Di
Malaysia, mayuh apai indai ngasuh anak sida belajar sampai pandai awakka bulih straight A dalam peresa UPSR, PT3, SPM
enggau STPM. Enti belajar pandai kenu ku sida ulih besekula ba sekula asrama
penuh, sekula agama, MRSM lalu enti ba sekula selama ulih tama belajar ba kelas
ke pengabis badas, ukai kelas jelan pandai tauka kelas muntat. Lebuh udah besai
ulih gawa nyadi luyar, lutur tauka injinir.
Di
Finland, apai indai ngasuh anak sida belajar nyadi mensia ke beguna. Enda
pandai enda ngawa asal sida enda ngenusahka orang lebuh udah besai. Peresa rama
semina dipejalaika maya nembiak nya berumur 17 taun. Lapa? Laban sida nemu enti
suah peresa dia bisi raban ke semina ngapalka pelajar kena ngulihka A baka di
menua Malaysia lalu ukai raban pemikir ti kritis sereta selalu betanya.
Kelimpah
ari nya, nembiak sekula di Finland enda diserara nitihka tikas pemandai. Sida
dipilih nengah chara rawak ngambika nembiak nya enda tentu ngasai diri, ‘Aku
duduk dalam kelas muntat tu reti nya aku muntat. Nya alai nadai guna aku
belajar.’
Tiada ulasan:
Catat Ulasan