Nyeliah penusah didawa apai indai ba court

Empai lama ti udah tentu kitai bisi ninga siku pengajar ke mekuh pengawa nyadi Penolong Kanan Hal Ehwal Murid ba sebuah sekula bisi ngukum nembiak enggau chara ngikat kedua-dua jari nembiak nya. Enti nitihka niat pengajar tu manah laban deka narak sereta ngajar nembiak nya awakka enda sengapa ngambi barang nembiak bukai. Tang kena 17 September 2015 pengajar tu udah dipinta datai ngagai  court ketegal disamanka apai indai laban ti udah ngukum anak iya.Pengajar nya kenu ku berita agi nganti hari bulan baru mendingka kes tu (Majalah Guru Malaysia, Oktober 2015). Kes tu bisi mega diviral nengah media sosial. Iya ti ngenakutka raban pengajar kemaya hari tu laban pengajar tu benung didawa ari baruh Seksyen 323 Kanun Keseksaan sereta ulih ditinggang ukum jil 10 taun enti iya ditemu salah.

Mayuh raban pengajar bisi betanya ngagai Gerempung Pengajar Bansa tauka National Union of Teaching Profession (NUTP) senentang tanggung pengawa gerempung pengajar nya dikena magar sida pengajar tu ari terus kena dawa bala apai indai. Kebuah pia,enti budaya nyaman pengajar tu nyadi-senyadi, pengajar jemah ila tentu enda berani bejalaika disiplin ngagai nembiak kelebih agi raban nembiak hardcore tauka iya ke kelalu manchal. Nambahka nya mega pengajar ti dikena saman mega deka ngasai diri kena tekan sereta enda tentu ulih ngereja pengawa iya enggau lanchar.

Nya alai dikena ngingatka kitai semua enti orang nya udah didawa ba court tentu proses gantung kereja tau nyadi ba iya seraya ke nganti kes nya tembu. Nya kebuah raban pengajar enda tau enda semampai ngingatka diri ninting kali deka neritka disiplin nembiak.Semua pengawa ke deka neritka disiplin mesti bepelasar ba Surat Pekeliling Iktisas Bil. 7/2003: Kuasa Guru Merotan Murid baka ke diterang nangkanka tu:

Kuasa nyipat nembiak ngena rutan tauka ukum ngerutan endang udah lama disediaka Opis Menteri Pelajar kenyau ari suba. Kuasa nyipat nembiak ngena rutan ti diberi Opis Menteri Pelajar nya bepelasarka ungkup atur ti udah disediaka dalam PERATURAN-PERATURAN PELAJARAN (DISIPLIN SEKOLAH) 1959, di baruh ORDINAN PELAJARAN 1957. Dalam PERATURAN 6 bisi dikenataika enggau terang iya nya:

PERATURAN 6

Guru Besar sesebuah sekolah boleh dari semasa ke semasa tertakluk kepada apa-apa syarat dan hal yang difikirkannya patut, mewakilkan kuasa disiplin sekolah dan kuasa menjalankan hukuman kepada guru-guru lain di sekolah itu atau kepada murid-murid yang ditetapkan olehnya bagi maksud itu, tetapi kecuali yang disebut di atas tiada seorang pun guru atau murid boleh menjalankan kuasa itu melainkan dengan arahan tertentu:

Besenutuk enggau nya, Opis Menteri Pelajar ngarapka kuasa ti diberi nya diguna sekula nitihka PERATURAN 5 ari baruh ordinan ti sama:

(1)                Bagi maksud menjaga disiplin di kalangan murid-murid, Guru Besar hendaklah mempunyai kuasa menjalankan hukuman-hukuman sekolah yang biasa sebagaimana perlu atau manfaat:

Dengan syarat bahawa:

a)      hukuman dera kepada murid-murid perempuan adalah dilarang; dan

b)      hukuman dera kepada murid-murid lelaki oleh seorang guru atau lain-lain kakitangan sekolah adalah dihadkan kepada merotan dengan rotan yang ringan di tapak tangan atau dipunggung yang berlapik dengan pakaian dan hendaklah difahamkan hanya oleh Guru Besar ataupun dengan kuasa nyata yang diberi olehnya dalam hal yang tertentu.

(2)       Satu rekod mengandungi semua hukuman yang dijalankan di bawah perenggan (1) hendaklah disimpan secara sulit mengikut bentuk yang diluluskan oleh pendaftar. Hukuman yang dikenakan hendaklah direkodkan dengan menyatakan jenis salah laku, bilangan sebatan, bahagian anggota yang dirotan dan saksi semasa hukuman rotan dilkasanakan.

Maya bejalaika ukum ngena rutan, Kepala Pengajar enggau raban pengajar ti diberi kuasa nya patut semampai nemu rutan nya semina sebagi ari proses narak nembiak. Pengawa ngerutan nembiak nya patut diperetika raban pengajar. Iya semina kereban dikena disiplinka nembiak lalu ukai ngerusakka selangkuh tubuh tauka fizikal enggau mental nembiak. Raban pengajar ti nyipat nembiak ngena rutan nya ukai ketegal sida muras tauka bedendam tang ketegal deka meri ajar, iya nya tiap-tiap penyalah nya endang bisi ukum. Dalam konteks sekula, nyipat tauka ngerutan nya semina sebagi ari proses narak nembiak kelebih agi ngagai sida ke nadai disiplin.

Ukum rutan ba mua mayuh baik nya maya begelumu bebala mayuh tauka ba bilik-bilik ti alai proses ngajar enggau belajar benung dipejalaika endang enda tau sekali-kali. Pengawa ti baka nya semina deka ngemaruhka maruah tauka peniri diri sereta mai empas negatif ti besai agi ngagai pemansang personaliti nembiak nya.

Nya alai, semua penanggul nembiak sekula diarapka ulih diputar ba tikas sekula entara Kepala pengajar, pengajar, apai indai enggau gerempung apai indai enggau pengajar (PIBG) ngambika palan alai gawa nya harmoni.