Mayuh
rayat Malaysia ngasaika diri enda ulih idup enti sida nadai diberi subsidi.
Sida ngasaika enti sema nadai subsidi kualiti pengidup sida enda ulih enda
dikompromi. Realiti sigi ulih lalu iya ke bendar kitai mesti bisi pengarap
kitai ulih idup nadai besubsidi.
Taja pan
bisi subsidi patut diketuka tang bisi mega sekeda nya mega patut ditan. Bantu
terus sereta subsidi ti ditaga ngagai raban ke begunaka nya patut dipajakka. Tu
nyengkaum pekara baka pengawa nyaga pengerai enggau bidang pelajar.
Mayuh
orang bepenemu madahka pengawa ke ngetuka subsidi kereban api deka meri empas
ti negatif ngagai raban mensia mayuh. Ngagai sida ke endang begunaka saup, Opis
Pengelantang Mensia Mayuh endang besedia mantu sida. Enti amai RM2.4 bilion
dijimatka nengah pengawa ke ngurangka subsidi sepenyampau 10 sen bagi subsidi
kereban api, dia perintah ulih nguna utai ti dijimat nya dikena nambahka
program Mantu Rayat 1Malaysia (BR1M) kira-kira RM960 juta tauka tambah RM200
tiap-tiap pintu rumah. Enti dikira baka nya kira-kira 4.8 juta pintu rumah ke
patut ulih nerima bantu tu.
Bisi
mega sida ke ngumbai penyampau nya enda ulih nimbang peniki rega kereban api
tang sida patut dikingatka tu ukai orang ke mayuh neriba kerita besai. Sida tu nyangka
semina bisi motosikal ti bekapasiti baruh, tauka sida ke ngena kereban
pengangkut rama. Tang orang ke selalu tachuh nya raban ke ngembuan kerita besai
sereta ngemeranka pengidup ti nyamai sereta lantang.
Utai ti
ironis ditu nya kereban api ke murah nya ulih narit orang ari menua bukai ti
beserimbai pendiau enggau menua kitai. Sida tu ngelayang garis entara menua
lalu ngisi tangki kerita sida ba menua kitai. Bisi mega orang berikan ari menua
ti berimbai enggau menua kitai bebelika minyak disel ba menua kitai laban iya
murah.
Ngelama
tu kitai ngena asil pengeraja asal ti berega dikena nyaup sida ke enda tentu
begunaka saup nyengkaum temuai ari menua bukai sereta sida korporat ti pegari
nama.
Bisi
mayuh kebuah ari sukut ekonomi kitai patut idup nadai ibuh diberi subsidi.
Kebuah
keterubah nya kos fiskal ti ngetanka sistem subsidi nya tinggi amat. Tikas
utang menua kitai nya tinggi amat sereta nerima perati ari rayat tang tu mih
chara ti patut dipejalaika dikena napi pekara tu enggau semitan.
Kebuah
kedua nya kos peluang dikena perintah bekelimat ngambika sektor ti patut
begunaka duit baka sektor pelajar, pengawa nyaga pengerai enggau infrastruktur
ulih diagih duit enggau betul. Perintah ulih ngungkupka belanja ngagai kompeni
baru, ngadaka peluang kereja ti mayuh agi sereta ngenjuk agih nya ngagai
ekonomi ti tegap ngambika ulih meri penguntung ngagai semua rayat.
Pengawa
ti begunaka kereban api nadai besekat mega mai empas ti enda manah laban dudi
hari nyangka asil ari kereban api tu nyau majak kurang-sekurang. Serak tubuh
jemah ila mih ke deka ngasaika empas ari guna tenaga ti besai ke tau ngujungka
pengangat bumi. Nama tu ti dikedekaka kitai pia sereta diserah ngagai uchu ambu
kitai ila? Kereban api ti murah rega iya tau ngasuh kitai nadai berundingka
ukur rega nya lalu jarang mega kitai bepikir dua kali ngujungka kitai suah rua
bekenaka kereban api.
Tiada ulasan:
Catat Ulasan