Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.

"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Ahad, 27 Julai 2014

Ukai aku ke nyadi batu penekul perambu begempung SPDP, PRS




KUCHING: Pemangku Presiden Parti Demokratik Progresif Sarawak (SPDP) Datuk Seri Tiong King Sing kemari ningkah penemu ke ngumbai iya nyadi batu penekul perambu begempung entara parti SPDP enggau Parti Rakyat Sarawak (PRS).

Lebuh ke bejaku ba Pengerami Merarau ke diatur ba sebengkah restauran di Sg Moyan ditu dia iya ngerintai sekeda nama tuai ti diatu udah masuk Parti Tenaga Rakyat Sarawak (Teras) ke amat udah muntan perambu begempung nya.

Iya madahka diri nyukung perambu begempung nya tang enggau enda memukai nyau iya ke dituduh nagang perambu dikemujur.

“Sekeda orang madahka SPDP enggau PRS enda ulih begempung ketegal aku. Aku dituduh nyadi batu penekul.

“Nyema bisi sebarang pengawa salah bisi dikereja, aku deka disalah. Tang enti semua pengawa dikereja nya betul, orang bukai ke dipuji,” ku iya.

Langgur penemu ke deka begempung entara SPDP enggau PRS berengkah didinga kenyau ari taun 2005 ke alai kededua parti udah numbuhka komiti ngerandau atur begempung nya.

Kala diripot ba surat berita ba taun 2007 sekeda nama tuai ti udah setuju kedua-dua buah parti nya begempung lalu numbuh siti entiti baru. Bela bisi diripot mega, atur begempung nya enda ulih dikemujurka ketegal siku tuai udah nyadi batu penekul.

Perambu begempung nya enda didinga agi pengudah SPDP ningkilka lima iku tuai tauka pengari rayat dalam parti nya ke dikumbai G5 urung bulan November 2011 nyentuk Januari 2012 ketegal ngelanggar sempekat parti.

Langgur penemu begempung nya sekali agi didinga sepengudah Tiong ayan begulai enggau presiden PRS Tan Sri James Masing ba siti aum pengarang berita kenaka 21 Jun tu tadi ngenukuka ‘merger of the minds’ entara SPDP, PRS enggau SUPP napi pengawa bepilih nengeri.

Kemari, Tiong madah iya sedia ngatur kerejasama enggau PRS ba mayuh bengkah pekara dikena ngenegap kedua-dua parti tu.

Iya madahka ubah ke positif benung diadu dalam SPDP sepengudah sekeda tuai ningkilka diri ari parti lalu masuk parti TERAS.

“Parti tu nadai napi penyarut taja pan mayuh tuai sereta kaban udah ngebuka diri masuk TERAS. Kitai mengkang tegap lalu ulih matak mayuh agi kaban nyengkaum sida profesional enggau bala nembiak baru,” ku iya.

Pengerami Merarau kemari diatur SPDP pampang Batu Kawa ke udah direjista ba bulan Mei tu tadi.

Chairman pampang nya, Robert Tinggon Dau ba pengerami nya bisi nyuaka 376 iti pom pinta nyadi kaban baru SPDP.

Bela bisi datai Kaban Parlimn Mas Gading Anthony Nogeh, Presiden seumur idup SPDP Datuk Peter Nyarok, Tuai Indu SUPP Amy Tnay, Tuai Nembiak SUPP Tan Kai enggau Sekretari SUPP Wilfred Yap. -Dibali ari Utusan Borneo

Tiada ulasan:

Catat Ulasan