Amai tauka enda tanggung pengawa surat
berita ke nyadi kereban penyadung berita enggau penerang udah kurang lalu pemacha
kemaya hari tu milih media baru ti mudah agi, jampat sereta tebuka? Saut ngagai
tanya nya tentu iya enda enti sema orang ke ngempu kompeni surat berita nya
nemu nama utai ke patut dikerejaka sida.
Industri surat berita kemaya hari tu
napi mayuh penguji ukai semina baru tang kenyau ari dulu suba. Lebuh radio baru
datai bisi mih orang besebut madahka parai nyenggai lemai mih tudah surat berita
mati nyenggai hari laban radio dikumbai ulih jampat agi mai berita baru
ngagai raban peninga iya.
Baka nya mega lebuh televisyen
berengkah diterima tama sereta diengkah ba lawang rumah orang ke kaya munya
maya taun 1963. Maya tu bisi nya nganggapka surat berita nya udah datai ba
pengujung hari. Diatu kitai ulih meda bepuluh-puluh stesyen televisyen dalam
menua kitai empu lalu mayuh agi ari menua luar.
Ukai semina nya aja, mensia mayuh mega
dipansal meda filem, video ari ke betukuh VHS nyentukka bansa DVD, nyengkaum blue-ray
enggau 3D sereta mayuh macham bansa kereban main video ti tau ngasuh kitai
balat teperindang kelimpah ari ti ulih narit ati bala nembiak redak.
Udah nya, datai mega Internet sereta mayuh agi media baru
bukai ti chukup mansang. Bisi nya nyendiaka mayuh macham peranti moden ke ulih
nyendiaka mayuh macham servis ti ulih digunaka kitai barang maya ba sebarang
endur nitihka pengeka kitai.
Taja pan baka nya, surat berita agi ulih ngetanka diri, agi idup sereta agi ngelaban, ukai baka seput manuk. Nyentuk ngagai sehari tu kitai nadai udah ninga kompeni surat berita ke bebesai ba menua kitai dipejal ‘ngiling tikai’ ketegal besemekih enggau radio, televisyen, Internet sereta mayuh agi media baru ke bukai. Ukai semina nadai tang bisi agi sekeda surat berita ke baru tumbuh.
Anggap orang ke nyebut radio enggau televisyen ulih ngeruga surat berita bedau bisi bukti ti nyata, tang ba komuniti kitai, kedua-dua media nya balat agi nyadika kereban perindang, muti sekeda stesyen radio enggau televisyen ti semina mantaika berita enggau isu kemaya hari.
Kitai enda ulih nyakal pemacha kemaya hari tu. Sida mayuh agi alai milih lalu sera ati sida mega bebida. Enti dulu suba pengarang surat berita nganggap sida naka iya bekuasa lalu ulih nentuka nama utai ti patut dikeluarka lalu dibacha mensia mayuh, tang diatu enda baka nya. Dunya udah berubah, surat berita mega patut nemu riak orang.
Surat berita kemaya hari tu patut nitihka pengeka sereta sera ati pemacha. Enti sida berunding sida aja ke pandai lalu pemacha patut nerima nama utai ti dibantaika sida nyangka udah chukup maya alai sida besedia ngiga peluang dagang ti bukai.
Sigi amai enti diperatika ari sukut penyampau surat berita ti disadungka sereta dijual bisi mandangka pengusut taja pan sekeda surat berita ti tebilang agi ulih ngetanka momentum sida. Tu ukai fenomena ti semina nyadi ba menua kitai aja, tang mega nyadi ba serata dunya.
Ngelama tu raban pengeluar surat berita endang bekebung baka sambung buntut jala tang kemaya hari tu penyampau raban pemacha mega pukul rata endang bisi kusut, taja pia agi bisi surat berita ti agi ulih ngetanka diri. Utai ti patut diperatika nya pengeluar surat berita seruran gawa bebendar indah enda baka sempama jaku tuai, patah sayap betungkat patung, dikena nentuka surat berita ti dikeluarka sida nya agi engkeman sereta relevan lalu ulih narit ati mensia mayuh bebelika sereta macha surat berita sida nya.
Pengeluar surat berita enda ulih bepanggai ba surat berita ti dichelak laban kos iya majak tinggi. Sida patut berundingka mayuh bengkah platform ripih isi pekara ti deka dibantaika sida. Kemaya hari tu nyau deka serampur surat berita bisi ngembuan surat berita digital kediri empu.
Isi berita tau dikira raja tang ukai petara. Pemacha agi auska berita, penerang enggau keraban bacha ti dikerinduka sida, tang sida enggai dipejal macha pekara ti enda dikerinduka sida. Sida tau bulih berita enggau penerang ari mayuh bengkah media ke bukai.
