Kala
kita ninga pekara tu? Tu mih pekara ke didinga aku kenyau aku sekula nyentukka
sehari tu mengkang nyadi enti enda nyadi senyadi. Agi ingat maya sekula menya
lebuh peresa LCE pom tiga hari keterubah semua bala nembiak kiraka udah
nyendiaka diri deka ngambi keretas keterubah pagi nya. Datai siku ari kami nuju
ngagai balai peresa. Bedau sempat tama iya udah dikangauka tuai peresa laban
diasuh betemu enggau kepala pengajar. Lebuh peresa udah berengkah lalu nadai
meda tudah tuai enggau nyentukka pengujung peresa nya. Kitai maya nya laban ke
agi besekula enda nemu nama utai ke nyadi, sekalika nya betul tauka enda endang
dilempai seratus persin ba pengatur sekula aja; ni ku sida iya.
Nya siti
ari peneleba ke dipeda aku empu, bah kati ke enggau cherita sereta peneleba
bala bukai dih enggau iya ke suah didinga kitai baik nya ba radio, televisyen
enggau surat berita? Baka belayan padi lebat bebuah, tiap utai ke nyadi nya
tentu bisi tuju enggau kebuah. Ari perati aku ari besekula lalu nyentuka udah
badu besekula sereta bekereja diatu bisi tiga kebuah besai sida pengatur sekula
kelebih agi kepala pengajar nagang nembiak sida ngambi peresa.
Kebuah Nembiak Ditagang Ngambi peresa
Kes Disiplin
Kitai semua
udah kala bisi peneleba nyadi nembiak sekula tauka iya ke agi benung besekula
diatu. Ari mayuh kitai nya tentu bisi nembiak ke enda tetitihka atur sekula
kelebih agi enti atur sekula nya terit. Mimit bisi salah lalu diukum. Enti suba
taun 60an enggau 70an nyipat nembiak nguna rutan nya sigi pekara tebalan
didinga lalu ukai utai nyelai.
Tang diatu
mayuh chara bukai dikena ngukum nembiak ke bisi ngelanggar atur sekula. Semua penyalah
ke digaga nembiak ba sekula sereta ukum iya bisi dipasuk dalam bup atur
disiplin nembiak. Sida ke endang mekuh pengawa tu baka Penolong Kanan Hal Ehwal
Murid nadai patut enda nyimpan bup tu tauka sekurang-kurang iya nemu nama atur
ke patut lebuh napi nembiak ke ngelanggar atur sekula.
Siti ari
ukum besai ke suah diletak ngagai nembiak ke bisi salah besai baka nginsap,
berekak enggau mayuh penyalah besai bukai nya ukum gantung ari sekula; abis jai
seminggu. Nembiak maya tu ditagang datai ke sekula. Lebuh datai ba pengujung
ukum sida patut mai apai indai tauka
penyaga sida betemu enggau pengatur sekula lalu nyain sempekat deka ngubah ulah
diri ari ke enda manah ngagai manah. Sekeda nembiak ke manchal nadai ngira maya
ke deka ngereja ulah ke tatau. Kati ti nya nyadi maya nyau semak deka peresa
perintah? Nama penyadi enggau sida? Tu mih maya sida ditagang pengatur sekula
ari enggau ngambi peresa baka orang bukai.
Ngangkatka Pemanah Nama Sekula
Kelimpah
ari penanggul disiplin, bisi mega nembiak ditagang ngambi peresa ketegal sida
tu muntat lalu enti sida ngambika mega nyangka pemutus peresa sekula sida deka
nurun enti dibanding enggau sekula bukai. Pemanah nama sekula nurun ari manah
nurun ngagai jai. Dini deka engkah mua sida pengatur sekula kelebih agi kepala
pengajar. Sida opis pelajar baka PPD, JPN bela nganu sereta minta kebuah pemutus
sekula sida jai; enda baka sekula bukai. PPD enggau JPN malu. PPD malu ke sitak
menua sida enti dibanding enggau sitak opis pelajar bukai lalu baka nya mega
JPN malu ngagai opis pelajar nengeri bukai. Nadai ngalitka ati enti utai tu
nyadi. Bala apai indai mega enggai nganjung anak sida besekula ba sekula ke
enda manah prestasi peresa perintah sida semadi nadai ulih seliah. Pengajar ke
suah nyadi mansa hal tu. Kepala pengajar minta kebuah pemutus peresa siti-siti
mata pelajar nya nurun. Raban apai indai mega suah nyalah pengajar enti pemutus
peresa enda manah. Sida apai indai suah madah pengajar enda nemu ngajar tang
enti pemutus peresa anak sida nya manah nadai mega sida muji pengajar; suah agi
sida madah anak sida sigi pandai.
