Indonesia benung ngubah sistem pelajar enggau bantu ari Finland.
Perintah Indonesia madahka
diri deka mai ubah ngagai sistem pelajar bepelasarka ari menua Finland, iya nya
menua ti tebilang ba sistem ngajar enggau belajar.
Taja pan mayuh bida entara
sistem pelajar ari kedua buah menua tu tang secretary-general Menteri Pelajar
enggau Budaya Indonesa madahka sida
ngadang deka bekereja sama mantu mai ubah ba sistem dosmetik nya.
Sida ngadangka tikas baru
ba bidang pelajar. Taja pia sida endang ngaku bisi bida ba sukut sosial. Reti nya
sistem pelajar ti manah ba sesebengkah menua ukai reti iya manah ba menua
bukai. Nya alai, sida bisi ngambi kira mayuh faktor, pia kua menteri nya lebuh
ti bejaku ba Simposium “Finnish-Indonesian Symposium” besuluka tema senentang “Education
and The Role of Teachers” di Jakarta.
Ainun, Menteri Pelajar
enggau Budaya Indonesia madahka kerejasama nya deka nyengkaum besilih penemu
nengah forum enggau seminar,kelimpah ari program pengawa latih ngagai pengajar Indonesia,
akademic enggau nembiak sekula di Finland sepengudah penemuai Menteri Pelajar Finland
Krista Kiuru ke Indonesia.
Lebuh ba simposium nya,
pengajar Finland Pasi Sahlberg madahka sistem pelajar Finland mantaika fokus ti
sistematik ba atur ti setimbang tauka equity.
Setimbang nya mai reti
sistem nya ditukuh befokus ba nembiak ti datai ari penatai pemisi ti enda
nyukung pengawa belajar. Atur ti setimbang mega mai reti sistem pelajar ke
nganti pekara ti kurang. Sekula ke ngembuan mayuh nembiak ke datai ari apai
indai ti kurang penatai pemisi patut nerima mayuh agi sukung ari mata duit ari
sekula bukai.
Finland nadai ngakunka
pengawa peresa ti standard betikas nasional. Peresa ti standard semina
dipejalaika lebuh nembiak beumur 18 taun ke atas.
Lebuh ti bejaku ba
simposium nya, Eero Ropo, professor ba bidang pelajar di Universiti Tampere,
Finland madahka pengawa ti ngenadaika peresa tikas nasional udah ngangkatka
prestasi pengawa pengajar.
“Laban ti nadai peresa
tikas nasional, dia raban pengajar balat agi rasning gawa sereta ngajar bala
nembiak sida. Ukai befokus ba skor peresa aja,” pia ku Ropo.
“Pengawa ba pengajar ukai
semina bekaul enggau peresa tauka skor. Sida dia laban nembiak sida,” pia ku
iya nampungka randau.
Direkctor-general ke sekula
sekondari ba Opis Menteri Pelajar enggau Budaya, Hamid Muhammad madahka opis
menteri nya nguji ngemanahka sistem pelajar nengah chara nisih pengulih raban
pengajar sereta negmansangka kurikulum baru.
“Kurikulum ti baru nya kena
nimbalka pemutus peresa ti baruh ba PISA (Programme for International Student
Assessment),” pia ku Hamid. — The
Jakarta Post/Asia News Network
Tiada ulasan:
Catat Ulasan