Antara
pekara ti seruran ditanya iya nya ‘Ulih tauka enda selambar degree mai pemujur dalam
pengidup?” Mensia mayuh kemaya hari tu mayuh agi ke ngumbai semina enggau
segulung degree aja siku-siku orang nya ulih mujur dalam pengidup. Tang ari
sukut realiti, ngulihka penemu nya nadai taka maya sereta nadai diukur enggau
sebarang setipikit.
Reti
nya, enti nadai degree ukai madahka orang nya enda ulih mujur. Semua orang di
dunya ulih mujur enti sida ngembuan semengat tinggi sereta bebendar
ngemansangka diri. Semengat nya mih faktor ti pengabis berat dalam merangsangka
diri lalu ulih disempulangka enggau pemendar ngulihka pemujur.
Bisi
penemu ke madah orang ke nadai degree ke agi ulih mujur nya sida ke dikira
nyelai sereta nyulut ari orang ke bukai. Sida nadai ngembuan setipikit tang
bisi penemu enggau pengelandik ke dikauk nengah peneleba dalam idup. Sida nadai
degree tang pengidup sida nyamai agi enti dibanding enggau bala pangan sida ke
bisi mayuh degree. Nya alai mensia mayuh patut diiri enggau runding ti positif
senentang lelaki ke nadai degree tang ulih mujur dalam pengidup.
Iya ke bendar, pemisi akademik
enggau selambar degree ukai dikena nyukat pemandai siku-siku. Anang tekenyit
enti mayuh orang ke nadai degree mujur agi ari sida ke degree kelas satu.
Pelajar formal ukai nentuka pemujur kitai tang peneleba nya mih pengajar ke
manah nyadika malin pengidup.
Lelaki ke nadai degree nya balat agi praktikal enti dibanding enggau lelaki ke bisi degree. Suah agi, lelaki ke ‘enda berapa pandai ba atas keretas’ ngembuan pengelandik ke jauh agi mai penguntung. Sida nyangka ukai nyulut sereta lati dalam akademik tang nyangka sida tu lati dalam mayuh bengkah pengelandik.
Taja pan nadai ngembuan selambar degree peluang idup lantang tetap bisi. Mayuh graduan kemaya hari tu agi tekial-kial begigaka pengawa taja pan bisi degree tauka pemutus peresa sida lati. Udah puas ke betunggang lupung abis jai tiga taun di institusi pelajar tinggi, sida ba pengujung pelajar nya tamat nyadi orang ke nadai gawa ti dipebasa.
Ba sida ke nadai bisi peluang ketegal kebuah ke enda ulih diseliah tauka ngembuan pemutus peresa ke enda tentu manah, mayuh macham chara ulih diperundingka ba awak ke bisi nya. Nyangka berengkah begigaka pengawa dikena nimbang pemisi duit enggau ekonomi.
Orang ke nadai ngembuan pelajar tinggi ambika banding mega nyangka ulih nyadi orang dagang sereta ulih meri peluang kereja ngagai sida ke ngembuan degree jemah ila.
Lelaki ke nadai degree nya balat agi praktikal enti dibanding enggau lelaki ke bisi degree. Suah agi, lelaki ke ‘enda berapa pandai ba atas keretas’ ngembuan pengelandik ke jauh agi mai penguntung. Sida nyangka ukai nyulut sereta lati dalam akademik tang nyangka sida tu lati dalam mayuh bengkah pengelandik.
Taja pan nadai ngembuan selambar degree peluang idup lantang tetap bisi. Mayuh graduan kemaya hari tu agi tekial-kial begigaka pengawa taja pan bisi degree tauka pemutus peresa sida lati. Udah puas ke betunggang lupung abis jai tiga taun di institusi pelajar tinggi, sida ba pengujung pelajar nya tamat nyadi orang ke nadai gawa ti dipebasa.
Ba sida ke nadai bisi peluang ketegal kebuah ke enda ulih diseliah tauka ngembuan pemutus peresa ke enda tentu manah, mayuh macham chara ulih diperundingka ba awak ke bisi nya. Nyangka berengkah begigaka pengawa dikena nimbang pemisi duit enggau ekonomi.
Orang ke nadai ngembuan pelajar tinggi ambika banding mega nyangka ulih nyadi orang dagang sereta ulih meri peluang kereja ngagai sida ke ngembuan degree jemah ila.
Nya alai, anang sekali-kali kitai
nyadi komuniti ke rindu ngaga perspektif negatif. Rugi amat mih enti kitai
merati orang nya ari sukut tikas pelajar iya lalu ukai ari ati budi enggau adat
basa iya laban sempama jaku tuai bisi madah; agi bekulit agi bedaki. Ingat!
Sepemansai pan genselu batu lua beragai enti nadai dipumai nadai mih jalai
tebantai bulih padi, selori pan degree enti nadai dianjung kini-kini nadai mih
nyadi.
Tiada ulasan:
Catat Ulasan