Nya alai
dikena nyeliah pekara tu, pengatur sekula ti betuaika kepala pengajar lalu
nisih nembiak ke dikira enda ulih pas peresa lalu tau ngujung pemutus peresa
sekula nurun ditagang ari ngambi peresa baka UPSR, PMR enggau SPM.
Juluk Ati Kepala Pengajar
Tiap-tiap
iku kitai endang ngembuan juluk ati kediri empu; baka nya mega raban kepala
pengajar. Tang utai ke mida kitai ngulih tauka nyapai juluk ati nya bepanggai
enggai pemaiulah kitai; reti nya enda milih kitai nya orang ke ngembuan pelajar
tinggi tauka enda, orang ke megai pangkat tinggi tauka orang biasa pemaiulah
ari ada sereta peneleba pengidup balat nguing chara kitai nyapai juluk ati. Kemaya
hari tu enti pemutus peresa sekula manah sereta mandangka bisi mansang ari
selama sida tau nerima insentif mata duit ari opis menteri pelajar. Kelimpah ari
nerima insentif, sida mega diberi peluang jampat agi niki pangkat.
Ketegal deka
nyapai juluk ati ngulihka duit nya mih raban bala pengajar nyau berumpak enggau
pangan diri ngujika deka ngemanahka prestasi sekula. Bisi nya ngena chara
manah, beretika, teratur sereta bemalinka nilai moral. Bisi mega sekeda nya
ngena chara ke enda manah baka ke nagang nembiak ke muntat ari ngambi peresa. Semina
ke jelan pengulih sereta pandai aja ulih ngambi peresa.
Empas ari nagang nembiak ngambi peresa
Dipelabaka
nadai enda nemu empas ari nagang nembiak ngambi peresa. Indah sida ke nagang
nya pan nemu empas enti sida nagang nembiak sida ngambi peresa tang nya mih
tadi laban deka nyapai juluk ati diri empu kekadang chara ngulih nya suah agi enda
bepelasarka chara ti beraday sereta beretika.
Nembiak nadai peluang belajar
Nembiak ke
tagang ngambi peresa suah nadai peluang belajar laban sida udah ditisih ari
pun. Sida enti maya belajar nyangka diasuh ngereja pengawa bukai ke nadai kaul
enggau pengawa belajar. Kelimpah ari nya mega sida enti nadai ngambi peresa
tentu nadai peneleba baka orang bukai duduk ba bilik tauka balai peresa. Sida tentu
bisi ati baka pangan sida ke bukai deka ngasai diri ngambi peresa taja pan nemu
diri sigi enda pandai. Pandai tauka muntat ukai kebuah enda tau ngambi peresa,
ukai kebuah nembiak ditagang ari ngambi peresa. Kitai ukai petara ke meri kuasa
milih sida ke pandai aja tau ngambi peresa. Nembiak pan disempama baka padi,
enda tau nadai ampa. Semua orang baik nya manah tauka jai, pandai tauka muntat,
jai tauka sigat, gerai tauka tachat bela patut diberi peluang ke sama rata
ngambi peresa.
Empas ngagai pengidup dudi hari
Enti nembiak
nya ba tikas UPSR enggau PMR nyangka kurang agi empas ari nembiak ke ditagang
ngambi peresa SPM. SPM tu peresa ba pengujung sekula sida lalu pun nuju ngagai
pengidup nembiak udah sida besai ila. Sida ke tagang ngambi peresa tu nyangka
nadai utai dibantai ngagai orang tauka nadai utai dibai lebuh deka minta
pengawa bai nya bekuli tauka kereja bukai. Semadi sida bisi duit nyau ngambi
peresa luar. Tu udah enda betul laban kitai ke ba sekula udah enda meri sida
peluang maya sida besekula. Amat mih sida jai tauka muntat tang nya hak sida
ngambi peresa.
