Dipelabaka
enti ditanya ngagai sapa-sapa ke bisi akaun facebook tentu nemu sapa orang ke
benama Mark Zuckerberg. Iya tu mih orang ke bempu sereta CEO Facebook. Nitihka berita
AFP ti nampung berita tu ari sebuah majalah madahka Mark Zuckerberg tu mih
orang ke pengabis mentas dalam taun 2013 di Amerika laban iya udah meri duit
US$ 1 billion tauka RM 3.3 billion ngagai gerempung pengasih.
Majalah
The Chronicle of Philanthropy ti nyidi pasal pemeri ngagai gerempung pengasih
di US madahka Zuckerberg enggau bini iya Priscilla Chan udah meri 18 million
syer stock Facebook ti bemata duit kira-kira US$992 million (RM3.3 billion)
ngagai Silicon Valley Community Foundation.
Dua
taun ti udah, Zuckerberg enggau bini iya ke gawa nyadi doktor udah meri 36
million syer seduai iya ti dikira ari
sukut mata duit nya kira-kira US$1.5 billion tauka RM5 billion. Zuckerberg ke
beumur 30 taun taun tu nyadi orang ke pengabis biak kala dirintaika dalam lis
pemeri ba majalah pengasih.
Nilai
reta tengkira iya ti dipadahka majalah
Forbes nya kira-kira US$19 billion tauka RM63 billion. Tu ngengkahka iya ba
penuduk ke 20 orang ke pengabis kaya di Amerika. Penyampau nya diperatika udah
niki laban diangkatka ari nila syer Facebook ti dikiraka udah datai US$30
billion. Taun nyin kemari, pengempu Facebook enggau bini iya dirintaika ba
penuduk lumur dua dalam rintai orang ke meri ngagai gerempung pengasih.
Tiada ulasan:
Catat Ulasan