Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.

"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Rabu, 21 Januari 2015

Putar lengkas kes bekaul enggau NCR ke majak nambah

Hakim Besai Sabah enggau Sarawak Tan Sri Datuk Seri Panglima Richard Malanjun kala madahka penyampau kes bekaul enggau tanah adat bansa asal (NCR) ti majak nambah lalu iya patut diputar enggau lengkas.

Kot ba kedua-dua nengeri maya ke diatu napi pemar mutarka kes NCR ke alai sekeda nya merambu numbuhka kot tribunal tanah ngambika pekara tu ulih diputar enggau mudah.

Ninting taun penyampau kes NCR majak nambah. Kot ngelalu runding ari raban orang ke landik ba pekara undang-undang ngaga sekeda perambu ke engkeman ngambika tau dikena mutarka kes NCR.

Sekeda didinga merambu deka numbuhka kot tribunal tanah tauka sebengkah kot ti semina ngadu pechara kes NCR.

Taja pia, Richard madahka nadai mih guna numbuhka sebengkah kot ke bansa nya enti penyampau raban luya ti mutarka kes NCR mengkang kurang.

Berindik enggau nya, iya madah raban orang ke landik ba pekara tanah enggau adat ke bekaul enggau pekara nya deka diasuh meri licha dalam taun tu.

“Penerang ke diberi ari raban nya ulih mantu kitai meretika kes NCR lalu diarap ulih mantu mutarka sekeda kes,”ku iya. – Dibali ari UB

Tiada ulasan:

Catat Ulasan