Empas ngagai mata pelajar ke enda diambi
Tu bala
agi nyadi ba sekula sekondari baka ba tika PMR enggau SPM lalu kelebih agi
nyadi ba mata pelajar elektif baka Bahasa Tamil, Bahasa Cina, Bahasa Iban,
Bahasa Kadazandusun enggau Bible Knowledge. Semua keretas peresa tu diambi sida
ukai Melayu. Enti sida pengatur sekula nagang nembiak ngambi siti ari subjek ke
disebut tadi tentu ke rugi nya nembiak sereta pemansang mata pelajar nya. Udah mega
sida tu minoriti ari tubuh sereta mega ari sukut sida ke ngambi enda mega
diasuh ngambi peresa, nama penyadi? Udah ga aruk dipukung ga enggau alung udah ga
labuh dipanggung lesung.
Munyi ke
disebut pengerugi tu ngagai nembiak enggau mata pelajar nya. Tu baka sempama
jaku dalam ke nyebut alu lenyau lesung belah; reti nya dua kali napi pengerugi.
Enti nya jaku Iban ambika banding tentu pengerugi nya ngagai mata pelajar jaku
Iban sereta orang Iban ke angkun ke jaku tu. Pas enggau pil nya belakang kira
laban sigi ditemu bisi orang pas bisi mih orang pil. Kitai mesti bisi semengat
berani ngesan berani ga nanggung.
Evidens pengawa nagang
nembiak sekula ngambi peresa
Enti bejaku kira udah bebuih aku bejaku tang tu
natuk kunchi pad komputer, kiraka nyau puas udah natuk komputer tentu kitai
sebuat raban pemacha deka nanya aku nama bukti kenang aku kesekali tu. Ukai
nama enggaika aku tu ila disemaka kita baka orang ke bula nyentuk munyi Nauk ke
madahka diri belaukka keruntuk lama nyanggang. Nya alai udah tu aku nguji
nijirka cherita sereta isu ke bisi kaul enggau pengawa orang sekula ke nagang
nembiak sida ngambi peresa. Evidens tu diambi ari surat berita ke bisi mega
ngeripot senentang pekara tu.
Sapit Menteri Pelajar Kedua, P. Kamalanathan meri jaku tangkan ngagai
prinsipal sekula sekondari ngambika enda nagang nembiak India ari ngambi keretas
peresa subjek Tamil dalam Pentaksiran Tingkatan 3 (PT3) bulan Oktober tu. Iya
madahka, Peresa PT3 udah diperambu Opis Menteri Pelajar dikena nganti Penilaian
Menengah Rendah (PMR) tang lalu bisi berita selebebu ngapa madahka format baru
tu ila deka muntanka jaku enggau subjek jaku Tamil kelebih agi ngagai nembiak India
di pom tiga. Dikena nyakal jaku ke selebebu ngapa nya dia Kamalanathan madahka
taun nyin kemari bisi 11,919 pelajar India udah ngambi peresa keretas jaku
Tamil PMR. Iya mega ngelalau sida prinsipal nerima peminta ari nembiak ke deka
ngambi keretas nya.
"Manakala bagi kertas
peperiksaan subjek Tamil PT3 tahun ini, angka itu dijangka meningkat apabila
setakat ini seramai 12,782 pelajar India tingkatan tiga mendaftarkan diri
menduduki subjek itu dan ia satu perkembangan positif dalam memartabatkan
bahasa Tamil dan tiada unsur sabotaj dan sebagainya.
"Kami tidak
teragak-agak untuk bertindak jika menerima aduan ke atas mana-mana guru atau pengetua
sekolah yang didapati menolak permohonan pelajar India mengambil kertas subjek
Tamil dalam peperiksaan PT3. Utusan Malaysia 2014
KUALA LUMPUR
30 Sept. – Majlis Permuafakatan Persatuan Ibu Bapa dan Guru Nasional (PIBGN)
duka cita dengan insiden lima lagi murid dihalang daripada menduduki Ujian
Pencapaian Sekolah Rendah (UPSR) baru-baru ini dan menyifatkannya sebagai
tindakan tidak profesional pentadbiran sekolah. Presidennya, Prof. Madya Datuk
Dr. Mohamad Ali Hassan berkata, tindakan itu tidak profesional kerana semua
murid yang berdaftar adalah layak untuk menduduki peperiksaan. “Ini adalah hak
murid. Hak mutlak untuk menilai perkembangan pendidikan dan ia sebahagian
daripada masa depan murid terlibat. “Tindakan menghalang mereka menduduki UPSR
bukan sahaja menafikan hak murid terlibat tetapi juga menafikan hak ibu bapa
untuk mengetahui pencapaian pelajaran anak-anak mereka,” katanya ketika
dihubungi Utusan Malaysia di sini, hari ini. Beliau mengulas laporan akhbar
berhubung lima murid Sekolah Kebangsaan (SK) Teluk Sira di Baling, Kedah yang
tidak dibenarkan menduduki peperiksaan UPSR baru-baru ini. (Utusan Malaysia 1 Okt. 2011)
BALING 30
Sept. – Ibu bapa lima murid yang dilarang menduduki Ujian Pencapaian Sekolah
Rendah (UPSR) merayu kepada Kementerian Pelajaran agar anak mereka dibenarkan
mengambil semula peperiksaan berkenaan demi masa depan murid terbabit.
