangka diri nengah konsep ‘selfie’ nya enda salah asal iya enda ngelabuhka imej enggau reputasyen diri empu ngena gaya ti enda betul. Nya alai ba penemu aku enti deka ‘be-selfie’ biar mih betul! Ukai nama, irauka orang ukai enda rindu tang ngasuh orang begedi meda kitai wai.
Tiada ulasan:
Catat Ulasan