Pekara tu ulih diperatika ari ripot senentang tragedi pengelenyau bilun MH370. Penyampau surat berita dijual maya pekara tu nyadi bisi nambah ari selama. Tu nandaka surat berita nya agi dipilih ketegal kredibiliti taja pan mayuh macham penerang ulih diambi ari laman web.
Iya ti amai nya, rayat Malaysia endang kurang macha. Perati aja ba palan alai nganti, baik nya ba bank tauka opis perintah, baka nya mega ba dalam kereban pengangkut rama. Ni penyampau orang ke dipeda kitai nya macha? Nya alai kitai patut nambahka agi kimpin macha sebedau kelalu laun, anang nganti udah tepantup baru nengkadah.
Taja pan baka nya, surat berita agi ulih ngetanka diri, agi idup sereta agi ngelaban, ukai baka seput manuk. Nyentuk ngagai sehari tu kitai nadai udah ninga kompeni surat berita ke bebesai ba menua kitai dipejal ‘ngiling tikai’ ketegal besemekih enggau radio, televisyen, Internet sereta mayuh agi media baru ke bukai. Ukai semina nadai tang bisi agi sekeda surat berita ke baru tumbuh.
Anggap orang ke nyebut radio enggau televisyen ulih ngeruga surat berita bedau bisi bukti ti nyata, tang ba komuniti kitai, kedua-dua media nya balat agi nyadika kereban perindang, muti sekeda stesyen radio enggau televisyen ti semina mantaika berita enggau isu kemaya hari.
Kitai enda ulih nyakal pemacha kemaya hari tu. Sida mayuh agi alai milih lalu sera ati sida mega bebida. Enti dulu suba pengarang surat berita nganggap sida naka iya bekuasa lalu ulih nentuka nama utai ti patut dikeluarka lalu dibacha mensia mayuh, tang diatu enda baka nya. Dunya udah berubah, surat berita mega patut nemu riak orang.
Surat berita kemaya hari tu patut nitihka pengeka sereta sera ati pemacha. Enti sida berunding sida aja ke pandai lalu pemacha patut nerima nama utai ti dibantaika sida nyangka udah chukup maya alai sida besedia ngiga peluang dagang ti bukai.
Sigi amai enti diperatika ari sukut penyampau surat berita ti disadungka sereta dijual bisi mandangka pengusut taja pan sekeda surat berita ti tebilang agi ulih ngetanka momentum sida. Tu ukai fenomena ti semina nyadi ba menua kitai aja, tang mega nyadi ba serata dunya.
Ngelama tu raban pengeluar surat berita endang bekebung baka sambung buntut jala tang kemaya hari tu penyampau raban pemacha mega pukul rata endang bisi kusut, taja pia agi bisi surat berita ti agi ulih ngetanka diri. Utai ti patut diperatika nya pengeluar surat berita seruran gawa bebendar indah enda baka sempama jaku tuai, patah sayap betungkat patung, dikena nentuka surat berita ti dikeluarka sida nya agi engkeman sereta relevan lalu ulih narit ati mensia mayuh bebelika sereta macha surat berita sida nya.
Pengeluar surat berita enda ulih bepanggai ba surat berita ti dichelak laban kos iya majak tinggi. Sida patut berundingka mayuh bengkah platform ripih isi pekara ti deka dibantaika sida. Kemaya hari tu nyau deka serampur surat berita bisi ngembuan surat berita digital kediri empu.
Isi berita tau dikira raja tang ukai petara. Pemacha agi auska berita, penerang enggau keraban bacha ti dikerinduka sida, tang sida enggai dipejal macha pekara ti enda dikerinduka sida. Sida tau bulih berita enggau penerang ari mayuh bengkah media ke bukai.
Pekara tu ulih diperatika ari ripot senentang tragedi pengelenyau bilun MH370. Penyampau surat berita dijual maya pekara tu nyadi bisi nambah ari selama. Tu nandaka surat berita nya agi dipilih ketegal kredibiliti taja pan mayuh macham penerang ulih diambi ari laman web.
Iya ti amai nya, rayat Malaysia endang kurang macha. Perati aja ba palan alai nganti, baik nya ba bank tauka opis perintah, baka nya mega ba dalam kereban pengangkut rama. Ni penyampau orang ke dipeda kitai nya macha? Nya alai kitai patut nambahka agi kimpin macha sebedau kelalu laun, anang nganti udah tepantup baru nengkadah.
Tiada ulasan:
Catat Ulasan