Panyun
Jaku
Enda lama agi semua nembiak sekula deka napi peresa
ujung taun baka tisih sumatif lalu sida
ke ba pom tiga, lima enggau enam atas deka ngambi peresa PT3, SPM enggau STPM. Asai
ati ti rawan sereta enda lantang seruran datai dampih maya peresa. Suah bendar
nembiak enda mujur dalam peresa ketegal enda nemu chara teknik belajar ti
betul. Kitai enti ulih patut nyeliahka diri asai ke nyamai belama lalu ubah
gaya bepikir ke jemah ila ke pengidup ke manah agi.
Batang Kenang
Nya mih gambar
pengidup nyadi ba siku-siku nembiak sekula ba tikas primari tauka sekondari baruh. Pengawa
besehari-sehari baka aktiviti betemu enggau tawing sekelas, masuk kelab enggau
gerempung endang nyadika pengingat belama. Tang ari sukut pengamat, ukai semua nya
dipeda lantang laban bisi sesebengkah hal ti tau ngasuh nembiak bemimpi rawan,
mimpi enda lantang. Pengajar ke terit lalu suah mutap nyangka pekara selama ba
nembiak tang dilema ti diasai sebedau peresa udah tentu ngerau runding tauka
pikir nembiak.
Sigi amat,
peresa ti dipejalaika di sekula nentuka pemandai enggau daya kreativiti nembiak
sepemanjai timpuh sida ba sekula. Tang ari semua pemanah nya, ukai semua orang
ngemerat lalu beambi-ulih ari pekara ti dijuluk sida. Bisi aja sekeda nembiak
ti enda ngiraika diri sereta ngumbai peresa nya semina hal ti mit aja. Realiti
iya, tisih enggau peresa ke diberi ngagai semua nembiak nya bisi evidens nguji minda
kitai belajarka pekara baru sereta ngelanchamka daya pengingat senentang subjek
ti udah lama dipelajar kenyau ari pun taun.
Bebanding enggau dulu menya, ukai mudah begigaka penerang senentang subjek ti diambi tauka dipelajar. Pengawa ti pengabis mudah kiraka ngagai librari kena ngulihka penerang. Kemaya hari tu, penerang ukai semina ba librari tang mega ba ujung tunjuk sereta muntang amai alai siku-siku individu ke deka ngulangka pelajar sebedau peresa. Ukai semina nya aja, pemansang teknologi ti regas ari aspek belajar mega ngemudahka nembiak belajar nengah Internet. Latih betandu, set tanya klon peresa bisi disediaka kena ngemudahka sesi belajar.
Bebanding enggau dulu menya, ukai mudah begigaka penerang senentang subjek ti diambi tauka dipelajar. Pengawa ti pengabis mudah kiraka ngagai librari kena ngulihka penerang. Kemaya hari tu, penerang ukai semina ba librari tang mega ba ujung tunjuk sereta muntang amai alai siku-siku individu ke deka ngulangka pelajar sebedau peresa. Ukai semina nya aja, pemansang teknologi ti regas ari aspek belajar mega ngemudahka nembiak belajar nengah Internet. Latih betandu, set tanya klon peresa bisi disediaka kena ngemudahka sesi belajar.
Taja pia, agi mayuh sida ke enda begunaka peluang tu. Bisi sekeda nya milih terus diau diri lalu ngambi jalai mudah dalam aspek tu. Iya ti balat agi lebuh ulah ti kelalah sereta nadai besedia ke seruaran nguasa diri ngujungka pekara baka tu majak nyadi-senyadi. Uji peratika tiga dilema ti ditapi nembiak maya deka ngambi peresa.
Dilema 1 - Belajar maya nyau semak peresa
Statistik
ti dikeluarka Opis Menteri Pelajar bedau lama ti udah bisi madahka 14.5 persin
tauka 68, 208 ari 470, 395 chalon ke ngambi peresa Sijil Pelajaran Malaysia
(SPM) enda mujur dalam peresa sida. Nama kebuah? Enti diperatika enggau silik
mayuh bendar faktor ti tau ngasuh pekara tu nyadi. Enti nitih, iya ti bisi kaul
enggau ulah nembiak ke enda beamat-amat deka ngulihka pemutus peresa ti lati,
ambika banding baka belajar maya nyau deka semak peresa. Nyau tinggal seminggu
sebedau peresa, nya mih maya sekeda nembiak berumban baban deka bekebakka bup
teks ti tebal. Nya mih fakta ti enda ulih disakalka kelebih agi ngagai raban
nembiak ke rindu nembuka sesebengkah kereja maya ujung hari.