“Ini bukan masalah anak kami tidak mahu ke
sekolah tetapi soalnya mereka dilarang menduduki kononnya bodoh. Kami mahu siasatan lebih telus
dan berharap kementerian memandang serius kes itu,” kata mereka.
(utusanperlis.com.my)
PONTIAN 29
Sept. – Kementerian Pelajaran akan mengambil tindakan terhadap guru besar dan
pengetua sekolah sekiranya terbukti mereka terlibat melarang murid daripada
menduduki peperiksaan yang diadakan.Timbalan Perdana Menteri, Tan Sri Muhyiddin
Yassin berkata, guru besar atau pengetua yang didapati bersalah dalam hal
seumpama itu hanya akan memberi kesan negatif kepada Petunjuk Prestasi Utama
(KPI) mereka.
“Tindakan menghalang murid daripada menduduki peperiksaan
adalah salah kerana ia melanggar hak murid tersebut.
“Justeru, seandainya kita dapati guru besar atau pengetua
menghalang murid daripada mengambil peperiksaan semata-mata untuk memastikan
prestasi sekolah mereka tidak menurun, kita akan mengambil tindakan,” katanya mengulas laporan sebuah akhbar tempatan hari ini
yang menyiarkan lima murid Sekolah Kebangsaan (SK) Telok Sira di Baling, Kedah
tidak dibenarkan menduduki Ujian Pencapaian Sekolah Rendah (UPSR), baru-baru
ini.
(utusanjohor@utusan.com.my)
Tiga murid
Sekolah Kebangsaan (SK) Bandar Bintangor di Bintangor, Sarawak yang tidak
dibenar menduduki peperiksaan Ujian Pencapaian Sekolah Rendah (UPSR) kerana
dianggap lemah, dibenar menduduki peperiksaan itu dalam tempoh empat minggu
lagi, kata Tan Sri Muhyiddin Yassin.
Sambil meluahkan dukacita terhadap pentadbiran sekolah terbabit yang menyekat hak tiga murid iaitu Idie Ganyol, Edward Ujoh Augustine dan Richmend Mangi menduduki UPSR, Timbalan Perdana Menteri yang juga Menteri Pelajaran berkata, setiap pelajar yang mendaftar mengambil peperiksaan awam, mesti diberi peluang menduduki peperiksaan itu.
“Sama ada murid itu cemerlang, kurang cemerlang atau lemah, itu soal kedua. Hak dia untuk ambil peperiksaan tidak boleh disekat atau dihalang oleh pentadbir sekolah. - Bernama
Sambil meluahkan dukacita terhadap pentadbiran sekolah terbabit yang menyekat hak tiga murid iaitu Idie Ganyol, Edward Ujoh Augustine dan Richmend Mangi menduduki UPSR, Timbalan Perdana Menteri yang juga Menteri Pelajaran berkata, setiap pelajar yang mendaftar mengambil peperiksaan awam, mesti diberi peluang menduduki peperiksaan itu.
“Sama ada murid itu cemerlang, kurang cemerlang atau lemah, itu soal kedua. Hak dia untuk ambil peperiksaan tidak boleh disekat atau dihalang oleh pentadbir sekolah. - Bernama
Simpul Penemu
Nya tadi
kitai meda pengawa nagang nembiak ngambi peresa tu endang pengawa ke nadai
beretika. Pemujur pengidup siku-siku mensia ukai dipegai dilempai ba jari kitai
kelebih agi baka sida pengajar enggau pengatur sekula. Tanggung pengawa sida
meri peluang enggau naka penyukup ngagai nembiak belajarka mayuh bengkah subjek
sereta meri peluang sida ngambi peresa. Munyi ku lagu Christhoper Kelly – mar mudah
mesti diuji. Anang sekali-kali nyekat hak nembiak ke deka ngambi peresa.
Pedis amat nerangka tuju peresa/tisih ngagai sekeda pengajar enggau apai indai ke ngarapka anak sida bulih semua A.
BalasPadam