Chara ti produktif ngereja pengawa maya lepa ujung minggu

Siti ari pemanah kitai ke diau ba menua ke diuan pupu raban bansa nya negmbuan mayuh peremisi sepemanjai taun. Ba sekeda orang, bekereja maya ari enda gawa udah nyadi pekara selama. Nya alai lebuh ke napi ujung minggu ke panjai dia sekeda ari kitai lalu enda nemu utai ke deka digaga. Mayuh pekara ulih digaga maya lepa ujung ke panjai baka ari ke ngasu beburuka pemakai ngagai nyadi temuai ba nengeri diri empu. Nya mih kebuah aku mai kitai sebuat pemacha bekunsika sekeda chara kitai ulih ngereja pengawa ti produktif maya lepa ujung minggu.

1. Nguji ngaga aktiviti luar

Ambika banding enti kitai bisi duit RM50 kitai ulih enggau orang matau Gua Tempurung di Perak. Baka nya mega kelimpah ari aktiviti nya kitai ulih ngereja aktiviti bukai tang bepanggai ba musin baka pengawa paragliding, terebai mesanyar ba Bukit Jugra, Banting Selangor tauka nepan ATV ba Kampung Kemesah, Kuala Lumpur. Anang kelalu jampat madahka enda ulih ngulihka peneleba baru. Tu nyangka tau ngasuh merindangka ati.

2. Meda pemerindang

Mayuh palan pemerindang bisi ba menua kitai. Aku ke bejaku tu lebih ngagai sida ke diau ba nengeri. Kelimpah ari meda wayang ba cineplex baka ba nengeri besai di Kuala Lumpur bisi panggung tauka teater alai meda drama enggau kelab ngelugi mega bisi.

3. Meresi rumah

Rindu tauka enda, ujung minggu ke panjai nya maya ke manah alai kitai ngejingka diri ngereja pengawa ke suah ditinggalka kita, pengawa ke ditangguhka kitai ngelama tu. Pengawa tu nyengkaum meresi ruamh sereta pengawa ngumpul lalu muai uras ke bisi dalam rumah. Pengawa tu ulih bepun enggau pengawa nguna baru surat berita, majalah enggau butul kacha, bejualka bup lama ngagai kedai secondhand tauka meri gari ke udah enda dikena agi ngagai gerempung pengintu pendiau mensia mayuh. Barang ke agi ulih diguna tang enda dikena agi ulih mega dijual ba stor apps baka Carousell.

4. Nyadi temuai ba menua diri empu

Kitai ulih madah ngagai diri empu kitai mega ulih ngereja utai ke dikereja bala temuai barang maya ba menua kitai empu. Tang anang alit ati bisi sekeda ari kitai nadai kala nemuai ngagai sesebengkah endur ti ngelantang sereta naritka ati. Ambika banding sida ke ba Lempa Klang sepemanjai pengidup sida bisi nya enda kala nemuai ngagai Batu Caves, Makit Sentral tauka Petaling Street. Bisi nya bemimpi deka meda selempepat ba Kuala Selangor tang sampai ke diatu lalu bedau. Nadai maya bukai ulih nemuai sereta matau menua enti ukai maya ujung minggu ke panjai.

5. Macha bup ke bedau dibacha

Musin pengujan nya udah nyadi sebengkah ari gaya hari ba menua Malaysia lalu diau ba rumah nya siti ari chara pengawa ti mudah digaga. Sekeda ari kitai nyengkaum aku mih rindu bebelika bup kelebih agi maya nyual murah. Tang mayuh ari bup ke dibeli nya enda dibacha, nyau berabus ba rak bup. Ujung minggu ke panjai nya maya ke chukup engkeman alai kitai macha bup lama ke bedau kala dibacha kitai.

6. Nyidi palan pemakai

Ujung minggu ke panjai mega ulih nyadika dalih kitai enggau bala tawing matau menua ngiga pemakai lokal sereta nguji resipi ti baru. Ambika banding baka sida ba Malaya ulih ke Jalai Yau Tet Shin di Ipoh, Perak makai asi belauk manuk tauka ke Klebang ngirup ai nyiur ke tebilang enggau nama coconut shakes. Enti awak serekat uji aja singgah ba kafe ti baru, restoran tauka kedai trak pemakai ke semak genturung alai kitai diau. Ngagai kitai ke kelalu bekira pasal utai ke dipakai kitai ulih mega ngagai endur ke murah baka pasar malam tauka kedai daja ba kaki lima.

7. Matau menua

Enti kitai diau ba kampung konkrit siti ari pengawa ke ulih digaga enggau bala tawing nya matau sekeda endur. Ambika banding kitai ulih matau menua baka Broga Hill di Semenyih, Gung Angsi di Negeri Sembilan, Pine Tree Trail di Pahang tauka Taman Kampung Galau di Stutong, Kuching. Bai bekal pemakai seraya ke merindang ati bejalai ba endur tu.

8. Belajar pengelandik baru

Kemaya hari tu belajar nadai kala nyadika dalih. Nyau amat utai baru ulih dipelajar kemaya hari tu baka sekeda kus online. Sekeda ari kus tu bisi nya nadai bebayar. Sekeda chunto website ke bisi nyediaka kus  baka ba Khan Academy tauka Coursera. Ba endur tu kitai ulih belajarka subjeks baka matematik, senia sereta bidang bekaul enggau pekara mensia. Kitai mega ulih belajarka jaku bansa bukai nengah apps baka Duolingo tauka beratika bup nembiak ba Internet. Semua tu murah sereta ulih ngerinduka ati.

9. Nyumai ke minggu dudi

Maya hari bekereja sekeda ari kitai kelalu kiruh tauka kelalu lelak deka nyumai sepengudah pulai bekereja. Nyangka ujung minggu ti panjai kitai lebuh udah belelak enggau chukup dia kitai ulih nguji sekeda resipi baru tauka nyumai pemakai ke minggu dudi ti tau disimpan dalam fridge. Kitai mega ulih nguji ngagai kek, kui tauka muffin lalu ngangau bala tawing datai ke rumah nyepi pemakai ke udah digaga kitai nya.

10. Ngereja pengawa nadai bepampas

Sekeda ari kitai tentu bisi ati deka ngereja pengawa ti nadai bepampas tauka suah serebana ke nadai awak. Nya mih kebuah enti udah datai ba ujung minggu ke panjai baka di Kuala Lumpur dia kitai ulih enggau bala tawing enggau bala raban ke gawa nadai bepampas nulung sida ke merinsa mensena, sida ke timpang pendiau. Kelimpah ari ngerupan bebala mayuh kitai mega ulih sama-sama begulai merindang sida ke diau ba rumah pengandai tuai.

Simpul Runding

Sepuluh pekara di atas nya sekeda ari chara kitai ulih ngisi maya lepa enggau pengawa ti produktif. Munyi ku jaku tuai, enti deka alah enda, enti enggai bisi tau mih nadai. Hari sigi tusah diganti, awak sigi nadai betatak tang bepanggai ba kitai empu.