Dalam jaku Melayu mayuh orang
besetuju “tuan” semina diungkupka guna orang lelaki lalu “puan” ke orang indu.
Bah kati enggau rambai jaku “tuan puteri”? Nama “tuan puteri” nya mega madah iya nya
raban lelaki? Udah tentu saut iya ukai.
Sigi amat “tuan” digunaka ungkup raban lelaki tang iya mega bisi lebas. Bisi maya iya enda pia. Guna leka jaku “tuan” ti keterubah nya dikena masa tauka meri basa ngagai orang lelaki, ambika banding:
(i) “Enggau penuh basa aku ngangkat Tuan Jimbun meri jaku seleka dua ngagai kitai ke bisi datai ditu ,” pia ku padah pengatur pengawa.
(ii) “Aram tama, tuan,” ku penyambut temuai enggau penuh adat basa.
Leka jaku “tuan” mega diguna kena ngangau orang lelaki ke bisi pangkat lalu patut diberi basa.
Chunto:
(i) Tuan Imam Masjid Semesta iya nya Ustaz Abdul Rahim.
(ii) Tuan Pengetua dikerindu semua nembiak laban pementas iya.
“Tuan” mega diguna kena ngelar orang lelaki bansa Eropah. Hal baka tu nyadi laban orang Melayu tauka orang Iban nya bansa ti bebasa amat ke bansa bukai kelebih agi bansa Eropah. Chunto:
(i) Tuan Timothy enggau Tuan Daniel benung mansik utai tumbuh ba tuchung Bukit Rabong.
(ii) Tuan enggau mem iya benung bejoging ba taman nya.
Taja pia, leka jaku “tuan” ukai semina dikena ngelar raban lelaki aja. “Tuan” ulih mega diguna ba raban orang indu.
Antara guna leka jaku “tuan” ti ukai semina dikena ba raban lelaki aja nya dikena lebuh nyebut orang ke alai iya bepanggai. Orang ke alai iya bepanggai enda ngira iya nya lelaki sekalika indu sama bela tau ngena leka jaku tuan. Ambika banding:
(i) Tuan Puteri Mandu Ratna Dewi benung mandi ba pegung nya.
(ii) Aku takut amai ngagai tuan aku.
“Tuan” mega diguna dikena mandangka orang nya ngembuan sesebengkah utai tauka ngempu sesbengkah utai. Ambika banding:
(i) Tuan rumah suwa nya udah ngasuh Mujab pansut ari rumah iya.
(ii) Kita patut minta pemendar ari tuan tanah dulu sebedau kita nanam sawit dia.
“Tuan” mega diguna nyadika jaku ganti nama diri kedua iya nya jaku ganti nama diri ti alus dikena ungkup orang lelaki tauka indu ke enggau betimbal jaku. Pekara tu nyadi baka nya laban jaku ganti nama diri “tuan” nya siti aspek jaku basa ti dikemeranka orang lebuh bejaku dalam jaku Melayu. Ambika banding:
(i) “Mengapakah tuan masih belum mengerti hasrat hati hamba?” tanya Andika kepada Ratna.
(ii) “Hamba begitu cemburu melihat tuan beriringan dengan lelaki lain,” rintih Perwira kepada Kencana.
Dalam surat rasmi mega kitai ulih nguna jaku kangau “tuan” dikena kitai nyebut orang ke nerima surat. Reti nya, kitai enda ibuh mansik sapa penerima surat nya sekalika iya lelaki tauka indu. Kitai mega enda ibuh ngena leka jaku kangau “puan” enti penerima surat sigi indu laban leka jaku “tuan” udah nyengkaum lelaki enggau indu.
Ba menua Kelantan enggau Terengganu, “Tuan”nya siti nama ti bisi kaul enggau asal peturun. Orang peturun “Tuan” nya sida ke datai ari raban ke bisi darah raja. Ketegal nya mih sida baik nya lelaki tauka indu tau ngena jaku kangau “Tuan” enti sida datai ari sesebengkah peturun ti bisi bekaban enggau bala sida raja.
Chunto:
(i) Guru Bahasa Inggeris nya madahka nama niang aki iya suba nya Tuan Mat bin Tuan Aziz.
(ii) Bini Rahmat benama Tuan Norliza.
Mayuh pekara ti besilup senentang jaku Melayu ke patut dipansikka kitai. Ngelama tu guna leka jaku “tuan” ambika banding, dikumbai nyadika jaku ganti nama diri ketiga dikena ngangau raban lelaki aja. Tang iya ti bendar nya guna iya besai agi rampa sereta luas agi peda.
Nya alai ketegal nya, aram mih kitai sama-sama betungkapka mayuh macham penemu senentang jaku Melayu ke sedandang tu. Enti ukai kitai bansa Malaysia, sapa agi ke tau ngangkatka jaku Melayu. Amat mih nya ukai jaku Iban tang iya udah diterima nyadi jaku Nasional.