Tang ba sekeda nembiak, teknik belajar maya ujung hari tau kekadang tak semitan agi enti dibanding enggau belajar chara konsisten kenyau ari berengkah pom tingkatan lima. Bisi nembiak madahka teknik belajar maya nyau semak hari peresa nya pengawa ke tau ngerinduka ati ti nyau udah nyadi selama lalu tusah deka dilengka sida tu. Bebuka bup teks lalu macha nyentukka bepuluh-puluh lambar endang tau ngelelakka minda lalu ukai teknik belajar ti badas.
Belajar maya ujung hari kadang-kadang ngerinduka ati kenu ku sekeda bala nembiak laban sida nyamai agi ngingatka sesebengkah pekara. Nembiak ke baka tu madahka penerang tauka infomasyen beguna dalam bup teks, enda nyadika penanggul dikingat tauka diapal laban udah suah ngemeranka teknik tu kenyau ari pom satu. Taja pan ukai semua lambar dalam bup teks nya sempat dibacha magang tang maya pengajar bisi meri tips nembiak ke baka tu nyangka lalu terus nulis sereta ngaga not lansa bekaul enggau topik ti nyangka keluar dalam peresa. Enda ibuh ngelu pala ngapal semua topik dalam bup.
Dilema 2 – Beperindang tauka belajar
Tang ba sekeda nembiak, teknik belajar maya ujung hari tau kekadang tak semitan agi enti dibanding enggau belajar chara konsisten kenyau ari berengkah pom tingkatan lima. Bisi nembiak madahka teknik belajar maya nyau semak hari peresa nya pengawa ke tau ngerinduka ati ti nyau udah nyadi selama lalu tusah deka dilengka sida tu. Bebuka bup teks lalu macha nyentukka bepuluh-puluh lambar endang tau ngelelakka minda lalu ukai teknik belajar ti badas.
Belajar maya ujung hari kadang-kadang ngerinduka ati kenu ku sekeda bala nembiak laban sida nyamai agi ngingatka sesebengkah pekara. Nembiak ke baka tu madahka penerang tauka infomasyen beguna dalam bup teks, enda nyadika penanggul dikingat tauka diapal laban udah suah ngemeranka teknik tu kenyau ari pom satu. Taja pan ukai semua lambar dalam bup teks nya sempat dibacha magang tang maya pengajar bisi meri tips nembiak ke baka tu nyangka lalu terus nulis sereta ngaga not lansa bekaul enggau topik ti nyangka keluar dalam peresa. Enda ibuh ngelu pala ngapal semua topik dalam bup.
Dilema 2 – Beperindang tauka belajar
Dalam rampa sekula mayuh bansa tawing ke enggau kitai begulai. Sigi enda ulih disakalka mega, mayuh nembiak sekula puntan dalam hal ti bekaul enggau betawing tu. Katika enda, nembiak nyamai diparit sereta rindu ngui utai ti baru. Ambika chunto lebuh sida berengkah ngaul diri enggau pengawa ke enda manah baka pengawa ponteng sekula. Nitihka rekod Opis Menteri Pelajar bisi kala nyadi 114, 484 nembiak sekula ditemu ngelanggarka atur disiplin sekula. Ari penyampau nya bisi 19, 545 kes bekaul enggau pengawa ponteng sekula.
Enggau angka ti baka nya, kitai ulih merati chara sekeda raban nembiak nyamai amai diparit bala tawing sida sereta enda nyemai pengerindu ngauk penemu di sekula. Mayuh nembiak ke ponteng tu nembiak lelaki lalu sida rindu muai awak besekula sida ba kafe siber sambil bemain video games. Ketegal kuat diparit main, dia nembiak ti baka tu enda sanggu milih diri enda datai ke gudang penemu lalu sanggup ponteng laban deka ke kafe siber beperindang.