Ingat mih ke sulu jaku “Dikelala buah ari langgu, dikelala bansa ari jaku” tau diganti enggau sulu jaku munyi tu "Dikelala buah ari langgu, dikelala bansa Malaysia ari jaku".
Sigi amat “tuan” digunaka ungkup raban lelaki tang iya mega bisi lebas. Bisi maya iya enda pia. Guna leka jaku “tuan” ti keterubah nya dikena masa tauka meri basa ngagai orang lelaki, ambika banding:
(i) “Enggau penuh basa aku ngangkat Tuan Jimbun meri jaku seleka dua ngagai kitai ke bisi datai ditu ,” pia ku padah pengatur pengawa.
(ii) “Aram tama, tuan,” ku penyambut temuai enggau penuh adat basa.
Leka jaku “tuan” mega diguna kena ngangau orang lelaki ke bisi pangkat lalu patut diberi basa.
Chunto:
(i) Tuan Imam Masjid Semesta iya nya Ustaz Abdul Rahim.
(ii) Tuan Pengetua dikerindu semua nembiak laban pementas iya.
“Tuan” mega diguna kena ngelar orang lelaki bansa Eropah. Hal baka tu nyadi laban orang Melayu tauka orang Iban nya bansa ti bebasa amat ke bansa bukai kelebih agi bansa Eropah. Chunto:
(i) Tuan Timothy enggau Tuan Daniel benung mansik utai tumbuh ba tuchung Bukit Rabong.
(ii) Tuan enggau mem iya benung bejoging ba taman nya.
Taja pia, leka jaku “tuan” ukai semina dikena ngelar raban lelaki aja. “Tuan” ulih mega diguna ba raban orang indu.
Antara guna leka jaku “tuan” ti ukai semina dikena ba raban lelaki aja nya dikena lebuh nyebut orang ke alai iya bepanggai. Orang ke alai iya bepanggai enda ngira iya nya lelaki sekalika indu sama bela tau ngena leka jaku tuan. Ambika banding:
(i) Tuan Puteri Mandu Ratna Dewi benung mandi ba pegung nya.
(ii) Aku takut amai ngagai tuan aku.
“Tuan” mega diguna dikena mandangka orang nya ngembuan sesebengkah utai tauka ngempu sesbengkah utai. Ambika banding:
(i) Tuan rumah suwa nya udah ngasuh Mujab pansut ari rumah iya.
(ii) Kita patut minta pemendar ari tuan tanah dulu sebedau kita nanam sawit dia.
“Tuan” mega diguna nyadika jaku ganti nama diri kedua iya nya jaku ganti nama diri ti alus dikena ungkup orang lelaki tauka indu ke enggau betimbal jaku. Pekara tu nyadi baka nya laban jaku ganti nama diri “tuan” nya siti aspek jaku basa ti dikemeranka orang lebuh bejaku dalam jaku Melayu. Ambika banding:
(i) “Mengapakah tuan masih belum mengerti hasrat hati hamba?” tanya Andika kepada Ratna.
(ii) “Hamba begitu cemburu melihat tuan beriringan dengan lelaki lain,” rintih Perwira kepada Kencana.
Dalam surat rasmi mega kitai ulih nguna jaku kangau “tuan” dikena kitai nyebut orang ke nerima surat. Reti nya, kitai enda ibuh mansik sapa penerima surat nya sekalika iya lelaki tauka indu. Kitai mega enda ibuh ngena leka jaku kangau “puan” enti penerima surat sigi indu laban leka jaku “tuan” udah nyengkaum lelaki enggau indu.
Ba menua Kelantan enggau Terengganu, “Tuan”nya siti nama ti bisi kaul enggau asal peturun. Orang peturun “Tuan” nya sida ke datai ari raban ke bisi darah raja. Ketegal nya mih sida baik nya lelaki tauka indu tau ngena jaku kangau “Tuan” enti sida datai ari sesebengkah peturun ti bisi bekaban enggau bala sida raja.
Chunto:
(i) Guru Bahasa Inggeris nya madahka nama niang aki iya suba nya Tuan Mat bin Tuan Aziz.
(ii) Bini Rahmat benama Tuan Norliza.
Mayuh pekara ti besilup senentang jaku Melayu ke patut dipansikka kitai. Ngelama tu guna leka jaku “tuan” ambika banding, dikumbai nyadika jaku ganti nama diri ketiga dikena ngangau raban lelaki aja. Tang iya ti bendar nya guna iya besai agi rampa sereta luas agi peda.
Nya alai ketegal nya, aram mih kitai sama-sama betungkapka mayuh macham penemu senentang jaku Melayu ke sedandang tu. Enti ukai kitai bansa Malaysia, sapa agi ke tau ngangkatka jaku Melayu. Amat mih nya ukai jaku Iban tang iya udah diterima nyadi jaku Nasional.
Ingat mih ke sulu jaku “Dikelala buah ari langgu, dikelala bansa ari jaku” tau diganti enggau sulu jaku munyi tu "Dikelala buah ari langgu, dikelala bansa Malaysia ari jaku".
Tiada ulasan:
Catat Ulasan