Asil ti enda manah tau nyadi enti aktiviti beperindang enda setimbang enggau maya belajar. Nembiak ti udu agi ngemeratka perindang tau nekul sida nyadi produktif agi sereta daya besemekih sida. Kafe siber nya pun pengachau ngagai nembiak lelaki ari ke terus fokus ngagai pengawa belajar di sekula. Kebuah pia laban video games tu ngundan elemen beperindang ti meruan narit ati sereta ulih ngerusakka disiplin siku-siku orang.
Dilema 3 – Enda mereti utai ti dipelajar
Ukai semua orang ulih meretika pekara ti dipelajar kelebih agi enti diri empu nya orang ke pasif sereta enda rindu betanya. Udah mega sistem pelajar kemaya hari tu endang kurang bendar meri peluang ngagai nembiak betanya. Nama agi enti iya mungkur skop belajar ba tikas SPM ke alai semua nya begunaka fokus ti tinggi ngagai topik ke dipelajar.
Nembiak ke imun lalu enda rindu nanya deka napi penanggul tu. Penanggul betambah enti sida enda meretika pekara ti dipelajarka sida. Enti sema sida bisi nanya bala tawing pan, nyangka sida enda tentu serius deka ngajar pangan diri. Nembiak ke baka tu kekadang ngaga diri meretika pekara ti diajar tang iya ke bendar sida tu endang enda nemu utai.
Nya mih kebuah, bala nembiak patut nyikap diri enggau inisiatif ngambika bisi ati deka betanya ngagai pengajar enti sema enda meretika sesebengkah topik nya. Ulah ti baka tu ngasuh sereta meransang kitai nemu agi topik ti dipelajar. Tu mega ngasuh kitai enda berasai ditekan maya napi penanggul. Suah nanya ukai reti nya kitai enda pandai tauka muntat tang nya mih chara kitai ngiga jalai mutarka penanggul enda salah-salah baka sempama jaku Melayu, malu nanya kitai tesat.
Sigi amat,
peresa ti dipejalaika di sekula kena nentuka pemandai enggau daya kreativiti
nembiak sepemanjai timpuh besekula. Tanga taja pia, ukai semua orang ngemeratka
pekara ti dikulihka sida. Bisi aja nembiak ti enda besedia lalu ngumbai peresa
nya pekara enda tentu beguna ba sida. Realiti iya, peresa ti diberi ngagai semua
nembiak nya endang nguji minda sida belajarka pekara baru sereta ngelanchamka daya
pengingat ngagai subjek ti udah lama dipelajar kenyau ari pun taun.
Enti dibanding enggau dulu menya, ukai nya nyamai begigaka penerang bekaul enggau subjek ti diambi. Pengawa ke pengabis mudah nya semina ngelawa librari. Kemaya hari tu penerang ulih ditemu aba ujung tunjuk lalu ngenyamaika nembiak ngulangka pelajar sebedau peresa. Ukai semina nya aja, pemansang teknologi ari aspek belajar mega nyediaka kereban belajar ngagai nembiak baka pengawa belajar nengah Internet. Nya alai nadai kebuah nembiak enda besedia napi peresa sida munyi ku rambai jaku, enti deka alah enda enti enggai bisi pan nadai.
Enti dibanding enggau dulu menya, ukai nya nyamai begigaka penerang bekaul enggau subjek ti diambi. Pengawa ke pengabis mudah nya semina ngelawa librari. Kemaya hari tu penerang ulih ditemu aba ujung tunjuk lalu ngenyamaika nembiak ngulangka pelajar sebedau peresa. Ukai semina nya aja, pemansang teknologi ari aspek belajar mega nyediaka kereban belajar ngagai nembiak baka pengawa belajar nengah Internet. Nya alai nadai kebuah nembiak enda besedia napi peresa sida munyi ku rambai jaku, enti deka alah enda enti enggai bisi pan nadai.
Penutup Kenang
Besedia
napi peresa ukai pekara ti mudah sereta ulih diteju ngagai hari ke nyau semak
maya deka peresa. Kebuah pia, peresa nya kelimpah ari nguji tikas pengelandik
bepikir kitai senentang sesebengkah pekara iya mega nguji kitai ngingatka baru
penemu ti udah dipelajarka kitai nitihka timpuh ti udah diberi baka iya ke napi
PT3 nya ari pom satu ngagai pom tiga, lalu SPM nya ari pom empat ngagai pom
lima. Nya kebuah kitai endang semampai dilalau nyikap diri.
Tiada ulasan:
Catat Ulasan